Mogadishu (RBC) Somali Lawmakers will vote for the 2014 budget today on Wednesday, according to MPs who spoke to RBC Radio this morning.

Members of the country’s Federal Parliament on Tuesday postponed a session in which they were expected to vote for the approval of the budget due to lack of sufficient quorum to hold the gathering.

Deputy Parliament Speaker Jeylani Nur Ikar has told the lawmakers that the House should vote for the budget today, after a week of discussing the budget was finished.

“Our agenda on tomorrow [Wednesday] will be voting fir the 2014 budget.” he told lawmakers on Tuesday.

The 2014 budget proposed by the cabinet a month ago is yet waiting to be approved as the ministries eagerly awaiting due to challenges facing the daily operations of the ministries and other government agencies which their three months budget ended at the end of March this year.

RBC Radio

Use Facebook to Comment on this Post

Dar Es Salaam [RBC Radio]Waxaa ka furmay dalka Tanzania gaar ahaana magaalada Dar Es Salaam tartanka kubadda koleyga kaaso oo ay ka qeyb-galayaan magaaloyinka ku yaalla barriga iyo bartamaha Afrika.

Sannadkan waxaa ka qeyb-galaysa tartankan magaalada caasumaa ah ee Garoowe,waxaana lugu dahfuray ciyaartoydi ka socotay magaalada Jubba iyo magaalada Garoowe,waxaana ciyaarta guulweyn oo muhiim ah gaaray dhallinyaradi matalaysa caasumada Puntland.

Furitankii tartankaan waxaa hadalo ka jeediyey xubnihii soo qaban-qaabiyey waxaana ay sheegen inay ku faraxsanyihiin tartanka Inter City basketball inay ka soo qeyb-galaan dhammaanba magaalooyinka ku yaalla dalalka bariga iyo bartamaha Afrika,waxaana ay sheegen ujeedadda ka danbeysa qabashada tartankan inay tahay qorsho lugu doonayo in lugu mataaneyo dhammaanba magaalooyinka bariga iyo bartamaha Afrika.

Ciyaarti ugu horreeysay ee tartankan oo shalay dhacday waxaa ay dhexmartay magaalada Garoowe oo matalaysa Puntland iyo magaalada Jubba oo caasumad u ah dalka Koonfurta Suudaan,waxaana ay soo bandhigeen ciyaar ad ay ula dhaceen boqollaal daawadayaal ah oo ka qeyb-galay furitanka tartanka.

Inta badan waxaa ciyaarta ku gacan sareeyey oo ciyaar lama filaan ah soo bandhigay ciyaartoydi matalaysa magaalada caasumada u ah dowladda Puntalnd ee Garoowe,waxaana la arkayey ciyaartoyda Garoowe oo goolalbadan ka dhalinaya dhiggooda Jubba oo dalka Koonfurta Suudaan ka socday.

Goolal ay sidii roobkii u dhaliyeen ciyaartoyda magaalada Garoowe ayaa sahashey inay gaaran guul muhiim ah,waxaana suragashay inay ciyaartu ku soo dhammaatay 90-gool oo ay dhaliyen ciyaartoyda mataleysay Garoowe halka kooxda kale ee iyadana ka socotay magaalada Jubba ee caasumada koonfurta Suudaan ay dhaliyeen 69,waxaana ciyaartu ku dhammaatay 90 iyo 69 dhibcood,sidaasna waxaa ku soo gudubtay magaalada Garoowe.

Guddoomiye ku-xigeenka xiriirka kubadda cagta Soomaaliyed Cabdirishiid Xassan Xirsi(Bakin) oo hoggaaminayey kooxda mataleysay Puntland kuna ciyaaratsay magaca Garoowe ayaa xilligii ay ciyaartu soo dhammaatay waxaa uu saxaafadda u sheegay inay ku faraxsanyihiin guusha ay gaaren waxuuna u hambalyeey ciyaartoyda iyo tababarahooda oo u ku sheegay inay yihiin(Geesiyaal kor u qaaday magaca Puntland).

..””Waa guul muhiim ah,waxaan dareemi kara inan la ciyaarnay koox ka socotay caasumaad dal,waxaay isku diyaarinayeen muddo dheer waxaana ka warhayaa inuu dhaqaalo badan ku baxay,taa waxaa u dheer dhirigalinta ay heysten,waxaana muuqtay in ciyaartoydena oo an anagu soo aruurinay inay guushan gaaren,..”‘ayuu yiri guddoomiye Bakin.

Bakin waxaa kalo uu ka codsadey shacabka Soomaaliyed gaar ahaana jaaliyadda reer Puntland inay ugu baahanyihiin taageero iyo dhirigalin ay u muujiyan dhallinyarada ku ciyaaraysa magacooda,waxuuna sheegay inay rajeynayan guulo badan ilaa ay tartankan ka qaaday.

Waa markii ugu horeysay oo ay Garoowe ka qeyb-gashay tartanka Inter City basketball,waxaana guusha ay gaaren soo dhaweeyey shacabka iyo waxgaradka reer Puntland oo dhallinyarada hambalyo u diray.

____
RBC Radio

Use Facebook to Comment on this Post

Sanca[RBC Radio]Wasiirka wasaarada waxbarashada ee Puntland Mudane. Cali Xaaji Wars ame ayaa kulan muhiim ah kulan kula qaatay Magaalada Sanca ee caasimadda dalka Yeman Wasiirka waxbarashada ee dawladda Yemen Dr. Abdul-Razaq Yahiya Al-Ashwal oo ay weheliyaan Wasiirka Tacliinta Sare ee Yemen Eng. Hisham Sharaf Abdullah iyo Technical Education and Vocation Studies: Dr. Abul-Hafed Thabet Noaman.

Wasiirka waxbarasahada ee Dawlada Puntland Iyo wasiirka Waxbarashada ee Dawlada Yemen ayaa si qota dheer uga wada hadlay muhiimada ay waxbarashadu leedahay , iyo sidii kor loogu qaadi lahaa xidhiidhka tacliinta ee dalkaYemen iyo Puntland.

Dhinac kale wasiirka Amaanka Dawladda Puntland Xasan Cisman Alloore ayaa isaguna kulan la qaatay madaxa Amniga Dawladda Yemen iyo masuuliyiin kale oo ka socday hay’adaha amaanka ee dalkaasi Yemen.

Sidoo kale waxa ay ka wada hadleen sidii laamaha amaanka Puntland iyo Yemen ay u yeelan lahaayeen xiriir joogto ah si loo xakameeyo burcad-badeeda, tahriibta iyo cid kasta oo khal-khal gelin karta xasiloonida Puntland iyo Yemen.

Waftiga uu hoggaaminayo madaxweyne Gaas oo ay wasiirradan ka mid yihiin,waxaa ay soo gaba-gabeeyen booqashadi ay dalkaasi Yeman ku joogen waxaana lugu wada inay dhawaan maaxweynuhu ku soo labto Puntland,inkasto booqasho maalin ah uu ku soo marayo Addis Ababa.

