Barakacayaasha kaam Ajuuraan oo Saf ugu jira deeqda
Boosaaso[RBC Radio] Barakacayaasha ku dhaqan Kaamka Ajuuraan oo kamid ah Kaamamka ku yaala magaaladda Boosaaso ayaa la gaarsiiyey Deeq ka kooban Maacuun iyo Gogol taasoo ay si weyn ugu baahnaayeen.
Deeqda la gaarsiiyey Kaamka Ajuuraan ayaa ka danbeysay ka dib markii dab xoogan uu qabsaday taasoo keentay in boqolaal danyar ah ku hoy beelaan,waxaana ka jawaabay qeylo dhaan ay direen qaar kamid ah Hay’adaha Caalamiga ah gaar ahaana UNHCR.
Agaasimaha Arimaha Bulshada Dawladda hoose ee Boosaaso Maxamuud Dhurwaa
Agaasimaha Arimaha Bulshada Dawladda hoose ee Boosaaso Maxamuud Dhurwaa ayaa u sheegay Saxaafadda in loo baahanyahay in wax loo qabto Barakacayaasha Boosaaso ka dawlad hoose ahaana ay si laba jibaarayaan gargaarga ay siiyaan.
Xildhibaan Cabdinuur Galayr oo kamid ah Gollaha deegaanka Boosaaso ayaa sheegay iney bilaabeen dadaalo lagaga hortagayo dabka soo noqnoqday ee ka kaca kaamamka ay deganyihiin Barakacayaashu.
Guddoomiyaha Kaamka Barakacayaasha ee Ajuuraan ayaa iyaduna sheegtay in muhiim ay tahay in deeq baaxad leh la gaarsiiyo Barakacayaasha ku dhaqan magaaladda Boosaaso.
Xiliyada kulaylaha marka la gaaro waxaa ka kaca goobaja Barakacayaasha dab,kaas oo khasaare u geystay balse intooda badan gargaar kama helaan Hay’adaha Caalamiga ah ee Boosaaso ku sugan.
________________
Cismaan Turaabi
RBC Radio
Boosaaso
Use Facebook to Comment on this Post
