Muqdisho(RBC Radio) R/wasaaraha xukuumada Soomaaliya Cabdi Faarax Shiirdoon Saacid ayaa maanta kulan kula qaatay magaalada Muqdisho wakiilka xoghayaha guud ee qaramada midoobe Baan kii moon u qaabilsan arimaha xuququqda aadanaha dalka Soomaaliya Shamsu Baari oo soo socdaal ku yimi magaalada Muqdisho.
Kulanka labada masuul oo saacado badan qaatay saxaafadune ay dibad joog ka ahayd ayaa markii uu soo gabagaboobay waxaa warbaahinta uga waramay waxyaabihii ay isla soo qaadeen r/wasaaraha xukuumada Cabdi Faarax Shiirdoon Saacid wuxuuna sheegay in wakiilka qaramada midoobe ugu qaabilsan xiquuqul iinsaanka dalka Soomaaliya ay ka wada hadleen heerka xuquuqda aadanaha ee dalka Soomaaliya.
R/wasaaraha ayaa sheegay in masuulka ka socda qaramada midoobe ay u sharaxeen heerka xuquuqda aadanaha iyo sida ay dowlada Soomaaliya ugu hawlan tahay horumarinta iyo xushmeynta heerarka caalamiga ah ee dhowrsita xuquuqda aadanaha gaar ahaan ta dalka Soomaaliya.
Wasiirka koowaad ee xukuumada Soomaaliya ayaa sheegay in markii ay wakiilka qaramada midoobe u gu xilsaaran lasocodka dhowrista xuquuqda aadanada dalka Soomaaliya sida ay dowlada Soomaaliya mar walba ugu taagan tahay tixgalinta xeerarka xuquuqda aadanaha ayuu sheegay in Shamsu Baari uu si weyn ugu farxay horu marka ay dowlada Soomaaliya ka samaysay horumarinta xuquuqul iinsaanka dalka Soomaaliya.
Shamsul Baari oo isne hadlay ayaa sheegay in kulankii ay la qaateen R/wasaaraha Soomaaliya ay ku ogaadeen dadaalada ay ugu jirto dowlada Soomaaliya dhowrista xuquuqda aadanaha wuxuuna tilmaamay iney tahay wax lagu farxo horu marada ay ku talaabsatay dowlada intii ay jirtay wuxuuna dhanka kale rajo wanaagsan ka muujiyey in xuquuqda aadanaha Soomaaliya sare loo qaado sanadaha soo socda.
RBC Radio
Xafiiska Wararka Muqdisho
Use Facebook to Comment on this Post