_____
RBC Radio

Use Facebook to Comment on this Post

Sanca[RBC Radio]Madaxweynaha Dawladda Puntland Dr. Cabdi-weli Max’ed Cali Gaas ayaa magaalada Sanca ee caasimadda dalka Yemen waxa uu shalay kula kulmay wasiirka arrimaha dibadda Dawladda Yemen Dr. Abu-Bakar Abdullahi Al-Qirbi.

Kulanka Madaxweynaha Iyo Wasiirka ayaa saacado qaatay, waxayna kaga wada hadleen arrimo dhowr ah oo ay ugu muhiimsan tahay xiriirka Puntland iyo Yemen iyo sidii loo dar-dar gelin lahaa.

Madaxweynaha Dawladda Puntland Dr. Cabdi-weli Gaas iyo Wasiirka Arrimaha Dibadda Dawladda Yemen Dr. Abu-Bakar Al-Qirbi waxaa ay si wada jir ah u sheegeen in Puntland iyo Yemen uu ka dhexeeyo deris wanaag, isla markaana ay yeelanayaan wada shaqayn dhow, si looga adkaado arga-gixisada, burcad badeeda iyo wixii kale ee amaanka gobolka hoos u dhimaya.

___
RBC Radio

Use Facebook to Comment on this Post

Madaxweynaha Puntland,Cabdiweli Gaas/RBC Radio

Sanca[RBC Radio]Madaxweyanha dowladda Puntland,Cabdiweli Maxamed Cali Gaas ayaa sheegay inuu soo afmeeray booqashadii qaadatay afarta maalin ee u ku joogay dalka Yeman,waxuuna madaxweynuhu dib ugu soo noqonaya dalka Itoobiya oo u horay uga ambabaxay.

Waxuu sheegay madaxweynaha inuu guul ku soo dhammaadey safaradiisa Yeman iyo Itoobiya, isagoona intaas ku daray in ay is afgarad rasmi ah yeesheen madaxweynaha iyo raysul wasaaraha dalka Yeman oo ay ku kulmeen Sanca.

..””Waxaa uu ahaa safar muhiim inoo ah,waxaana uu ku soo dhammaaday guud iyo is afgarad oo aynu la garnay dowladda Yeman iyo madaxdeeda,annagoo la kulanay madaxda ugu sareysa ee dalka Yeaman,..”‘ayuu yiri madaxweyne Gaas.

Madaxweynaha,waxaa uu sheegay madaxda Yeman inuu kala hadlay ammaanka guud, xiriirka ganacsiga, wada shaqaynta, waxbarashada iyo xaalada Soomaaliya, Dr. Gaas ayaa ku sifeeyey kulamadii u dambeeyey ee wefdigiisu la qaatay wasiirada arrimaha dibeda, iyo waxbararashada Yeman ay ahaayeen kuwa muhiim ah.

Madaxweynaha ayaa sheegay in ay si rasmi ah u soo idlaatay booqashadii dhawrka maalmood qaadatay ee isaga iyo waftiga uu hoggaaminayaa ay ku tageen Yaman, haatanna ay u soo jeedan Puntland, walow uu xusay muddo hal maalin ah in ay ku hakan doonaan dalka Itoobiya.

Socdalka uu madaxweynaha kaga maqana dalka,waxaa ku waheliya wasiirka amniga iyo hubka dhigista Xasan Aloore, wasiirka waxbaashada Cali Xaaji Warsame, siyaasi Cali Cabdi Awaare iyo agaasimaha macdanta iyo batroolka Puntland Ciise.

Halkan hoose ka dhageyso madaxweyne Gaas oo Radio Daljir u warramaya

Ujeeddooyinka safarada dibadda madaxweynuhu waxaa uu ku sheegay inuu yahay kuwa lugu doonayo sidii loo xoojin lahaa xiriirka Puntland ay la leedahay caalamka.

___
RBC Radio

Use Facebook to Comment on this Post

Mogadishu (RBC) Somali President Hassan Sheikh Mohamud has today returned to the capital, Mogadishu from his trip to UAE where he spent for several days as he received huge welcome, RBC Radio reports.

President Mohamud returned days after Somali lawmakers alleged him for incompetence and poor performance as they called for the president to resign.

As he briefed the reporters inside the Mogadishu’s Aden Abdulle International Airport, President Mohamud rushed to respond to the lawmakers’ call foe resignation saying that he would welcome the free expression.

“I know there were some political calls from Mogadishu these days. I would say to them, the people of Somalia have their right to express their feeling. Our people has suffered a long-time dictator governments and militant groups who did not allow the free will of the people.” President Mohamud said.

“This shows how the people are free to say what in their minds. That is a good sign how our country is taking democratization process, but I would say; let the political views be expressed in a good manner and suitable place.” he added.

The president also highlighted some of the key issues focused during his meeting with the U.S. Secretary of State John Kerry in Addis Ababa this week.

“I met with Secretary John Kerry and we have addresses key issues for Somalia and as well the relations between U.S. and Somalia.  Also we addressed the upcoming U.S.-Africa Summit in Washington in August this year” he said.

President said the U.S. which is biggest donor for Somalia is committed to open a new phase of assistance for Somalia which is intended to foster the country’s institutional building.

RBC Radio

Use Facebook to Comment on this Post

Marka[RBC Radio]Ra’iisul Wasaaraha Xukuumadda Federaalka Soomaaliya Mudane Cabdiweli Sheekh Axmed Maxamed iyo Wafdi uu hoggaaminayo ayaa saaka safar shaqo ku tegay magaalada Marka ee xarunta gobolka Shabellaha Hoose. Ra’iisul Wasaaraha ayaa waxaa soo dhaweeyay maamulka gobolka, Wasiirro, Xildhibaano iyo saraakiisha Ciidamadda Dawladda, AMISOM iyo qaybaha bulshada ee degmada Marka.

Soo-dhawaynta kaddib, ayaa Ra’iisul Wasaarahu kulan albaabadu u xiranyihiin la qaatay maamulka gobolka Shabellaha hoose iyo Saraakiisha Ciidamadda dawladda iyo AMISOM wuxuuna ka dhagaysatay warbixin ku saabsan xaalladda gobolka, iyadoo intii uu kulanku socday la isla soo qaaday la-dagaalanka kooxaha Al-shabaab iyo hawl-galada ay Ciidamaddu ka wadaan gobolka.

Guddoomiyaha gobolka Shabeellaha Hoose C/qaadir Sheekh Maxamed Nuur “Siidii” oo ka hadlay kulanka soo-dhawaynta, ayaa Ra’iisul Wasaaraha uga mahad-celiyay booqashada uu ku soo gaaray degmada Marka.

