Garoowe[RBC Radio]Dowladda Puntland ayaa markii ugu horreeysay shaaca ka qaaday inay si dhow u eegi doonto ajaanibta ku sugan deegaannada Puntland ee shaqooyinka ka haysa.

Hadalkan ayaa waxaa jeediyey madaxweyne ku-xigeenka Puntland,Cabdixakiin Xaaji Cadulaahi Cumar waxuuna sheegay in Puntland ay qorsheyneyso in la xaddido shaqaalaha ajnebiga ah ee ka shaqeeya Puntland.

Madaxweyne ku-xigeenka dowladda Puntland,Cabdixakiin Xaaji Cabdulaahi Cumar waxuu ku sheegay sababta loo kontoroolayo shaqaalaha ajnabiga ee ka shaqeeya Puntland inay tahay iyadoo ay jiraan dad badan oo xirfadlayaal Soomaali ah kuwasoo qaban kara shaqooyin badan oo ay qabtaan shaqaale ajnabi ah oo ku sugan deegaannada Puntland gaar ahaan kuwa ka howlgala hay’adaha caalamiga ah.

Eng. Camey ayaa ugu baaqay hay’adaha dowladda iyo baarlamankaba in arintaas dhug loo yeesho, wuxuu sheegay in aysan suuta-gal ahayn in shaqaale ajinebi ah la siiyo howl ay muwadiniin qaban karaan.

Sidoo kale,waxuu ugu baaqay madaxweyne ku-xigeenku shaqaalaha maamulka in shaqadooda u noqdaan daacad oo aysan noqon kuwo ku kaca musuqmaasuq.

Wuxuu intaas raaciyay in shakhsiyaadka iyo shaqaalaha ku kaca falalka foosha xun in dowladdu uu ka qaadi doono tallaabooyin sharciga waafaqsan.

Madaxweyne ku-xigeenka ayaa hadalka ka jeediyay xuska maalinta Shaqaalaha Adduunka ee 1-da May oo shalay ku beegned taaso lugu qabtay magaalada Garoowe.

Halkaan hoose ka dhageyso hadalka madaxweyne ku-xigeenka/RBC Radio

Puntland waxaa ay ka mid tahah goobaha ay ka howlgallan shaqaalo ajaanib ah kuwasao howlo shaqooyin ah ka haya,waxaana intooda badan ay ka howlgallan xarumaha caafimaadka ee ku yaalla magaalooyinka Puntland.

_____
RBC Radio

Use Facebook to Comment on this Post

Muqdisho[RBC Radio]Magaalada Muqdisho ee xarunta Soomaaliya,waxaa maanta ka ambabaxay madaxweynaha dowladda faderaalka Soomaaliya,Xassan Sheekh Maxamuud oo ay waheliyan xubno ka mid ah dowladda,waxaana la sheegay inay ku siijedan dalka Itoobiya.

Madaxweynaha iyo waftigiisa waxaa la sheegay inay tagi doonan magaalada Addis Ababa ee xarunta dalka Itoobiya halkaaso oo ay kula shiri doonan madaxda dalkaasi Itoobiya.

…””‘Madaxweynaha Addis Ababa ayuu u dhoofay,waxuuna halkaas kula shiri doonna madaxda dalka Itoobiya,…””ayuu yiri guddoomiyaha baarlamaanka oo safarka madaxweynaha ka hadlayey.

Madaxweyne Xasan Sheekh iyo wafdiga uu hoggaaminayo ayaa booqasho labo cisho qaadaneyso waxa ay ku joogi doonaan dalka Ethiopia, halkaasi oo ay Mas’uuliyiinta Ethiopia ay kulankooda kaga hadli doono xoojinta xiriirka labada dal, iskaashiga dhanka ammaanka iyo arrimo kale.

Madaxweynaha iyo Wafdigiisa ayaa waxa ay u sii amba bixi doonaan dalka Isutagga Imaaraadka Carabta, halkaasi oo uu ka helay casuumaad rasmi ah boqorka Dalka Isutagga Imaaraadka Carabta Sheekh Khalifa Bin Zayed Al Nahyan,

Wafdiga Madaxweynaha waxaana garonka ku sii sagootiyay Guddoomiyaha baarlamaanka Federaalka ah ee Soomaaliya Mudane Maxamed Sheekh Cismaan Jawaari, xubno ka tirsan labada gole ee dowladda, guddoomiyaha Gobolka Benaadir ahna duqa Muqdisho, Taliyeyaasha ciidamada qalabka sida, siyaasiga Cali Maxamed Geedi iyo mas’uliyiin kale.

Waxaa la sheegay madaxweynaha sidoo kale,inay suragal tahay dalal kale inuu booqasho ku tago si uu arrimaha Soomaaliya ugala hadlay.

Dhawaan shir ka furmay Addis Ababa oo ammaanka looga hadlayey kama usan qeyb-galin Xassan Sheekh,badalkiisa waxaa shirka ka qeyb-galay madaxweynaha Puntland Dr Gaas,waxaana la sheegay inuu jiri khilaf inkasto dowladda ay arrinta beenisay.

____
RBC Radio

Use Facebook to Comment on this Post

Raila Omollo Odinga

Nairobi[RBC Radio] Raila Omollo Odinga oo maalmahan ka hadalayey xaaladda Soomaalida ku nool dalka Kenya ee ay ciidamada dalkaasi dhibaatada u geysanayeen ayaa markale sheegay inaysan haboonen qabka ay wax ku wadaan xukuumadda Uhuru Kenyatta ,xilli uu la hadlayey laanta Af-soomaaliga ee VOA-da .

