Dhuusamareeb{RBC Radio} Maamulka cusub ee gobolka Galgaduud ayaa ballan qaaday inuu fulinayo ballan qaadkii R/wasaare Cabdi Faarax Shiirdoon Saacid oo xiligii uu safarka ku tagay gobolka Galgaduud ku dhawaaqay in dhmamaan deegaanada uu ka kooban yahay gobolka Galgaduud laga hirgalinayo adeegyadii aasaasiga ahaa ee dadweynaha.
Xuseen Cali Wehliye Cirfo oo shalay gaaray magaalada Dhuusamareeb ee xarunta gobolka Galgaduud ayaa daboolka ka qaaday xilli uu hadal u jeedinayey boqolaal dadweynaha ah in maamulkiisu uu dhaqan galinayo ballan qaadkii xukuumadda oo ahaa in deegaan walba oo ka tirsan gobolkaas laga hirgaliyo Xarun Caafimaad,Dugsi Waxbarasho iyo ceel biyood nadiif ah.
Gudoomiyaha gobolka Galgaduud Xuseen Wehliye Cirfo ayaa sidoo kale ballan qaaday in maamulkiisu uu sida ugu dhaqsaha badan ugu guntanayo dib u dhiska Xeradii 21aad ee ciidanka xoogga dalka Soomaaliyeed oo laga xukumi jiray gobolada Galgaduud,Hiiraan iyo Mudug oo xiligan burbursan.
Maamulka gobolka Galgaduud oo dhawaan gaaray gobolkaas ayaa ku guda jira socdaalo uu ku tagayo deegaanada kala gadisan ee gobolkkaas halkaas oo wadahadallo uu kula leeyahay qaybaha kala duwan ee bulshada ,gudoomiyaha ayaa ka dalbaday shacabka gobolkaas iney si buuxda u taageeraan maamulkiisa
RBC Radio
Xafiiska Muqdisho
Use Facebook to Comment on this Post