”Waan ku faraxsanahay mudane Ra’iisul Wasaare booqashada aad maanta noogu timid, waxaan filaynaa muddada aad nala joogto inaad wax badan ka ogaan doonto xaaladda gobolka Shabellaha Hoose oo runtii ay ka jiraan baahiyo dhinacyo badan leh” ayuu yiri Guddoomiye C/qaadir Siidii oo dhanka kalena sheegay in gobolka iyo magaalada Marka ay dhibaatooyin weli ku hayaan kooxaha nabad-diidka ah ee Al-shabaab.

Xildhibaan C/laahi Cumar “Abshiroow” oo ka mid ah xubnaha baarlamaanka Soomaaliya ee ka soo jeeda gobolka Shabellaha Hoose ayaa sheeagay in dagaaladii ka dhacay degmada iyo dhibaatooyinka kale ee Al-shabaab deegaanka ka wadeen ay saameyn ballaaran ku yeesheen nolosha dadka.

“Mudane Ra’iisul Wasaare ku soo dhawoow magaalada Marka, farxad ayeyna noo tahay inaan kugu soo dhaweyno Marka Caddeey, shacabkii degmada ku noolaa dhammaantood waa ku sugayaan. Degmadan markii uu Shabaab ka baxay waxay ku reebeen dhibaatooyin badan, waxaan filaynaa in socdaalkaagu uu fur-furi doono magaalada Marka, xag dhaqaale iyo xag siyaasadeed labadaba magaaladu aad bey u liidataa”ayuu yiri Xildhibaan Abshiroow.

Ugu danbayn waxaa Munaasabadda soo xiray Ra’iisul Wasaare Cabdiwali oo shacabka iyo maamulka gobolka Shabeellaha Hoose uga mahadceliyey soo-dhaweynta aan loo kala harin ee ay u sameeyeen isaga iyo wafdigiisa, wuxuuna ballan-qaaday in xukuumaddiisu ay wax badan ka qaban doonto baahiyaha gobolka.

“Waxaan u mahad-celinayaa wafdigii iga soo horeeyay sida guddoomiyaha gobolka, wasiiradda, xildhibaanada iyo madaxda kale ee isku hawshay inaan maanta halkaan safar ku imaado. Waa jirtay marar badan oo aan ku noolaa Marka iyo waqtiyo aan dalxiis u imaan jiray, balse maanta waa ka duwan tahay oo shaqo qaran oo runtii aad u adag ayaan u nimid ujeedkayaguna waa in dhibka haysta dadka reer Marka iyo guud ahaan Shabellaha Hoose aan la aragno kalana shaqayno sidii wax looga qaban lahaa, islamarkaana natiija looga gaari lahaa xaalada uu ku sugan yahay gobolkan Shabelle Hoose. Wuxuu gobolku hormuud u yahay horumarka iyo dhaqaalaha dalka, waxaana soo gaaray burbur aad u ballaaran sida gobollada kale ee dalka uu saamaynta ugu yeeshay burburku” ayuu yiri Ra’iisul Wasaare Cabdiweli Sheekh Axmed oo dhanka kale sheegay in Xukuumadda uu hoggaamiyo ay wax ka qabanayso dib-usoo-noolaynta ilaha dhaqaalaha iyo amniga ee gobolka.

Dhanka kale Ra’iisul Wasaaraha Xukuumadda ayaa booqasho ku tagay Isbitaalka weyn ee magaalada Marka halkaasi oo ay ku jiraan dad waxyeello ka soo gaartay dagaaladii deegaanka ka dhacay iyo falalka argagixisadu ka waddo gobolka, waxaana uu Ra’iisul Wasaaruhu mid mid u booqday dhammaan qaybaha uu ka koobanyahay Isbitalka Guud wuxuuna warbixin ka dhageystay hawl-wadeenada Isbitaalka.

Ugu danbayntii Ra’iisul Wasaaraha ayaa sheegay in Xukuumadiisu ay ahmiyad gaar ah siinayso inay daryeelka caafimaad helaan dhammaan bulshada Soomaaliyeed isla markaana dadaal gooni ah u gali doonto sidii wax looga qaban lahaa baahiyaha caafimaad ee ka jira Isbitaalka guud ee magaalada Marka.

____
RBC Radio

Use Facebook to Comment on this Post

Madaxweynaha Soomaaliya,Xassan Sheekh

Muqdisho[RBC Radio]Madaxweynaha dowladda Soomaaliya,Xassan Sheekh Maxamuud oo maanta Muqdisho ku soo laabtay ayaa jawaab kooban ka bixiyey baaqa qaar ka mid ah xubnaha baarlamaanka Soomaaliya oo ay kaga dalbanayeen inuu is casilo.

Xassan Sheekh,waxuu si cad u sheegay inuu soo dhaweynayo baaqa ka soo baxay qar ka mid ah xildhibaannada Soomaaliya,waxuuna intaasi ku daray in fikir kasta uu leeyahay meel lagu cabbiro oo uu lahaado oo micno wax u taraya bulshada Soomaaliyeed.

…”””Waxaan idin sheegaya in afkaartu ay tahay xor, mana jirto cid lagu colaadinayo ama lagula dirirayo,balse waxaa muhiim ah in fikir kasta uu leeyahay meel lagu cabbiro oo uu lahaado oo micno wax u taraya bulshada Soomaaliyeed,..”‘”ayuu yiro madaxweyne Xassan oo saxaafadda kula hadlayey garoonka diyaaradda Aadan Cadde ee Muqdisho.

Sidoo kale,waxuu intaas ku daray madaxweynuhu inuu u diyaar yahay in uu la fariisto cid walba oo tabasho qabta,balse waxaa uu inta raaciyey in la qiimeeyo si dhab ah hey’addaha dowladda iyada oo aan la siyaasadeyn sida uu yiri.

Halkaan hoose ka dhageyso hadalka madaxweynaha/RBC Radio

Hadalka madaxweynaha,waxaa uu yimid xilli Isniintii an soo dhaney xubno ka badan boqol ka tirsan baarlamaanka Soomaaliya ay u soo jeediyeen in uu is casilo, iyaga oo sabab uga dhigay in uu muujin waayay wax qabad.

____
RBC Radio

Use Facebook to Comment on this Post

Ciidamada badda Puntland /Sawir hore

Baargaal(RBC Radio) Hawgal ay ka sameeyeen meel u dhow Xeebaha degmada Baargaal ayey Ciidamadda badda Dawladda Puntland kusoo qabteen afar doonyood iyo shaqaalihii saarnaa.

Doonyaha ay ciidamadu soo qabteen ayaa laga leeyahay dalka Yemen,waxaana shaqaalaha saaran tiro ahaan gaarayaan ku dhawaad 71-qof halka ay la socdaan toboneeyo Soomaali ah oo ilaalo ka hayey doonyahaas.