Raysul wasaarihi hore ee Kenya sidoo kale,waxaa uu hadalkiisa ku soo qaaday inay dhib badan la kulmayan Soomaalida ku nool dalka Kenya dhibtaas oo u sheegay inay u geysanayan ciidamada ammaanka Kenya.

Odinga,ayaa tilmaamay in ay jiraan qaabab kale oo lagu wajihi karay ama lagu xalin karo arrimaha taagan, isagoona inta ku daray in Soomaalida aysan metelin ama ka tirsaneen kooxda Al-shabaab.

Mas’uulkan wasiirka koobad ka soo noqdey Kenya oo umuuqanayey mid u danqanaya Soomaaliya,waxaa kalo uu howlgallada ay wadaan boolisku uu ku sheegay kuwo nasiib darro ah isla markaana dowladda Kenya ayuu ku dhaliilay sida ay ula dhaqantay Soomaalida.

Waxaa uu ku qiray waraysiga uu bixinayey in ay jiraan dad Kenyaati ah oo ka tirsan amaba xiriir la leh kooxda Al-shabaab.

Docda kale,waxaa uu ka hadlay Raila Omollo Odinga khilaafka Diblomaasiyadeed ee soo kala dhexgalay Soomaaliya iyo Kenya,waxaana dhankiisa uu ku baaqay in si taxadar ah xal looga gaaro.

Arrintaan soo ifbaxday markii dowladda Federaalka ay dib ugu yeertay toddobaadkii tegay Safiirki u joogay Nairobi, kaddib markii Booliska Kenya ay xireen Qunsulkii guud ee Safaaradda.

Madaxweynaha Soomaaliya,Xassan Sheekh Maxamuud oo isagu arrimahan ka hadlay dhankiisa,waxaa uu sheegay inuu socdo wada-hadal u dhaxeeya dowladaha Soomaaliya iyo Kenya iyo hay’adda qaxootiga adduunka, kaas oo ku saabsan sidii qaxootiga Soomaalida ah ay dalkooda ugu laaban lahaayeen iyaga oo aan la khasbin, lana raacayo shuruucda caalamiga ah ee u degsan qaxootiga.

Xasan Sheekh ayaa sheegay inuu kala hadlay dowladda Kenya inay dhawrto xuquuqda iyo hantida dadka Soomaalida ah ee dalkeeda ku sugan.

Wuxuu xad-gudub dibloomaasiyadeed ku tilmaamay xarig booliska Kenya ay u geysteen qunsulka safaaradda Soomaaliya ee Nairobi, Siyaad Maxamuud Shire. Wuxuu sheegay inay qoraal ashtako ah u gudbiyeen dowladda Kenya, isla markaan ay sugayaan jawaab dowladda Kenya ay ka bixiso dhacdada.

____
RBC Radio

Use Facebook to Comment on this Post

Addis Ababa[RBC Radio]Madaxweynaha Jamhuuridda Soomaliya Mudane Xasan Sh. Maxamuud iyo wafdi ballaaran oo uu hoggaaminaayo aya galanta ka soo dagay garoonka diyaaradaha magaaladda Adis Ababa ee dalka Ethiopia.

Madaxweynaha Soomaliya iyo wafdigiisa waxaa si diiran ugu soo dhaweenaya garoonka diyaaradaha ee magaalada Adis Ababa mas’uuliyeen ka tirsan dowlada Ethiopia, wasiirka Maaliyadda Soomaliya iyo safaaradda Soomaliya ee dalka Ethiopia.

Wafdiga Madaxweynaha Soomaliya oo uu hogaaminaayo ayaa waxaa ka mid ah wasiirka cadaalada iyo garsoorka mudane Farax Sh. Cabdulqaadir, wasiirka gaashaadhiga mudane Maxamed Sh. Xasan iyo wasiirka batroolka iyo macdanta mudane Da’ud Maxamed Cumar iyo howl wadeen ka tirsan xafiiska Madaxweynaha Soomaliya.

Wasiirka Maaliyada Soomaliya Mudane Xuseen Cabdi Xalane ayaa ka warbixiyay safarka Madaxweynaha jamhuuriyadda Soomaliya mudane Xasan Sh. Maxamuud kuu yimid magaalada Adis Ababa ee dalka Ethiopia, isagaa sheegay in maalinta birito ah uu madaxweynaha la kulmi doono Ra’iisul wasaraha dalka Ethiopia Hailemariam Desalegn iyo xoghayaha arrimaha dibadda ee dalka Maraykanka Jhon F. Kerry.

Safarka Madaxweynaha Soomaliya mudane Xasan Sh. Maxamuud uu ku yimid dalka Ethiopia ayaa wuxu yahay booqasha hal maalin ah, kaas oo kulamu kula yeelan doono Ra’iisal wasaraha Ethiopia iyo Xoghayaha arrimaha dibada ee Maraykanka.

____
RBC Radio

Use Facebook to Comment on this Post

Addis Ababa[RBC Radio]Wafdigii Dawladda Puntland ee uu hogaaminaayey Mudane Cabdiweli Maxamed Cali ‘Gaas’ ayaa galabta shir la qaatay Wafdigii Wasaradda Arrimaha Dibedda ee Maraykanka oo uu hogaaminayey Mudane John Kerry.

