Baay(RBC Radio) Taliska ciidanka booliska Soomaaliyeed ayaa qalab ciidan oo casri ku wareejiyey saraakiisha booliska gobolka Baay qalabkan oo loogu talagalay iney adeegsadaan ciidanka booliska gobolka Baay xiliyada ay ku jiraan hawlgallada muhimka ah.
Qalabka ayaa ka kooban Isgaarsiin casri ah oo isugu jira kuwa gacanta lagu qaato iyo kuwa la dhigo xarumaha booliska,kuwaas oo loogu talagalay iney ku wada xiriiraan ciidanku xilliga hawlgallada ay ku guda jiraan.
Qalabkan ayaa waxaa saraakiisha booliska gobolka Baay gudoonsiiyey Gaashaanle dhexe Cabdikariin Xuseen oo wakiil ka ah taliyaha ciidanka booliska Soomaaliyeed Jeneraal Cabdixakiin Daahir Siciid Saacid,waxaana qalabkan kala wareegay taliyaha ciidanka booliska gobolka Baay Col. Mahad C/raxmaan Aadan.
Taliyaha ciidamada booliska Soomaaliyeed Mahad C/raxmaan ayaa ka mahad celiyey deeqda ay gaarsiiyeen booliska gobolka Baay,wuxuuma sheegay in qalabkani uu yahay mid kaabaya shaqada booliska isla markaane ay wax badan ka tari doonto sidii ay ciidanku u gudan lahaayeen hawsha ay bulshada u hayaan,isla markaane loo keenay xilli ay baahi weyn u qabeen sida uu tilmaamay.
Taliska cusub eeciidanka booliska Soomaaliyeed ayaa hore u ballan qaaday iney wax badan ka qaban doonaan baahida ciidanka booliska ee dhanka qalabka ah iyo tababarrada ah.
RBC Radio
Xafiiska Muqdisho
Use Facebook to Comment on this Post
