Wajaale(RBC Radio) Wararka ka imaanaya magaalada Wajaale ee ku taalla xadka kala qaybiya maamulka Soomaaliland iyo wadanka Ethioipia ayaa ku waramaya in halkaa lagu qabtay rag ka tirsan Mukhalasiinta dadka Tahriibiya,taliyaha ciidanka booliska Wajaale Axmed Caqli oo warfidiyeenka la hadlay ayaa sheegay iney gacanta ku dhigeen 5 Nin oo uu sheegay iney ahaayeen Mukhalasiinta dadka u kala gudbiya deegaanada Soomaaliland iyo dalka Ethiopia.
Taliyaha booliska magaalada Wajaale ayaa sheegay iney qabashada raggan dadka tahriibiya ay kala kaashadeen ciidamada wadanka Ethiopia ee ku sugan xadka,wuxuuna tilmaamay iney muddo dheer ku daba joogeen sidii ay u qaban lahaayeen.
Mukhalasiinta ay qabteen ayuu sheegay in xiliga ay qabanayeen ay wadeen dad fara badan oo Soomaali ah kuwaas oo ay si qarsoodi ah ku galinayeen gudaha dalka Ethiopia,wuxuuna xusay in iyaga iyo dadkii ay Tahriibinayeen ay gacanta ugu jiraan ciidamada booliska maamulka Soomaaliland.
Use Facebook to Comment on this Post