Wafdiga ayaa salaan Wasiirka Arrimaha Dibedda Kadib kulan dheer la qaatay Ku-xigeenka Wasiirka ahna qaabilsanna Arrimaha Afrika Marwo Linda Thomas-Greenfield. Kulanka ayaa sidoo kale ka soo qaygalay Safiirka Marykanaka u qaabilsan soomaaliya Mudane James P. McAnulty iyo Lataliyaha Arrimaha Siyaasadda iyo Dhaqaalaha Safaarada Marykanka ee Etobiya Mudane Brendan Gough.

Dhanka Dawladda Putland ayaa Madaxweyne Cabdiweli ku weheliyey shirka Wasiirka Amniga Mudane Xassan Cusmaan Aloore iyo Wasiirka Waxbarashada Mudane Cali Xaaji Warsame.

Shirka uu la qaatay madaxweyne Gaas,waftigii booqashada Afrika ku waheliyey John Kerry waxaa lugu sheegay inuu yahay mid muhiimad weyn uleh dowladda Puntland,waxaana inta uu socday kulanka lugu soo qaaday sidii Puntland gacan looga siin lahaa arrimaha amaanka iyo dardargelinta taageerada Maraykanku ku bixiyo arrimaha Soomaaliya oo Puntland qayb ka tahay.

Dowladda Marekanka waxaa lugu sheegay madaxweyne Gaas inuu saaxib dhow la yahay,maadaama uu heysto dhalasho dalkaas ah,xilligii la doortay ayuu Marekanku sheegay inuu si dhow u taageeri doonno dowladda uu madaxweyne Cadiweli hoggaamiyo.

Wafdiga Madaxweynaha Puntland ayaa intii ay Magaalada Addis Ababa ku sugnaayeen la qaatay shirar Madax kala duwan Madax badan oo kula sugnaa Magaalada Bahar Daar iyo Addis Ababa.

Kulanka waxaa uu ku soo aadaya xilli madaxweynaha dowladda faderaalka Xassan Sheekh uu maanta Addis Ababa gaaray,waxaana horay warbaahintu baahisay inuu la kulmi doonno Xassan Sheekh John Kerry oo isagu xilligaan ku sugan dalka Koonfurta Suudaan oo u maanta gaaray.

Warar an wali la shaacin ayaa surtagal ka dhigaya inay wada shiraan madaxweyne Gaas iyo Xassan Sheekh balse wali arrinta cid cadeysay ma jirto.

_____
RBC Radio

Use Facebook to Comment on this Post

Sanca [RBC Radio]Madaxweynaha dowladda Puntland,Cabdiweli Maxamed Cali Gaas ayaa maalinimadi hore ee maantay tagay magaalada Sanca ee xarunta dalka Yeman halkaaso  si ballaaran loogu soo dhaweeyey.

Waxaa uu horay u sheegay madaxweyne Gaas inuu casumaad rasmi ah ka helay madaxda dalka Yeman oo ay kawada-hadlli doonan arrimo la xiriira iskaashiga iyo xiriirka labada dhinac.

Booqashada uu madaxweynaha ku tagay dalka Yeman,waxaa ku waheliya wasiirro iyo mas’uuliyin ka tirsan dowladda,waxaana ka mid ah wasiirka waxbarashada Puntland Cali Xaaji Warsame, wasiirka Amniga Xasan Alloore, agaasimaha macdanta iyo batroolka Ciise dhoolwaa iyo siyaasi Cali cabdi Awaare.

..””‘Waxaan ku tagnay dalka Yeman casumaad rasmi ah oo an ka helan madaxda dalkaas,waxaana ka arrin san doonna xiriirka labada dhinac iyo arrimo kale, waxaana jira xiriir qoto-dheer oo ganacsi oo ka dhexeeya Yeman iyo Puntland,..”‘”ayuu yiri madaxweyne Gaas.

Dalka Yemen iyo Puntland,waxaa ka dhaxeeya xiriika ganacsiga, arrimaha nabad-gelyada badaha, Burcad-badeeda iyo tahriibka,waxaana dhowr mar tagay madaxweynihi hore ee Puntland Dr Faroole.

Madaxweyne Gaas,waxaa la sheegay inta uu ku suganyahay dalkaas inuu la shiri doonno madaxda dalka Yeman oo u ka mid yahay madaxweynaha dalkaas iyo wasiirro.

Dowladda madaxweyne Cadiweli ayaa horay u ballan-qaaday inay xoojin doonto xiriirka Puntland iyo caalamka,waxaana uu madaxweynaha dhawaanahan uu ku sugna dalka Itoobiya oo u uga qeyb-galay shir amniga looga halayo,waxuuna la shiray mas’uuliyin ka tirsaned wasaaradda arrimaha dibadda Marekanka.

____

RBC Radio

Use Facebook to Comment on this Post

At least seven people killed, including regional secretary, in roadside bomb attack claimed by al-Shabab group.
At least seven people including a prominent Somali official have been killed in a bomb attack by al-Shabab fighters in the capital Mogadishu.

The blast killed Abdikafi Hilowle, a police official and former secretary-general of the Mogadishu region, and wounded 25 people, medical officials said.

Police officer Mohammed Duale told the AFP news agency three policemen and four civilians were also among the dead.

Somalia’s al-Shabab rebels claimed responsibility for the attack, branding Hilowle “an enemy of Allah” and accusing him of working with foreign intelligence services.

