London(RBC Radio) Dowlada dalka Ingiriiska ayaa shaaca ka qaaday iney 14 Milyan ay ku bixinayso dhismaha Xabsi iyo maxakamad ay ka hirgalinayso gudaha dalka Soomaaliya si looga hortago waxa ay dowladda Ingiriisku ugu yeertay kooxaha Argagixisada iyo Burcadbadeeda kasoo ifbaxay dalka Soomaaliya.
Xog-hayaha horumarinta caalamka ee dowladda Ingiriiska Justline Greening ayaa sheegtey in hadafkoodi uu yahay in la helo nidaam sahlaya qaadista dacwadaha kooxaha burcada badeeda Soomaalidaa iyo dadka loo haysto falalka argigixsanimada, sida ay daabacday Jariirada The Sandy ee kasoo baxda dalkaas.
Justline Greening oo hadalkeeda sii wadata ayaa tiri “waxaan doonaya dib u dayactirka xabsiga dhexe ee Muqdisho oo 180 sano jirsaday taasina waxaa ay sahlaysaa in dad badan oo ku jira xabsiyada dalka Ingiriiska kiisaskooda ama qaadista dacwadahooda loo soo weeciyo Soomaaliya”
Ingiriiska ayaa uga gol leh dhisida xabsiga in Maxaabiis Soomaaliyeed oo gaaraya 4 boqol oo Maxbuus oo ku jira xabsiyada caalamka kuwaas oo loo haysto falal la xiriira argagixisanimo iyo burcadbadeednimo,xukuumadda London ayaa ballan qaaday in Maxaabiista Soomaaliyeed marka lagu soo celiyo gudaha Soomaaliya ay helaan Maxkamado caddaalad ah iyo xabsi lagu hayo marka la xukumo.
RBC Radio
Xafiiska Muqdisho
Use Facebook to Comment on this Post
