Gaalkacyo(RBC Radio) Madaxweynaha maamul goboleedka Galmudug Cabdi Xasan Cawaale Qaybdiid ayaa shaqadii ka eryey Saraakiishii ciidamada nabad sugidda maamulkaas ugu sareeyey,Madaxweynaha maamulka Galmudug Cabdi Xasan Cawaale ayaa xilkii ka xayuubiyey taliyihii ciidanka nabad sugidda maamulkaas.
Madaxweyne Cabdi Xasan Cawaale Qaybdiid ayaa saraakiil cusub u magacaabay Taliska nabad sugidda maamulkaas,wuxuuna taliyaha cusub ee nabad sugidda Galmudug u magacaabay C/risaaq Maxamuud SHeekh Yuusuf oo loo yaqaano Foodcadde oo hore u ahaa taliye ku xigeenkii nabad sugidda maamulkaas.
Cabdi Xasan Cawaale Qaybdiid ayaa sidoo kale taliyaha nabad sugidda gobolka Mudug u magacaabay,wuxuuna u magacaabay Gaashaanle Cabdi Maxamed faarax oo ku magac dheer Dhafoor,arintan ayaa ka danbeysay kadib marii uu si weyn hoos ugu dhacay amniga deegaanada maamulka Galmudug.
Madaxweynaha maamulka Galmudug Cabdi Xasan Cawaale Qaybdiid oo dhawaan hadal ka jeedinayey magaalada Gaalkacyo ayaa shaaca ka qaaday in maamulkiisu uu ku guul daraystay sugidda amniga deegaanada maamulka Galmudug.
RBC Radio
Use Facebook to Comment on this Post