Al-Shabab’s spokesman Abdiaziz Abu Musab told AFP “He was the enemy of Allah sought for crimes he committed against young Muslims, we are happy finally we killed him.”

The spokesman warned “many others are on the list to be eradicated.”

Security sources said the explosion may have been caused by a remote-controlled bomb attached to the car of Hilowle.

The blast came hours after Somali police foiled an attempt on the life of a Somali legislator who planted a bomb in his car.

Security forces removed the bomb and detonated it after they were tipped off, according to Captain Mohamed Hussein, a senior police official.

The attack is the latest in a string of bombings in the city attributed to al-Shabab rebels who are battling to overthrow the war-torn country’s internationally-backed but fragile government.

The al-Shabab have been driven out of fixed positions in Somalia’s major towns by a UN-mandated African Union force, but still regularly launch attacks that include bombings and guerrilla-style raids.

Recent al-Shabab attacks have targeted key areas of government or the security forces, in an apparent bid to discredit claims by the authorities that they are winning the war against the Islamist fighters.

Source: AFP

Use Facebook to Comment on this Post

the Prime Minister of the Federal Government of Somalia H.E. Abdiweli Sheikh Ahmed Mohamed expressed his grief about today’s explosion in Mogadishu that claimed the lives of innocent civilians. The explosion also killed the former Secretary General of Administration of Banadir Regional Administration Abdikafi Hilowle Osman and some of his personal guards. The prime minister described the incident as an act of terrorism by insurgents who have no place in Islamic tradition.

Speaking about the explosion, the Prime Minister said:

“I am sending my condolences to the families of all those who were killed in today’s attack in Mogadishu that targeted innocent Somali civilians. I am also sending my condolences to the families of Mr. Abdikafi Hilowle Osman and some of his personal guards who were also killed in today’s attack. The deceased was someone I knew personally who worked tirelessly for the people of Somalia and the Somali Government.

“We lost individuals who were important to our society. They were taking part in development and our efforts to move the country beyond this difficult period. These types of attacks will strengthen our resolve to eradicate terrorists who are causing problems for the people and the country of Somalia.

“Shedding the blood of innocent civilians has no basis in our Islamic religion or in Somali culture. By the grace of God, we will prevail against those who are distorting our righteous faith and killing our people.”

Meanwhile, Prime Minister Abdiweli spoke about an attempted assassination in which a Member of Parliament was targeted. He described as heroic the action of a Somali civilian who thwarted the aim of the terrorists by alerting the Member of Parliament that his car had been rigged with explosives. This act saved the lives of the Member of Parliament and two of his colleagues who were with him.

“I am praising the brave action the civilian took to alert the Member of Parliament. This act shows that our people are ready to take part in ensuring security,” said the Prime Minister.

Use Facebook to Comment on this Post

At least three people are confirmed dead and several others injured after an explosive went off in a bus in Mombasa.

The Chania Bus in Mwembe Tayari in the Kenyan coastal town of Mombassa was on board on Saturday evening when the attackers hurled an explosive into the bus causing the deaths and the injuries of several people who are believed to be including some of the passengers.

According to Kenyan’s interior ministry, on a second incident on Saturday, another bag loaded with Improvised Explosive devices was discovered at the gate of Reef Hotel in Nyali.

People around the area of Reef hotel where the bag loaded with explosives was placed have immediately escaped the area after noticing the bag.

The Al-qaida affiliated militants in Somalia Al-shabab known to carry out similar attacks had not claimed the responsibility of this terror attack.

These terror attacks were visibly increasing recently in Kenya amid the government of Kenyan is urging Somali refugees whom they have alledged to plot these terror attacks to go back to the designated refugees camps and Somalia.

RBC Radio.

Mombassa

Use Facebook to Comment on this Post

Use Facebook to Comment on this Post

Mombasa[RBC Radio]Labo goobod ku yaalla magaalada Mombasa,ayaa waxaa lugu weerarray qaraxyo khasaare dhaliyey,waxaana la sheegay dhowr qof inay ku dhinteen.

Kooxo hubaysan ayaa la sheegay weerar banbaanoyin ah inay ku weerarren goob basaska laga raaco oo ku taalla magaalada Mombasa, iyo hotel ku yaalla isla magaaladaasi, sida mas’uuliyiin Kenyan ah ay sheegeen.

Ilaa hadda ma jirto cid sheegatay mas’uuliyada qaraxyadan,balse hadal ka soo baxay dowladda Kenya waxaa lugu sheegay in qaraxa ay ka dambeeyeen kooxda Al-shabaab, oo horay u sheegtay masuuliyiinta weerarkii Westgate ee dalka Kenya.

..””‘Waxaan idin sheegaya waxa dhacay wuxuu ahaa qarax lagu tuuray dadka rakaabka ah, kuwa weerarka soo qaatay mooto ayay wateen waxayna dadka oo badnaa ku weerareen qaraxyadaasi..””waxaa sida saxaafadda u sheegay Nelson Marwa oo ah guddoomiyaha degmada.

Qaraxyada is xigay,waxaa sidoo kale saraakisha ciidanku sheegen inay ku dhaawacmen dad kor u dhaafaya 20-ruux.

Ilaalada hotelka dhanka xeebta ku yaala ee Reef Hotel ayaa u sheegay wakaalada wararka ee Reuters inay ka hortageen kooxaha weerarka ku qaaday, laakiin kooxaha hubeysan ay boors ku tureen taasi oo qaraxa uu ka dhashay.