Taliyaha ciidamada badda dawladda Puntland Admiraal Cabdirisaaq Diiriye Faarax oo warbaahinta gudaha la hadlay isaga oo ku sugan degmada Baargaal iney ku guuleysteen soo qabashada doonyahaas iyo shaqaalihii saarnaa.

Admiraal Cabdirisaaq Diiriye Faarax ayaa sheegay in muddo ay ku raad-joogeen doonyaha kalluumeysiga ee laga leeyahay dalka Yemen isla markaana xogta ku saabsan siiyeen dadka deegaanka Baargaal ku dhaqan.

…….””’Afar doonyood ayaan qabanay oo laga leeyahay Yemen,waxaa la socdey 71 qof,dadkaas 62-qof waa bad-maaxiyiin u dhalatay Yemen ,9- kale waa Soomaali iyaga ilaalo u ahaa……””’ayuu yiro Admiraal Cabdirisaaq Diiriye Faarax .

Taliyaha ciidamada badda dawladda Puntland Admiraal Cabdirisaaq Diiriye Faarax ayaa tilmaamay in ay si wadayaan hawgalada ka dhanka ah kalluumeysiga sharci-darada ah ee Xeebaha Puntland lagu hayo.

Ciidamadda badda ee Puntland ayaa hawlgal ay bishii abril 24,2013 ka fuliyeen deegaanka Laasqoray kusoo qabtay shan doonyood oo si sharci-darro ah uga kalluumeysanyey,kuwaas oo laga lahaa dalka Iiraan.

Kalluumeysiga sharci-darada ah oo si ba’an uga jira Xeebaha Puntland ayeysan wax iska badelin balse Xukuumada cusub ee Puntland ayaa marar badan balanqaaday iney wax ka qabaneyso.

_____

RBC Radio

Use Facebook to Comment on this Post

Macallinka la dilay Kenneth/RBC Radio

Gaalkacyo[RBC Radio]Kooxo hubaysan ayaa goordhaweyd waxaa ay dil u geysteen macallin wax ka dhiga machadka ku yaalla magaalada Gaalkacyo,waxaana macallinkaan uu u dhashay dalka Kenya.

Dad goobta ku dhawaa ayaa Raxanreeb u sheegay in labo nin oo dhallinyaro ah inay dileen macallinka Kenya u dhashey,waxuuna macallinku horfadhiyey macadka hortiisa.

Macallinka Kiinyaatiga ah ee la dilay ayaa lagu magacaabi jiray Kenneth, machadkii uu baraha ka ahaa ayaa isna lugu magacaaba Vision International,waxuuna ku yaalla waqooyiga magaalada Gaalkacyo.

…””Macallinku waxaa uu horfadhiyey machadka hortiisa kursi ayaa u yaallay,waxaana soo ag istaagay labo nin oo dhallinyaro ah,waxayna qabeen koofiyado halmar ayey xabadda ku fureen,waxaa ay ku dileena bostoolado ,..””ayuu yiri mid ka mid ah ardeyda wax ka barata macadka uu wax ka dhigayey macallinka la dilay.

Meydka Kenneth ayaa la geeyey isitaalka GMC Dhaga-cadde oo ku yaalla duleedka waqooyi ee magaalada Gaalkacyo.

Kenneth, waxaa lugu togtay iridka Macahdka,xabadahana madaxa ayaa lagala dhacay/RBC Radio

Lama oga sababta dilka ee macallinkaasi, waxaana qaar ka mid ah laamaha nabadgalyada ee gobolku ay noo sheegeen in ay baarista dilkaasi ku saabsan ku hawlan yihiin.

Dilka macallinkan u dhashey dalka Kenya ayaa noqonaya dilkii ugu horreeyey ee Gaalkacyo loogu geysto macallin ajanibi ah,waxaana dhacdadaan durbadiiba cambaareyey waxgaradka iyo qeybaha bulshada Gaalkacyo oo Raxanreeb la soo xiriiray.

Raxanreeb goor dhaweyd sidoo kale,waxaa ay la xiriirtay dhowr macallin uu u dhashey Kenya kuwaaso wax ka dhiga jaamacadda ku yaalla Gaalkacyo,waxaan ay inoo sheegen in dilka caawa dhacay uu ku beeray cabsi xoog-leh,halka qaar koodna ay sheegen inay si deg deg ah uga baxayaan Gaalkacyo.

___
RBC Radio

Use Facebook to Comment on this Post

Daara-salaam[RBC Radio]Tartanka inter city game ayaa markale guul wanaagsan ka gaartay magalo madaxda Puntland ee Garoowe, ciyaar adaag oo mantay dhamxmartay magalada ka socota Dalka Tansaniya ee Mbeya ciyaarta ayaa aheed ciyaar adag oo 2-naadi aan waxba isku reeban, ayagoo soo bandhigay ciyaar aad ay ygy riyaaqeen dadweeynihi daawanayay Garoonka.

Ciyaarta ay wada ciyaareen 2-magaalo ee Garowe City V Mbeya City oo Matalayeey, gaba gabadi ciyaar waxay ku soo idlaatay Garowe City 62 V Mbeya City 61 waana guushi 2-baad oo isku xiga oo ay guul wanasgan ka gaarto magalada madaxda Puntland ee Garowe.

Tartanka ayaa dalka Soomaaliya waxa uga qeeb galaya Hargeysa iyo Garoowe, ayadoo uu garwadeen ka ahaa ciyaartooyda Soomalaiya Gudoomiyah ku xigeenka xiirka kubada cagta Soomaaliya.

Shacabka Soomaaliyeed ayaa ad ugu faraxay guusha ay Garowe gaartay mar 2-baad waana guul taariq ah oo ay gaaran magaalo ka soocta wadanka Soomaaliya, ayadoo mataleeysa dhamaan dalka Soomaaliya.

Gudoomiyaha xiriirka kubada cagta Soomaaliya ayaa sheegay in ay waliba kasoo tageen lix ciyaartooy oo aad laaciibiin u ahaa, wax weyna kusoo kordhin lahaa ciyaarta, madaama ay u saamixi weysay dhaqaalaha lagu soo kaxeen laha.

Gudoomiyaha ayaa dowladda Puntland iyo Jaaliyadaha reer Puntland fariin u diraya, asagoo hawada u marniaya in mar hadii la arkay guulaha wax ku oolka ah ee is daba jooga ah ee ciyaartooyda caasimada Puntland ee Garoowe ka gaareyso Tartanka, looga baahanyahay in ay dhirigalin iyo taageero wanasgan lasoo gaaraan dhalinta ciyaartooyda madaama aysan helin tageero iyo dhaqaalo ku filan.

Sidoo kale Gudoomiyuhu wuxuu hoosta ka xariiqay in heerka ay maanta soo gaareen ciyaartooyda ay ku timid dadaal iyo ragkarooni ayagoona muujiyay kasoo qeyb galkooda ay ku matalayaan dalka Soomaaliya mid mintid nimo ah oo niyad sami leh.

