Muqdisho(RBC Radio) Taliska AMISOM ayaa ka warbixiyey hawlgaladii ugu danbeeyey ee ay dalka ka fuliyeen iyo amniga magaalada Muqdisho ee caasimada Soomaaliya afhayeenka ciidamada nabad ilaalinta midowga Afrika ee AMISOM Col.Cali Aadan Xumud oo shir jaraa’id ku qabtay taliska ugu weyn ciidanka AMISOM ee Xalane ayaa ka waramay hawlgaladii ugu danbeeyey ee ay dalka ka sameeyeen iyo amniga caasimada Muqdisho.
Afhayeen Cali Aadan Xumud ayaa sheegay in xooga hawlgalka AMISOM uu la xiriiro dhanka Milateriga,wuxuuna tilmaamay in badi Ciidanka AMISOM ay hada hawlgalada ka wadaan goobaha ka baxsan magaalada Muqdisho ee caasimada Soomaaliya.
Cali Aadan Xumud ayaa sheegay in taliska AMISOM ay si weyn uga xunyihiin qaraxyadii ka dhacay gudaha magaalada Muqdisho,”Ciidamada AMISOM milateri ayey u badan yihiin,weyna ka gudbeen Muqdisho,wixii ka dhacay Muqdisho waxay ahayd ayaan darro,dib ayaa looga fiirsanayaa sidii aysan mar danbe usoo noqon dhacdooyin la mid ah kuwii lagu gumaaday shacabka Muqdisho” ayuu yiri afhayeenka ciidanka AMISOM.
Cali Aadan Xumud ayaa sheegay in ciidanka AMISOM ay gacanta ku hayaan sugida amniga goobaha halbowlaha u ah magaalada Muqdisho sida Garoonka diyaaradaha iyo Dekedda magaalada Muqdisho,wuxuuna wacad ku maray iney dhabarka ka jabin doonaan ururka alshabaab oo uu sheegay iney cadow ku yihiin horumarka umada Soomaaliyeed,isla markaane ay fashilin doonaan isku dayada alshabaab ay ku doonayaan iney ku naafeeyaan shacabka Soomaaliyeed sida uu tilmaamay.
RBC Radio
Xafiiska WArarka Muqdisho
RBC Radio
Xafiiska Wararka Muqdisho
Use Facebook to Comment on this Post
