Kulankii madaxweyne Faroole uu la qatay bishii October, 2010 madaxweynihii hore ee Yemen Cali Cabdala
Dubai[RBC Radio]Wafti uu hoggaaminayo madaxweynaha dowladda Puntland ee Soomaaliya Cabdiraxmaan Shiikh Maxamed Maxamuud (Faroole) ayaa maantay u ambabaxay magaaladda Sanca ee caasumada dalka Yemen.
Waftigi madaxweyne Faroole ayaa mudooyinkii ugu danbeeyey ku sugna magaaladda Dubai,waxana qeyb ka ah waftigiisa xubno ka tirsan gollaha wasiirada Puntland.
Socdaalka madaxweynaha Puntland ee u ku aaday dalka Yemen ayaa la sheegay inuu ka danbeyey kadib markii uu casumad rasmi ah uu ka helay madaxweynaha dalkaasi Yemen Abd Rabbuh Mansur Hadi.
Booqashada Madaxweynaha ee dalka Yemen ayaa waxaa fer fer socda kulamo kala gadisan oo arrimo badan looga hadli doono,waxana kulamada wada qadan doono madaxweynaha Puntland iyo madaxda dalkaasi Yemen,waxana xubnaha Faroole ay isk arki doonan ka mid ah madaxweynaha dalkaasi Yemen Abd Rabbuh Mansur Hadi.
Waxaa la sheegay in kulamada labada dhinac looga wada hadli doono qoddobo dhoor ah oo ay ka mid yihiin xaaladda Soomaaliya gaar ahana mida xiligan ka jirta Puntland,oo ay wada falan qayn doono waftiga madaxweynaha Puntland iyo madxada dalka Yemen.
Arrimaha labada dhinac ay sida weyn uga hadlayaan waxaa la sheegay inay tahay is-kaashiga ka dhexeya Puntland iyo Yemen,maadama sida la sheego Puntland iyo Yemen ay leeyihiin xiriir ganacsi iyo xuduud dheer ka wadaaga dhinaca badda Cas taas oo lagama maarmaan ka dhigaysa in la sii adkeeyo Iskaashiga dhinacyada ammaanka, dhaqaalaha iyo Isu socodka.
Si kastaba socdalka uu madaxweyne Faroole ku tagayo maantay dalka Yemen ayaa waxaa uu imaanaya xili bilawgii bishii October, 2010 uu madaxweyne Faroole ku tagay dalka Yemen.
______
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