Ugu danbeytii Hogaamiyaha ciyaartooyada Soomaaliyeed ayaa ugu baaqay shacabka iyo dowladda in aan la xagal daacin dadaalka dhalinta Soomaaliyeed ee ku niyad san in ay kor u qaadaan magaca dalkood iyo dadkood sidaas daraadeena loga maar aamnay tahay in taageero loo fidiyo ayadoo la eegayo heerka ay soo gaareen ciyaartooyada kubada kolayga ee Garoowe Soomaaliya.

Kooxda Garoowe Soomaaliya waxey iminka kasoo baxeen group A, ayagoona ciyaarta xigta la ciyaari doona magalada Mambaasa ee dalka kenya, waxana jira dhaawacyo soo garaya qaar ka mid ah dhalinyarada tartanka ciyaaraysa.

Waa lagama maarmaan in la dhiro galiyo mar walba oo ay guul keenaan si ay u sii wataan tartamada kale ilaa ay guusha kama danbeysta ah keenaan magaca Soomaaliya, anagoo rajo weyn ka qabna in ay dhalinyarada ay garaan finaalka.

kala xirir hogaamiyaha ciyaaraha Abdirashid Hassan Hirse Baki tel 00255657589831

___
RBC Radio

Use Facebook to Comment on this Post

Muqdisho[RBC Radio]Dagal-yahannnada Al-Shabaabayaa markii ugu horreeysay waxaa ay ka hadleen Khilaafka u dhexeeya Madaxweynaha Soomaaliya iyo qaar ka mid ah Xildhibaano ka tirsan Baarlamaanka.

Guddoomiyaha Al-Shabaab ugu magacaaban gobalka Banaadir Sheekh Cali Maxamed Xuseen (Jabal) ayaa sheegay inay la socdaan Khilaafkaas oo uusan ahayn kii ugu horeeyay.

Cali Jabal,waxaa kalo uu hadalkiisa ku soo qaaday inaysan aqoonsanayn hay’addaha kala duwan ee dowladda Federaalka ah isagoo ku tilmaamay Gaadiid lagu adeeganayo.

Guddoomiyaha ayaa sheegay in dalka uusan xog ahayn dalalka Caalamkuna ay taageerayaan hadba Ninka ay u arkaan inuu fulinayo danahooda,waa sida uu hadalka u dhigaye.

Sheekh Cali Maxamed Xuseen (Jabal) ayaa Sheegay in dhinacyadaasi ay isku hayaan Arrimaha Soomaaliya Khilaafkaana uusan ahayn kii ugu horeeyay noqonayna kii ugu dambeeyay.

Cali Jabal, ayaa hoosta waxa uu ka xariiqay in dhinacyadaasi ay isku hayaan arrimaha Somaliya, isla-markaana ay Siyaasadoodii noqotay mid is diidan, sida uu hadalka u dhigay.

Ururka Al-shabaab,waxaa uu wali dagaallo ka wada qeybo ka mid ah gobollada dalka inkasto sannadkan laga saaray deegaanno badan oo ay horay uga talin jireen.

___
RBC Radio

Use Facebook to Comment on this Post

Marka[RBC Radio]Raysul wasaaraha Soomaaliya,Cabdiweli Sheekh Axmed Maxamed ayaa la filaya inuu maanta booqasho ku tago deegaanno dhowr ah oo ay ka mid tahay degmada Qoryooley oo dhawaan laga saaray Al-shabaab.

Dhaq-dhaqaaq horle ayaa maanta laga dareemaya Qoryooley ,waxaana la arkayey ciidamo ad u badan oo gaafwareegaya qeybo ka mid ah magaalada,waxaana saraakil Raxanreeb la hadlay ay sheegen inay amniga xaqiijinayan,walow aysan soo hadal qaadin imanshiyaha raysul wasaaraha.

Raysul wasaare,Cabdiweli oo ay waheliyaan xubno ka tirsan xukuumadda ayaa xilligaan ku sugan degmada Marka ee xarunta gobolka Shabeellaha hoose,halkaaso oo u xalay ku baryey,kaddib booqasho qarsoodi ah oo u shalay ku gaaray.

Ujeeddooyinka socdalka raysul wasaaraha waxaa lugu sheegay inay tahay mid la xirirta u kurgalida xaaladda ka jira gobolka Shabeellaha hoose oo ka mid ah sida uu sheegay raysul wasaarahu ilaha dhaqaalaha ee ugu muhiimsan dalka.

Waxuu shalay raysul wasaare Cabdiweli kula kulmay magaalada Marka odayaasha, waxgaradka iyo qeybaha kala duwan ee bulshada, kuwaasoo cabsho u gudbiyay, waxaana raysul wasaaruhu ballan-qaaday inuu cabashada iyo waxyaabaha ay tabanayaan dadka reer Marka hordhigi doono golaha wasiirada.

Qoryooley oo la filayo inuu maanta raysul wasaaruhu gaaro,waxaa ay ka mid ahaayd deegaanadi dhawaan laga saaray Al-shabaab,waxaana dhowr mar weerarro ku soo qaaday Al-shabaab oo horay looga saaray.

____
RBC Radio

Use Facebook to Comment on this Post

Muqdisho[RBC Radio]Nolasha dadka Soomaaliyed ayaa lugu sheegay inay tahay mid meel hoose joogta oo xilligaan ay ka iman karto masiibo,waxaana sida sheegay Isbaheysi ay leeyihiin in ka badan 20 hay’adood.

Warbixinta ay hay’adahan ka soo saaren Soomaaliya,waxaa ciwaan looga dhigay “halis ay Somalia ugu jirto inay dhibaatadii ay ka soo kabaneysay ay dib ugu noqoto iyo wararkii ugu dambeeyay ee mushkiladda wadankaasi ka taagan”,waxaana hay’addaha soo saaray ay sheegen inay u kurgaleen xaaladda ay ku nolyihiin mallaayin Soomaali ah.

Waxaa lugu xusay warbixinta inkastoo horumar laga dareemayay Soomaaliya sannadihii dhowaa, haddana Soomaaliya weli kama bixin mushkiladii heysatay.

Arrimaha wrabixinta looga hadlay,waxaa ka mid ah nolal maalmedka shacabka Soomaaliyed,waxaana la sheegay nolol maalmeedka caadiga ah ee dadka inay tahay mid sii xumaaneysa.

Warbixinta waxaa lagu sheegay in ku dhawaad saddex malyuun oo qof oo Soomaali ah inay ku suganyihiin mushkilad bani’aadnimo.

50,000 oo caruur ah ayey sheegtay warbixintu inay nafaqo darro ba’an heyso, in ka badan hal malyuun ay bara kac uga maqanyihiin guryahooda.