Saqafka sare ee hotelka ayaa la sheegay inay waxyeelo gaartay, iyadoo qaraxa uu sababay in qeyb ka mid darbiga dhismah uu burburay, sida wakaalada wararka Reuters ay baahisay.

Qaraxyadan waxaa ay ku soo aadayan iyadoo Kenya ay ka socdaan howlgalo ballaaran oo lagu xoojinayo amniga sida ay dowladda sheegtay.

____
RBC Radio

Use Facebook to Comment on this Post

Muqdisho[RBC Radio]Hanjabaad walaac abuurtay ayaa waxaa ay ka soo baxday kooxda Al-shabaab ee Soomaaliya ka dagallaanta,kaddib markii ay sheegen inay leyn doonan dhammaanba mas’uuliyintii xilka laga qaaday ee gobolka Banaadir.

Qarax ka dhacay Muqdisho shalay oo u ku dhintay xog-hayihii hore ee gobolka Banaadir ayaa waxaa sheegatay Al-shabaab,waxaana sheegashada ay daba dhigeen inay sidaas oo kale u leyn doonan dhammaanba xubnihii xilka laga qaaday ee gobolka Banaadir.

Wakiilka Al-shabaab u qaabilsan gobalka Banaadir Sheekh,Cali Maxamed Xuseen Cali Jabal ayaa ku goodiyay inay bartilmaamedsan doonaan cid waliba oo shacabka reer Muqdisho dhibaato ugeysata.

Jabal,waxuu sheegay in sidoo kale aysan ka baxsan doonin maamuladii degmooyinka gobalka Banaadir ee xilalkii laga qaaday oo hadda aan wax xilal ah hayn.

Hanjabadaa Al-shabaab,waxaa ay imaanaysa xilli ay jiraan guddoomiyaashi hore ee gobolka Banaadir qaar kood oo an lahayn wax ilaalo ah,waxaana ay ka dhigaysa cabsi cusub oo mas’uuliyinta soo fodsaaraysa.

Al-shabaab ayaa wali dagaallo wada,waxaan ay weerarro gaadmo ah oo qaraxyo u badan ka geysanayan magaalada caasumada ah ee Muqdisho,laamaha ammaanka ee dowladda ayaa dhankoosa sheegaya inay dadaal ugu jiran sugida amniga Muqdisho.

____
RBC Radio

Use Facebook to Comment on this Post

Galdogob[RBC Radio]Degmada Galdogob ee gobolka Mudug,waxaa gaaray wafti ballaaran oo ka socda dowladda Puntland,waxaana mas’uuliyinta ay u badanyihiin  wasiirro xukuumadda ka tirsan iyo maamulka gobolka Mudug.

Waftiga magaalada Galdogob gaaray,waxaa ay isagu jiraan xubinihii dawladdu ay u xilsaartay dhismayaasha golayasha deegaanka gobolka Mudug.

Guddoomiye ku-xigeenka gobolka Mudug,Axmed Muuse Nuur oo Raxanreeb la hadlay waxaa uu sheegay ujeedadda safarka ay ku tageen Galdogob inay la xiriirto dhismaha gole deegaan oo laga hirgalinayo degmada Galdogob,waxana golahaasi ay dooran doonan guddoomiyaha cusub ee degmada.

..””Waxaan wali ku guda jirna kulamadi hor-dhaca ahaa,waxaana ujeedadda safarkeena ay tahay annago isagu jirna waftigii dowladda u xilsartay dhimayaasha golayaasha deegaanka ee gobolka Mudug,sidii Galdogob gole deegaan oo cusub looga hirgalin lahaa,..””ayuu yiri Axmed Muuse Nuur.

Wasiirka arrimaha gudaha iyo dowladaha hoose ee dowladda Puntland Axmed Karaash oo waftiga hoggaaminaya waxaa uu isna dhankiisa Raxanreeb u sheegay inay ku dadaallayan sidii degmada Galdogob looga dhisi laha gole deegaan,kaddib markii uu madaxweynaha Puntland kala diray golihii hore ee deegaanka Galdogob.

Qorsha xilligaan dowladda ay ku doonayso gobolka Mudug in laga hirgaliyo gole deegaan ayaa ku dhow heer gabo-gabo ah,waxana suragashay guddiga howshan loosaray inay degmooyinka Gaalkacyo,Jarriiban iyo Xarfo ka dhisan gole deegaan.

____
RBC Radio

Use Facebook to Comment on this Post

Washington [RBC Radio]Kulan ay Addis Ababa ku qaaten madaxweynaha dowladda faderaalka Soomaaliya Xassan Sheekh Maxamuud iyo xog-hayaha arrimaha dibadda ee Mareykanka John Kerry,ayaa la sheegay inuu ahaa mid muhiimad weyn ugu fadhiya Soomaalida.

Shirka oo muddo qaatay ayaa waxaa uu dhacay shalay,waxaana qoraal ka soo baxay  wasaaradda arrimaha dibadda Marekanka lugu sheegtay in madaxweyne Xasan Sheekh Maxamuud uu ka codsaday xukuumadda Washington arrimo ay ka mid yihiin dhismaha ciidamada qalabka sida ee Soomaaliya, kobcinta dhaqaalaha iyo dib u habaynta hay’adaha dowladda Soomaaliya kulankaasi oo ay goob-joog ka ahaayeen xubno katirsan golaha wasiirada.

