Masjidka Al Rowda Boosaaso
Boosaaso[RBC Radio] Waxaa daqiidado ka hor Bam Gacmeed lagu tuuray Masaajidka Al-Rowda oo ku dhow agagaarka Xawaaladda AMAL Bank ee magaaladda Boosaaso ee xarunta gobolka Bari.
Wararku waxay sheegayaan in Bam Gacmeed lagu tuuray Masaajidka Al-Rowda iyadoona xiliga la Weeraray ay ka socotay Nadwo Diimeed looga hadlaayey “ku Xadgudubka Diinta Islaamka” iyo dhibaatooyinka ka dhalan kara.
Culumadda ugu sarsareysa Jamaacadda Al-Ictisaam ayaa ku sugnaa xiliga Bam Gacmeedka laguy tuuray afaafka hore ee Masaajidka Al-Rowda,waxaana qaarkood ay Jeediyeen Muxaaradarooyin.
Sida dad ku sugan gudaha Masaajidka xiliga Qaraxu dhacay ay Raxanreeb u sheegeen ma jiro khasaare ka dhashay Bambka iyagoona intaas ku daray inaan la aqoon cidda soo tuurtay.
Xaaladda ayaa hadda u muuqata mid degan,waxaana isla markiiba goobta soo gaaray Ciidamada amniga Boosaaso, iyagoona bilbaabay baaritaan ay ku Ogaanayaan cida falka Bambaano ka dambeysay, waxaana xusid mudan in Ciidamo suga amaanka Masaajidka ay ku sugnaayeen goobta.
Nadwada oo ka bilaabatay Masaajidka Al-Rowda 6-da bishan March ayaa loo qorsheeyey iney socoto muddo afar cisho, iyadoona soo Jeedinteeda qeyb weyn ka qaadanayaan Culumada Jamaacadda Al Ictisaam sida:
01. Shiikh Faarax Maxamed Cajab.
02. Shiikh Maxameed Macalin Axmed.
03. Shiikh Cabdiqani Qorane.
04. Shiikh Axmed Cabdisamad.
05. Shiikh Xasan Maxamed Ibraahim.
06. Shiikh Axmed Daahir Xasan.
Mudda ay socoto Nadwadu ayaa looga hadlayaa arrimo badan oo ay kamid yihiin ku Xadgudubka Diinta Islaamka iyo dhibaatooyinka ka dhalan karta, waxaana la Ogeyn sababta rasmiga ee loo bartilmaameedsaday Masaajidka.
Wxii kusoo kordha kala soco Raxanreeb.com
____________________________
RBC Radio
Xafiiska Boosaaso
Use Facebook to Comment on this Post