Tiradan ayaa marka la fiiriyo, waxey aad uga wanaagsantahay sidii ay xaaladu horey u aheyd , laakiin warbixintu waxey leedahay, ma haboona in horumarka lagu cabiro – heer aan gaarsiinen – heerka nolosha ee bani’aadamku uu xamili karo .

Dowladda xilligaan jirta ee u hoggaamiyo Xassan Sheekh,waxaa ay dhowr mar sheegen inay hormar muuqda ka gaaren nolasha dadka Soomaaliya,balse dhowr warbixinaad oo ay hay’addaha gaargaarku soo saaren waxaa ay ka deyriyeen xaaladda dadka Soomaaliyed gaar ahaana kuwa ku nool gobollada koonfurta iyo bartamaha.

______
RBC Radio

Use Facebook to Comment on this Post

Madaxweynaha Soomaaliland,Axmed Siilaanyo

Hargeysa[RBC Radio]Madaxweynaha maamulka Soomaaliland,Axmed Maxamed Maxamuud(Siilaanyo) ayaa markii ugu horreeysay si cad u dhaleeceyey madaxweynaha Soomaaliya,Xassan Sheekh waxuuna sheegay inuu yahay nin dhallinyaro ah oo siyaasada ku so boodey.

Siilaanyo oo khudbad dheer u jeedinayey baarlamaanka maamulkiisa,ayaa waxaa uu soo hadal qaaday arrimo dhowr ah oo ay ka mid yihiin siyaasadda arrimaha debedda, tan gudaha, iyo weliba wadahadallada u socda Somalia.

Waxuu sheegay maamulkiisa inuusan wali ictiraf helin balse uu dadaal ugu jiro sidii ay Soomaaliland u noqon lahayd dal madaxbaan.

..””‘Waxaanu u soo jeedinaynaa dawladaha caalamka in ay garwaaqsadaan rabintaanka iyo xaqqa ay u leeyihiin shacbiga Somaliland aayo ka tashiga madax-banaanidooda. Sidoo kale, waxaanu ka codsanaynaa Qaramada Midoowbey, dalalka deeq bixiye-yaasha iyo hay’adaha samafalka in ay si mug leh noogala qayb-qaataan dib u dhiska iyo horumarinta dalka,..”””ayuu yiri Siilaanyo.

Sidoo kal,madaxweynaha Soomaaliland waxuu weerar afka ah ku qaaday madaxweynaha jamhuuriyada Soomaaliya,Xassan Sheekh Maxamuud waxuuna beeniyey inay wada-hadleen,balse waxuu ku sheegay inuu yahay nin dhallinyaro ah oo haddana siyaasada ku cusub.

..””‘Waxaan maalmahan iyo maalin horeba warbaahinta kala socday Madaxweynaha Somalia Xasan Sheekh oo sheeganaya xidhiidh noo dhexeeya iyo waraaqo aanu is waydaarsanay, waxaan leeyahay Madaxweynuhu wuxuu ku cusubyahay saaxada siyaasadda waana dhalinyaro, waa nasiib daro haddii uu sheegto oo wax-qabad ka dhigto waraaqdii tahniyada madaxtinimada aan ugu diray,..””‘ayuu yiri madaxweynaha Soomaaliland.

Siilaanyo,waxaa kalo uu sheegay in danaha Soomaaliland usan waxba ka weydin doonin madaxweynaha Soomaaliya,taa badelkeedana waxuu ku baaqay inay kala baqoolaan.

..”””Ma jirto wax aan ka waydiinayo Xasan Sheekh dalkayga iyo xuduudihiisa-toona, waxaa noo dhexeeya wada hadal dunidu inoo golaysay ee si nabadgelyo ah ma u kala boqoolaa ayaan leeyahaya. Qaranimada Somaliland waa mid ku timi codka shacabka waanu difaacaynaa, waa u dagaalamaynaa, waana u dhimanaynaa,..””ayuu hadalkiisa raaciyey Siilaanyo.

Halkan hoose ka dhageyso hadalka Siilaanyo/RBC Radio

Hadalkaan waxaa uu imaanaya xilli dhawaan madaxweynaha Soomaaliya uu sheegay in Siilaanyo uu kala hadlay dajinta xiisad ka tagneed degmaa Taleex oo u dhaxeysay Puntland iyo Soomaaliland.

_____
RBC Radio

Use Facebook to Comment on this Post

Muqdisho[RBC Radio]Madaxweynaha Jamhuuriyadda Federaalka Soomaaliyeed, Mudane Xasan Sheekh Maxamuud, ayaa galabta Madaxtooyada Qaranka ku qaabilay qaar ka mid ah Xildhibaannadii Baarlamaanka ee bayaanka soo saaray.

Madaxweynaha Soomaaliya Mudane Xasan Sheekh Maxamuud ayaa ka guddoomay Xildhibaanadda Bayaanka ay ku soo jeediyeen ra’yigooda. Madaxweynaha ayaa u sheegay Xildhibaannada in uu aad u qadarinayo ra’yiga qof kasta oo Soomaali ah ha ahaado siyaasi ama shacab.

Sidoo kale, Madaxweynaha ayaa u sheegay Xildhibaannada in uu diyaar u yahay in uu la fariisto qof kasta oo ra’yi qaba kana dhageysto islamarkaana qaato ra’yi walba oo wax dhisaya. Madaxweynaha ayaa u sheegay Xildhibaannada qaar ee maanta u yimid in ay shalay iyaga oo idil soo doorteen maantana diyaar u yahay haddii la soo maro wadada saxda ah ee uu dastuurkeenna tilmaamayo.

Ugu dambeyntii, madaxweynaha ayaa ku baaqay in la ilaaliyo shuruucda dalka iyo dhaqanka dowladnimada laguna ilaaliyo dowladnimada dhaxdeedada.

_____
RBC Radio

Use Facebook to Comment on this Post

Cabdilaahi Maxamed Daahir Cukuse

Hargeysa[RBC Radio] Maamulka Soomaaliland ayaa markii ugu horreeysay ka hadlay ilaa 50 odayaal iyo ganacsato isagu jirtay kuwaaso Muqdisho ka tagay Hargeysana gaaray, wasiirka warfaafinta Soomaaliland oo arrintan ka hadlay waxuu sheegay ujeedada socdaalkooda, waxuuna sheegay inay wax-ka-bartaan qaabka nabadda loo dhaliyo iyo inay Somaliland ugu hambalyeeyaan nabadda iyo horumarka ka jira.

Sidoo kale, Cabdilaahi Maxamed Daahir Cukuse oo ah wasiirka warfaafinta Soomaaliland waxuu intaas ku daray odayaasha inay shir la qaaten maanta madax-dhaqameedka Soomaaliland ee Hargeysa ku sugan.

