Muqdisho(RBC Radio) Ururka midowga Afrika ayaa cambaareeyey dagaalada kasoo cusboonaaday magaalada Kismaayo ee xarunta Jubada hoose,warsaxaafadeed uu soo saaray wakiilka gaarka ah ee ururka Midowga Afrika u qaabilsan arimaha Soomaaliya Maxamed Saalax annadif ayuu ku cambaareeyey dagaalada dagaalka labadii maalmood ee lasoo dhaafay ka dhacay magaalada Kismaayo,wuxuuna ugu yeeray dhinacyada ku dagaalamaya Kismaayo iney joojiyaan dagaalka.
Annadif ayaa sheegay in Soomaaliya ay cagta saartay wadadii nabadda iyo kasoo kabashada colaadihii sokeeye,wuxuuna ugu baaqay Soomaalida iney ka faa’iideystaan horumarka dalku ku tallaabsaday iyo taageerada ciidanka AMISOM ee ka barbar dagaalamaya.
Wakiilka gaarka ah ee Midowga Afrika u qaabilsan Soomaaliya ayaa tilmaamay iney wali jiraan waxyaabo caqab ku ah Mustaqbalka ifaya ee dhanka horumarka ee ka jira Soomaaliya,wuxuuna wax laga xumaado ku tilmaamay in dadka shacabka ah lagu dul dagaalamo.
Maxamed Saalax Annadif ayaa ugu baaqay dhinacyada isku haya magaalada Kismaayo iney meel iska dhigaan khilaafaadka siyaasadeed,isla markaane ay wadahadal iyo iyo is afgarad wax walba ku dhammeeyaan.
RBC Radio
Xafiiska Wararka Muqdisho
Use Facebook to Comment on this Post