Sarkaal u hadlay wasaaradda arrimaha dibadda ayaa sidoo kale tilmaamay in madaxweynaha Soomaaliya uu ka faalooday marxaladihii dalka uu soo maray labaatankiis sanno ee la soo dhaafay ayna ku began tahay 25 sno guuradii ka soo wareegatay burburkii dowladii dhexe ee Soomaaliya.

Madaxweyne,Xassan ayaa sidoo kale sheegay shacabka Soomaaliyed inay u baahanyihiin nidaam dowlada nimo isagoona cdsaday in laga kaabo sidii dalka loo gaar siin lahaa doorasho xor ahi.

Qoraalka ka soo baxay wasaaradda arrimaha dibadda ee Marekanka sidoo kale,waxaa la sheegay inuu madaxweyne Xassan kulanka uu la qaadanayey John Kerry ku soo qaaday in dowladdu ay horumarro ka sameysay arrimaha ammaanka ayadoo kaashaneysa ciidamada nabad ilaalinta ee Midowga Afrika. Xoghaye Karry ayaa sheegay in Soomaaliya ay ka dhaceen is-bedello iyo horumar dhabbaha u xaaraya in waddanku uu ka soo kabsado dhibaatada muddada dheer ka jirtay.

Marekanka ayaa dhankiisa sheegay inuu Soomaaliya ka taagaari doonno dibu dhiska iyo sugida amniga,waxaana kulanka labada mas’uul uu ahaa mid horay loo sii shaaciyey uu u madaxweyne Xassan isku diyaariyey.

Xassan Sheekh,waxaa uu xilligaan ku suganyahay dalka Isutaga Imaaraadka Carabta,waxana la sheegay inuu maanta shirar la qaadan doonno madaxda dalkaasi oo u casumaad rasmi ah ka helay.

____
RBC Radio

Use Facebook to Comment on this Post

Sanca[RBC Radio]Madaxweynaha dowladda Puntland,Cabdiweli Maxamed Cali Gaas ayaa maanta la shiri doonna madaxda dalka Yeman,waxana la sheegay shirarka in looga hadli doonno arrimo quseeya Puntland iyo Yeman.

Wafti uu madaxweynaha Puntland hoggaaminayo ayaa maanlintii labad ku sugan dalkaasi Yeman,waxaana ay ku tageen casumaad ay ka helan raysul wasaaraha dalka Yeman uu marti qaad rasmi ah u fideyey madaxweynaha dawlada Puntland.

Madaxweynaha dawladda Puntland ayaa waxaa ku wehelinaya socdaalka uu ku tagay dalka Yeman wasiirka waxbarashada dawlada Puntland,Cali Xaajo Warsame iyo wasiirka Amniga ee dawlada Puntland mudane. Xasan Cisman Alloore iyo saraakiil ka tirsan madaxtooyda Puntland.

Waxaa la sheegay socdaalka uu madaxweynaha dawladda Puntland ku tegay dalkaasi Yeman inuu la xidhiidhaa Adkaynta amniga, la-dagaalanka argagaxisada iyo xoojinta xidhiidhka ganacsiga ee u dhaxeeya labada Wadan.

Wasiirrada socda ku waheliya madaxweynaha,waxaa dhankooda la sheegay inay la kulmi doonan dhigaggaado dalkaasi.

Waxaa lugu wada kulanka ugu horreeya inuu dhexmaro raysul wasaaraha dalkaasi Yeman iyo madaxweyne Gaas.

Qoraal ka soo baxay xarunta madaxtooyada dowladda Puntland,waxaa ujeedadda safarda madaxweynaha lugu sheegay inay qayb ka yihiin dadaalka ay xukuumaddiisu ugu jirto xoojinta xiriirka diblumaasiyadeed ee a dawladda Puntland la wadaagto dalalka deriska ah iyo kuwa kale ee caalamka.

____
RBC Radio

Use Facebook to Comment on this Post

Suleymaan Ciise (Xagla-toosiye)

Buuhoodle[RBC Radio]Suleymaan Ciise (Xagla-toosiye) ayaa markii ugu horreeysay tan iyo markii uu xil ka qabtay Soomaaliland gaaray degmada Buuhoodle, xilli ay halkaasi ka jiraan xiisado colaadeed.

Xagla-toosiye waa wasiir ka tirsan Soomaaliland,waxaana maamulka uu ugu magacaaban yahay wasiirka caafimaad,imaatinkiisa ayaa ka dhigaysa mid dab ku sii shida xiisada ka dhextaagan Soomaaliland iyo Puntland.

Wasiirka arrimaha gudaha, dowladaha hoose iyo horumarinta reer miyiga ee Puntland Axmed Cilmi Cismaan (Karaash) oo ka hadlayey xiisada Soomaaliland iyo Puntland,waxuu sheegay in Soomaaliland ay gardaro ku joogan deegaanno Puntland ka tirsan.

Karaash ayaa si adag u muuqanayey inuu u hadalayey xilligii uu arrimahan warbaahinta kala hadlayey,waxuuna si cad u sheegay Puntland inay haatan diyaar u tahay inay Soomaaliland iska difaacdo isla markaasna ka saarto deegaannada ay qabsatay,wuxuu intaas ku daray in ay muddo dheer sugayeen in xasiloonida la dhowro oo aan xiisada jirta dagaal lagu xalin.

Iyadoo ay Puntland halka joogta ayaa waxaa uu Xagla-toosiye degmada Buuhoodle ku tagay safar aan horay loo sii shaacinin, mana jirto wax war ah oo ka soo baxay oo ku aaddan sababaha socdaalkiisa.