..””Waa dhab inay noo yimaaden odayaal Muqdisho ka soo tagay, waxaana safarkooda uu yahay inay wax-ka-bartaan qaabka nabadda loo dhaliyo iyo inay Somaliland ugu hambalyeeyaan nabadda iyo horumarka ka jira,waxaana jirta inay maanta shir la qaaten madax dhaqameedka Somaliland, isla markaana ka wadda hadleen qaababka nabadda loo sameeyo iyo sida bulshadda loo heshiisiiyo,..””ayuu saxaafadda u sheegay Cukuse.

Dhinaca kale, siyaasiyin iyo xubno ka mid ah xisbiyaada mucaaradka Soomaalialnd oo saxaafadda imaanshiyaha odayaasha Muqdisho ka tagay ay wax ka weydiisay,waxaa ay sheegen inaysan war uheyn balse ay soo dhaweynayaan.

Odayaal ka tagay Muqdisho oo haddana gaaray Hargeysa,horay uma dhicin tan iyo intii ay Soomaaliland ku dhawaaqdey gooni goosadka,mana jirto ujeeddo ka baxsan odayaashu inay nabadda ka baranayeen Soomaaliland oo ilaa hadda laga sheegay safarka odayaal dhaqameedka ay Hargeysa ku gaaren.

___
RBC Radio

Use Facebook to Comment on this Post

Muqdisho[RBC Radio]Kaaliyaha Xoghaya Guud ee Qaramada Midoobay u qaabilsan Taageerada Nabadaynta, Judy Cheng-Hopkins, ayaa maanta soo gunaanadday booqasho shan maalmood qaadatay oo ay ku tagtay Soomaaliya, waxayna ku dhawaaqday in 7 milyan oo doolarka Maraykanah ka lagu taageero hawlaha nabadaynta goobaha dhowaan la xoreeyay ee koonfurta iyo bartamaha Soomaaliya.

“Waxaa naga go’an inaan 10 milyan oo doolar oo ka imanaya Hanaanka Gurmadka Degdegga ah ee Sanduuqa Nabadaynta Qaramada Midoobay si degdeg ah ubixino,” ayay tiri Kaaliyaha Xoghayaha Guud Cheng-Hopkins. “Soomaaliya waxaa weli ka jira dhibaatooyin gudaha ah, welina waxaa ka jiirta dhibaatada Al-Shabaab iyo kooxaha kale, laakiin waxaa meelo dalka ka mid ah ka jira fursado ku filan oo ah inaan hadda maalgashano nabadaynta si ay nabaddu u waarto.”

Maalintii 19kii bishii Maarso, Ergeyga Gaarka ah ee Xoghayaha Guud ee Qaramada Midoobay u qaabilsan Soomaaliya, Nicholas Kay, ayaa ku dhawaaqay in 3 milyan oo doolar oo ka imanaya Sanduuqa Nabadaynta loo qoondeeyay si loogu taageero dadaallada xasilinta ee goobaha dhowaan la xoreeyay. Hawlgalka Qaramada Midoobay ee Kaalmaynta Soomaaliya oo la kaashanaysa Wasaaradda Arrimaha Gudaha iyo Federaalka ayaa iminka ku hawlan dhammeystirka mashruuca ugu horeeya si lacagtan loo soo daayo. Lacagta ay ku dhawaaqday Kaaliyaha Xoghayaha Guud Cheng-Hopkins waa mid dheeraad ah, waxaana la filayaa in arrimaha ay xoojinayso ka midyihiin tayada maamullada degaanada, fududeysana dadaalka dibuheshiisiinta heerka deegaanka, laguna maalgeliyo mashaariicda hawlaha guud ee kaabayaasha, oo ka shaqeeyaan dhallinyarada iyo kooxaha kale ee tabaaleysan.

Kaaliyaha Xoghayaha Guud Cheng-Hopkins waxay sheegtay in Sanduuqa Nabadaynta uu maalgelinayo baahida nabadaynta Soomaaliya iyadoo lala tashanayo Dowladda Federaalka Soomaaliya, madaxda gobollada, ururrada bulshada iyo deeqbixiyeyaasha.

“Hal mashruuc oo aan maskaxda ku hayno ayaa ah waxa aan u qaban karno dagaalyahanada ka soo goosta Al-Shabaab iyo maleeshiyaadka kale, sidii aan dhallinyaradan bulshada dib ugu biirin lahayn anagoo barayna xirfad una fidinayna fursad nololeed si aysan dib ugu noqonin falalkii ay ku kacayeen oo ah sababta ka dambeysa xasillooni darrada ka jirta Soomaaliya,” ayay tiri.

Iyagoo la hadlaya Kaaliya Xoghayaha Guud Cheng-Hopkins, ururrada haweenka magaalada Muqdisho waxay caddeeyeen inay doonayaan inay kaalin mug leh ka cayaaraan horumarka siyaasadeed ee Soomaaliya, sida hanaanka dib u eegidda dastuurka. Kaaliyaha Xoghayaha Guud waxay carrabka ku adkeysa in Qaramada Midoobay ay rumeysantahay in haweenka laga awoodsiiyo xagga siyaasadda iyo xagga dhaqaalahaba si loo siiyo kalsooni ay ku cayaaraan kaalinta ay ku leeyihiin bulshada, waxay kaloo sheegtay in waaxda ay madaxda u tahay ay doonayso inay taageerto wadatashi ballaaran oo laga yeesho hanaanka qaran ee dastuurka, doorashada iyo kuwa kale.

Intii booqashada ku joogtay dalka oo ay tagtay magoolooyinka Muqdisho, Kismaayo, iyo Xudur, Kaaliyaha Xoghayaha Guud Cheng-Hopkins waxay la kulantay Ra’iisal Wasaaraha Cabdiweli Sheekh Axmed, Gudoomiyaha Baarlamaanka Maxamed Sheekh Cusmaan Jawaari, madaxda maamullada gobollada iyo degmooyinka, ururrada bulshada, ururrada haweenka, dhallinyarada iyo odeyaasha dhaqanka. Arrimmaha ugu waaweyn ee ay kala hadashay waxaa ka mid ahaa baahida loo qabo in la dejiyo mashaariicda hawlaha guud si dadka Soomaaliyeed loogu keeno tusaalooyin muuqda oo nabadda ah; baahida loo qabo in la tababaro hawlwadeenada dowladaha hoose iyo kaalinta ay ururrada bulshada rayidku ku leeyihiin hanaanka nabadaynta.

Xoghayaha Guud ee Qaramada Midoobay ayaa bishii December 2013 ku dhawaaqay in Soomaaliya ay mudantahay inay hesho deeqda ku jirta Sanduuqa Nabadaynta. Sanduuqa waxaa asaasay sannadkii 2006dii ka dib markii Golaha Loo Dhanyahay iyo Golaha Amaanku codsadeen in la taageero dadaallada nabadaynta dalalka ka soo baxaya colaadda ama xasaradaha siyaasadda.
___
RBC Radio

Use Facebook to Comment on this Post

Muqdisho[RBC Radio]Galinkii danbe ee maanta waxaa Muqdisho ku soo labtay raysul wasaaraha Soomaaliya,Cabdiweli Sheekh Axmed Maxamed kaddib socdaal maalmo qaatay uu ku tagay degmooyin ka tirsan Shabeellaha hoose.

