Muqdisho (RBC) Waxaa isa sii taraya Qasaarihii ka dhashay Qaraxyaddii 7/9/2013 ka dhacay baarka Village ee Agagaarka Guriga Hooyooyinka, waxaana jirta in saacad kasta qof cusub oo dhaawac ahaa uga geeriyoonaya dhaawaca halista ah ee soo gaaray.
Inkastoo dad badan saameyn ballaaran ku yeeshay hadana waxaa ugu sii daran oo aan maanta ku booqanay Isbitaal Madiina Hooyo Soomaaliyeed oo lagu magacaabo Xabiibo Maxamed oo laba wiil ay dhashay dhaawac halis ah kasoo gaaray qaraxyaddii arxandaradda ahaa.
Saamaynta ugu ballaaran marka uu qarax dhaco waxa uu ku yeeshaa dadka rayidka ee aan waxba gallabsan, waana wax laga xumaadoo runtii qoys iyagaba la diriraya qutulyoonkoodda in si arxandaro ah loo hallaago.
Wiilasha waxa ay ka yimaadeen Dugsi quraan waxaana loo soo daayay Quraac mid ka mid ah ayaa qaraxii ugu horeeyay ku dhaawacmay midka kale isagoo is lahaa wallaalkaa soo fiiri ayaa isagana qaraxii labaad ee ismiiddaamintaa ahaa la kulmay labadooduba isku mar ayaa lasoo wada qaaday iyagoo dhiigu ka daadanayo.
Hooyo Xabiibo Maxamed oo ah Hooyadda dhashay wiilasha waqtigaas waxa ay dhex joogtay Suuqa Ceelgaabta oo ay Meharad yar oo ganacsi ah ku lahayd, markii ay maqashayna usoo carartay, Hooyadan Soomaaliyed oo ay ilmaheedda iyddda u xamaali jirtay ayaa haatan kula jirta Isbitaalka Madiina wiilasheedda waxa ayna wallaac kula jiiftaa isbitaalka.
Midka mid ah wiilasha waxa uu ka naafoobay qaarka danbe dhaqaatiirta waxa ay ka muujinayaan Rajo xumo waayo qaliin lagu sameeyay waa lagu guulaysan waayay oo firir hoos kaga jira waa laga soo saari waayay.
Hooyo Xabiibo oo ka hadlaysay dhibaatada haysata waxa ay tiri “ Illaahay waxa uu keeno waa inaan ku samiraa, waxa igu dhacay waa wax musiibo ah waayo aniga waxaan iska ahaa qof nolosha Caadiga ah la dirireysa, hada Habeenkii waxaa igu socoto laba canug min 5$ waana 10$, oo daawadana kuu dheertahay, sidoo kale lacagta lagu qallay waxaa la ii sheegay in ay tahay 450$ oo markii la qalalayay lagu qalay sida la ii sheegay, waxaa ii sii dheer cunadda ay cunaan oo gaar ah, waa garan kartaa isbitaalka dhibaatadiisa,.”
Hooyo Xabiibo waxa ay ka ka codsanaysaa dhamaan umadda Muslimiinta Jaaliyadaha, Soomaaliyeed, Ciddii Alle wax u dhiibay in ay Gar gaar lasoo gaaraan.
Waa hooyadii reerka u shaqeyn jirtay oo dul fadhida labadeedii wiil ee qaaliga ahaa ee ubadka Soomaaliyeed ka mid ah oo dhaawac ah kuna jira isbitaalka- Waa arrin murugo iyo caloolyow ku abuureysa qof kasta oo damiir leh.
Haddaba haddii aad wax uuna ku caawin karto fadlan Kala xiriir Hooyo Xabiibo Maxamed +252615164817 / +252615894524. Ama kala xiriir Asad Dhaayow Email; asaddhayow@gmail.com
Use Facebook to Comment on this Post