Safarka wasiirka caafimaadka ee maamulka Somaliland ayaa ku soo beegmaya xilli degmada Buuhoodle uu ku sugan yahay xildhibaan Cali Khaliif Galeyr oo ka mid ah mudaneyaasha baarlamaanka federaalka ah ee Soomaaliya.

..””Waxaan imid deegaankeyga,waxaana u imid sidii an u hormarin lahaa,wayao way ka hartay dalkii,waxaan ka hirgalinayna mashaaric hadda waxaan wada gaari nooca gurmadka deg dega ah,..””ayuu yiri Xagla-toosiye  isagoo saxaafadda kula hadlayey bartamaha Buuhoodle.

Magaalada Buuhoodle waxaa ka jira Xasarad ku aadan siyaasiyiintan isugu tagay Magaalada dadkuna waxay kala taageersan yihiin 2-da dhinac wax kulan ah ilaa hadda ma dhexmarin.

Cali Khaliif galayr oo xalay Saxaafada la hadlay wuxuu sheegay in wada hadal la geli doonaan Somaliland lamana oga in isu imadkan uu arintaa la xiriiro.

Xasan Sheekh Maxamuud,madaxweynaha dowladda federaalka ah ee Soomaaliya ayaa dhowaan sheegay in wada-hadallo la xiriira colaadaha ka taagan deegaannadaas ay dowladda Soomaaliya la gashay maamullada Somaliland iyo Puntland, si loo yareeyo khatar shacabka ka soo gaarta dagaallo halkaas ka dhaca.

Socdalka uu Xagla-toosiye ku tagay degmada Buuhoodle wali dowladda Puntland kama aysan hadlin,lamana garan karo jawaabka ay ka bixin karto.

Mas’uuliyin ka tirsan Soomaaliland ayaa tan iyo markii uu xilka la wareegay madaxweynaha cusub ee Puntland,waxaa ay si qarsoodi ah ku imaanayeen deegaanno ka tirsan Puntland,waxaa xusid mudan madaxweynaha maamulka Soomaaliland inuu booqasho ku tagay magaalada Laas-qoray oo Puntland ka tirsan.

____

RBC Radio

Use Facebook to Comment on this Post

Nairobi[RBC Radio]Labo qarax ayaa ka dhacay magaalada caasumada ah ee Nairobi,waxaana ay dhaliyeen khasaare xooggan oo dhimasho iyo dhaawac leh,sida ay sheegen boolisku.

Waxaa qaraxyada lala egtay labo bas,waxaana ay marayeen wadada weyn ee Thika, ee isku xirta caasimadda iyo gobolada Bariga iyo waqooyiga Kenya.

Qaraxyada ayaa ka dhacay guddaha labo gawaarida dadweynaha ah oo ka tagay bartmaha magaalada kuna sii jeeday deegaanka Githurai.

Bambaanooyinkan oo ay basaska ku tuureen kooxo aan la garanayn ayaa waxaa mid ka mid ah lagula beegsaday bas agagaarka hoteel lagu magacaabo Bluesprings halka bamka kalena lala beegsaday bas marayay agagaarka saldhigga Kasarani.

Wararka ayaa sheegayo in waxa qarxay lagu tuuray basaskan ka dhex shaqeeyo magaalada Nairobi.

Booliska iyo warbaahinta Kenya ayaa xaqiijiyay weeraradan lagu qaaday gawaaridan.

Ugu yaraan laba qof ayaa ku dhimatay qaraxyada, waxaana ku dhaawacmay ku dhowaad 60 qof sida ay sheegayaan hay’addaha gurmadka, iyo Cisbitaalada.

Booliska Nairobi ayaa halkaasi gaaray, waxayna sheegayaan inay baarayaan qaraxa ka dhacay wadada Thika, meel ku dhow hoteel caan ah iyo suuq ganacsi.

Dadka ku dhaawacmay qaraxyada waxaa ka mid ah shan carruur ah, waxaana dhaawacyada la geeyay isbitaallada Kenyatta, Aga Khan iyo Gurunanak Hospital.

Afar qof ayaa ku dhimatay qaraxyo kuwan lamid ah oo xalay ka dhacay magaalada xeebeedka Mombasa ee dalka Kenya, waxayna weeraradan imaanayaan bil kadib howlgalo ay dowladda sheegtay inay amniga ku xoojineyso.

Kenya ayaa horey ugu eedeysay weeraro kuwan lamid ah inay ka dambeeyeen kooxda Al-shabaab ee Al-qacidda xiriirka la leh ee ka dagaallanta Soomaaliya.

___
RBC Radio

Use Facebook to Comment on this Post

Sanca[RBC Radio]Madaxweynaha Dawladda Puntland Dr. Cabdi-weli Max’ed Cali Gaas ayaa maanta kulan rasmi ah kula qaatay Madaxweynaha Dawlada Yemen Mudane. Abd Rabbuh Mansur Hadi.

Kulanka labada madaxweyne oo ka dhacay qasriga madaxtooyada dawlada Yemen ee magaalada Sanca ayaa ahaa kulan ahmiyad gaar ah leh, kaas oo muujinayey saaxiibtinimada soo jireenka ah ee ay lee yihiin labada wadan.

Madaxweynaha dawlada Puntlkand ayaa kulankiisii maanta ee uu la yeeshay madaxweynahada dawlada Yemen waxaa ku weheliyey weftigii balaadhnaa ee uu hogaaminayey.