Wasiirro ka tirsan xukuumadda ayaa Muqdisho ku soo dhaweeyey waftiga raysul wasaaraha.

Inta uu ku sugna raysul wasaaraha gobolka Shabellaha hoose waxaa uu kulamo kala duwan la qaatay odayaasha dhaqan degmada Marka iyo Qoryooley wuxuuna ka dhageystay warbixino ku aadan xaaladda gobolka.

Safar dhanka dhulka ah saaka ayuu aroortii kaga soo ambabaxay magaalada Marka ee xarunta gobolka Shabellaha Hoose,rasul wasaare Cabdilweli iyo waftigiisa waxaana ay  maanta duhurkii gaaray degmada Qoryooleey oo kamid ah deeganadii dhawaan laga xoreeyay kooxaha Nabad-diidka Al-shabaab.

Safarkan oo qayb ka ahaa u kuurgalida xaaladaha gobolka Shabelada Hoose ayaa waxaa kusoo dhaweeyay degmada Qoryooley boqolaal kamid ah shacabka degmadaas oo ruxayay caleemo qoyan Sawirka Ra’iisul Wasaaraha iyo calanka Jamhuuriyada Soomaaliya, waxaana soo dhaweynta kaddib uu kulan ballaaran la qaatay waxgaradka, odayaasha,maamulka degmadaas iyaga oo halkaasina ay ku soo bandhigeen baahiyaha ay doonayaan in si deg deg ah wax looga qabto.

Taliyaha qeybta koowaad ee Ciidamadda Xogga dalka Soomaaliyeed General Maxamuud Maxamed Xasan (Qaafoow) oo kulanka ka hadlay ayaa sheegay dhibaatooyinka ay ka cabanayaan shacabka ku dhaqanka degmada Qoryooleey ee ugu horreyso dhanka Amniga Ciidamadda Xogga dalka Soomaaliyeed inay wax ka qaban doonaan, wuxuuna ka dalbaday dadka shacabka ah ee degmadu inay gacan ka siiyaan kooxaha kusoo dhuumaalaysanaya dadka shacabka ah dhexdiisa.

Xildhibaan Bishaar Ugaas oo kamid ah xubnaha golaha baarlamanka Soomaaliya ee kasoo jeeda degmadaas ayaa uga mahadceliyay Ciidamadda XDS iyo kuwa AMISOM da’daalka ay ku bixiyaan xorreynta degmada iyo ammaanka oo suuragaliyay maanta inuu booqasho ku tago wafdi uu hoggaaminayo Ra’iisul wasaaraha Xukuumadda.

General C/laahi Xasan Bariise Madaxa hoggaanka saadka ee ciidanka Booliska Soomaaliya oo dhankiisa kulankaas hadal ka jeediyay ayaa sheegay dhawaan degmada Qoryooleey inay soo gaari doonaan Ciidamaddii Booliska Soomaaliyeed si amniga ay ka cabanayaan dadka shacabka iyo dhibaatooyinka kale ee geystaan kooxaha Al-shabaab wax looga qabto, wuxuuna geesta kale tilmaamay in la gaari doono degmooyinka kale ee weli ku harsanyihiin kooxaha Nabadiidka Al-shabaab.

Ugu danbayntii waxaa kulanka ka hadlay Ra’iisul Wasaaraha Xukuumadda Soomaaliya Mudane Cabdiweli Sheekh Axmed wuxuuna dhammaan uga mahadceliyay shacabka iyo maamulka degmada soo dhawaynta ballaaran ee u sameeyeen, isagoona xusay dhammaan baahiyadii kala duwanaa ee soo gudbiyeen shacabka iyo maamulka degmada Xukuumaddu si dhaqso intii awoodeeda ah inay wax uga qaban doonto.

“Qoryoolaydii soo dhawaynta, aad iyo aad ayaan ugu faraxsanahay inaan imaado anigoo muddo ka maqnaa oo maanta u nimaadno ehelkaygii reer Qoryooley oo marlabaad gumaysi ka xoroobay, 1960 ayay xorowday oo calanka Soomaaliya laga taagay maanta waxay ka xorrowday gumaysigii dhiigyacabka ahaa ee Al-shabaab” ayuu yiri Ra’iisul Wasaaraha oo dhinaca kale sheegay dhammaan baahiyadii kala duwanaa ee soo gudbiyeen shacabka degmada Qoryooley Xukuumaddu inay ka hawlgeli doonto sidii wax looga qaban lahaa.
Dhanka kale Ra’iisul Wasaaraha iyo Wafdigii la socday ayaa kormeer ku tagay Isbitaalka weyn ee degmada Qoryooley oo kooxaha Al-shabaab ay ka bililiqaysteen dhammaan qalabkii yaalay, wuxuuna sheegay Ra’iisul Wasaare Cabdiweli Sheekh Axmed si deg deg ah in loo keeno doono Isbitaalka qalab uu ku shaqeeyo si dadka deegaanku u helaan adeeg caafimaad oo dhameystiran.
Ra’iisul Wasaaraha Soomaaliya ayaa caawa dib ugu soo laabtay magaalada Muqdisho ee caasimadda Soomaaliya isagoo soo maray safar dhulka ah oo qaatay muddo ka badan shan saacadood oo toos ah.

Booqashada uu maanta ku tagay magaalada Qoryooleey ee gobolka Shabellaha Hoose ayaa qayb ka noqonaysa booqashooyin qaatay labo maalin oo Ra’iisul Wasaaruhu ugu kuurgalayey xaaladda dadka shacabka ee ku dhaqan gobolka Shabellaha Hoose.

___
RBC Radio

Use Facebook to Comment on this Post

Mogadishu[RBC Radio]the President of the Federal Republic of Somalia, H.E. Hassan Sheikh Mohamud, received a delegation of Members of Parliament at the State House. They presented to him a statement made earlier this week.

The President acknowledged the written statement and confirmed his respect for the right of every citizen to freely express their opinion: from politicians to the general public. He added that he is ready to sit and listen to anyone who has a constructive opinion.

He reminded the delegation that they among those who wholeheartedly elected him and gave him the Presidential mandate and urged them to follow correct procedural channels, as per those provided for in the provisional Constitution.

“It is good that a person in Somalia is free to express his opinion. I’m pleased that this indicates how far we have come in establishing and protecting people’s rights through our state-building processes,” the President said.

Concluding the meeting, the President called for all to observe and respect the laws of the land and the culture of statehood. He urged that the culture of statehood be protected in state circles.
_____
RBC Radio

Use Facebook to Comment on this Post