Garoowe (RBC RADIO) Saacadaha Soo socda ayaa la filayaa wafdi uu hogaaminayo Raysul’wasaarha Dalka Soomaliya Mudane Cabdi Faarax Shirdoon Saacad in ay soo gaaraan Magaalada garoowe iyagoo la kulmi doona Madaxda Puntland oo uu ugu horeeyo Madaxweynaha Puntland Dr Faroole.
Magaalada ayaa iminka laga dareemayaa diyaar garow ku aadan soo dhawaynta Raysul’wasaaraha waxaana si wayn loo sugay amniga guud ee magaalada waxaana sidoo kale la filayaa in soo dhawaynta Madaxda federaalku ay ka qayb qaataan Hogaanka Puntland oo ay kusoo dhaweeyaan Garoonka diyaaradaha ee Magaalada garoowe.
Inkastoo Khilaaf uu u dhexeeyo Puntland iyo Dowlada Federaalka hadana waxaa muuqata in Madaxda 2da dhinac ay arimahaasi iyo kuwo kale isla gorfayn doonaan, waxaana iminka garoonka diyaaradaha kusii qulqulayay Qaybaha kala duwan ee bulshada iyo Madaxda Puntland oo ay saxaafadu wehliso si ay uga qayb qaataan soo dhawaynta Raysul’wasaaraha iyo wafdiga ku wehliya safarka.
Wixii warar ah ee kusoo kordha kala soco Raxan-reeb haduu alle idmo.
Ibraahim wadani
RBC Radio
Xafiiska Garoowe.
Use Facebook to Comment on this Post