Dhinaca kale waxyaabihii looga wadahadlay kulankii maanta ay yeesheen madaxweynayaasha Puntland iyo Yemen ayaa waxaa looga wada hadlay xoojinta xidhiidhka labada wadan, adkaynta amniga iyo kor u qaadida xidhiidhka gannacsi ee qotada dheer ee ka dhaxeeya labada wadan.

Sidoo kale waxaa iyana waxyaabahii aadka looga wada xaajooday ka mid ah dhinaca xiriirka wada shaqayneed ee dhinaca siyaasada labada wadan iyo sidii la isu dhaafsan ama la isu waydaarsan lahaa laba Qunsiliyadood oo laga kala furo magaalooyinka Sanca Iyo Garoowe, amuurtaasi oo la isku afgartay.

____
RBC Radio

Use Facebook to Comment on this Post

Puntland president, Abdiweli Mohamed Ali Gaas, meets Yemen officials on a visit to discuss the bilateral relations between Puntland and Yemen.

A delegation led by the president with some of his cabinet including the education minister and internal security minister were invited to visit Yemen for the ongoing meeting on his second day that was meant to tighten the diplomatic relation between the two.

The delegation accompanied by a number of Puntland senior military officials held talks in Yemen in matters relating to fighting terrorism.
The two ministers that accompanied the president on this meeting were expected to hold talks with their counterparts as well. The first meeting is expected to host the Puntland president and the prime minister of Yemen.

A statement from Puntland state house confirmed that this meeting and those expected to follow are part of efforts the government is paying to secure diplomatic relations with its neighboring countries and the rest of the world.

Use Facebook to Comment on this Post

Muqdisho[RBC Radio]Ra’iisul Wasaaraha Xukuumadda Federaalka Soomaaliya Mudane Cabdiweli Sheekh Axmed Maxamed oo ay wehliyaan Wasiirka Amniga Cabdikarin Xusein Guuleed, Wasiiru dowlaha Amniga Da’ud Cabdikarin Sh. Cumar iyo Wasiiro ku xigeeno ayaacaawa booqday xarunta Taliska Ciidanka Booliska Soomaaliyeed si ay uga qayb galaan kulan lagu soo bandhigayey wax qabadka ciidanka oo ay soo qaban qaabiyeen hogaamada booliska iyo khabiiro diyaarinaya sidii dib u dhis balaaran loogu samayn lahaa ciidanka booliska.

Ra’iisul Wasaaraha ayaa salaan sharaf ka qaatay Cutubyo ka tirsan Ciidanka Booliska Soomaaliya, isagoo kormeer ku tagay qaybo kamid ah xarumaha ay Ciidamadda Boolisku hubka ku kaydsadaan oo dhawaan dib-u-habayn lagu sameeyay.

Taliyaha Ciidanka Booliska Soomaaliyeed General C/xakiin Daahir Siciid (Saacid) ayaa warbixin ka siiyay Ra’iisul Wasaaraha qaabka ay Ciidanka Booliska Soomaaliyeed u shaqeeyaan iyo hawlihii ay qabteen muddooyinkii laga soo gudbay.

“Ciidamadda Booliska Soomaaliyeed waxay qabteen hawlo badan oo ay kamid tahay dib u habayn lagu sameeyey xarumaha Ciidamadda Booliska , waxaana kor loo qaaday tayada iyo tirada Ciidanka si amniga dalka ay wax badan uga qabtaan” ayuu yiri Taliyaha Ciidanka Booliska oo ka hadlayay kulanka.

“Mudane Ra’iisul Wasaare waxaan diyaarinay Barnaamij aan isleenahay wax badan ayuu ka badalayaa amniga Caasimadda, Barnaamijkaan waa sidii laysugu xiri lahaa Booliska iyo Bulshada, ( Community Police) waxayna la shaqaynayaan Ciidamadda Booliska, waxaana lagu bilaabi shan kamid ah degmooyinka gobolka Banaadir, dhawaana waxaan rajaynaynaa inaa gaarsiino degmooyinka harsan iyo gobollada dalka, arintaana waxay qayb ka qaadanaysaa Amniga iyo isku xirka Booliska iyo Bulshada.”

Ugu danbayn waxaa kulanka ka hadlay Ra’iisul Wasaaraha Xukuumadda Federaalka Soomaaliya Mudane Cabdiweli Sheekh Axmed oo uga mahadceliyay Ciidanka Booliska Soomaaliyeed hawlaha badan ee ay qabteen muddooyinkii lasoo dhaafay, isagoo ku dhiiri galiyay in kor loo qaado hawlaha sugida Amniga iyo dib-u-habaynta Ciidamadda Booliska Soomaaliyeed.

“Aad ayaan ugu riyaaqay wax qabadka aad soo ban dhigteen iyo qorshiihiin aad dib dhis ugu habaynaysaan Ciidanka Booliska, waxaana Xukuumaddu dadaal u gali doontaa sidii baahida aad soo jeediseen wax looga qaban lahaa, waxaana kulamo joogta ah yeelan doona xubno ka tirsan golaha wasiirada iyo taliska ciidanka Booliska si waqti badan loo galiyo dib u dhiska ciidanka iyo tayeeyntooda, taas oo haddii aan wax laga qaban ay adag tahay in amaanka qaabkii loo baahnaa loo wajaho”.

____
RBC Radio

Use Facebook to Comment on this Post