Garoowe[RBC Radio]Wasaaradda deegaanka,dalxiiska iyo duurjoogta dowladda Puntland ayaa noqotay wasaaraddi ugu horreysay ee la guddoonsiyo dhismo cusub oo hab casri ah u dhisan iyo gaadiid,kaddib markii hay’adda Care international ay maanta ku wareejisay dhismaha iyo gaadiidka.

Dhismo ballaaran oo u badan xafiisyo ay wasaaraddu ku shaqeyn doonto ayey hay’addu ka dhistay duleedka magaalada caasumada ah ee Garoowe,waxaana la sheegay in xarunta cusub ee wasaaraddu ay ka dhigayso goobaha ugu casrisan ee ay wasaaraddaha dowladdu ku shaqeeyan.

Munaasabad kooban oo loo qabtay xarig-jarka xarunta wasaaradda deegaanka,waxaa ka qeyb-galay wasiirro ka tirsan xukuumadda iyo madax ka socotay hay’adda Care oo iyadu maanta dhismaha iyo gaadiidka wasaaradda ku wareejisay.

Madaxweyne ku-xigeenka dowladda Puntland ayaa soo wakiishay wasiirka haweenka iyo arrimaha qoyska inay ka guddoonto hay’adda furayaasha dhismaha wasaaradda iyo gaadidka loogu talagalay inay ku shaqeyso.

Wasiirka haweenka iyo arrimaha qoyska Puntland Anisa Cabdulqaadir oo metelaysay madaxweyne ku-xigeenka Puntland ayaa hay’adda Care ka guddoontay dhismaha cusub ee wasaaradda deegaanka loo sameeyey.

Wasiirka deegaanka Puntland Guuleed Saalax Bare iyo wasiirka haweenka Anisa Cabdulqaadir ayaa uga mahad-celiyey hay’adda Care howlaha shaqo ee dalka ka hayso, iyo dhismaha cusub ee ay maanta ku wareejisay deegaanka.

Abuukar Gacal, oo isna ah madaxa hay’adda Care international ee Soomaaliya ayaa dhankiisa sheegay qorshaha hay’adda ee dhismaha iyo gaadiidka uu yahay mid ay mudo dheer ku howlanayd.

Halkan hoose ka dhageyso hadallada wasiirrada iyo wakiilka hay’adda/RBC Radio

Wasaaradda deegaanka Puntland ayaa hadda ku shaqaysa dhismaha cusub, waxaana ay sidoo kale la wareegeen gaadiidka loo qorsheeyey ee ay ku howl geli doonaan mas’uuliyiintu.

____
RBC Radio

Use Facebook to Comment on this Post

Garoowe[RBC Radio]Hay’adda waddooyinka dowladda Puntland u qaabilsan ee PHA ayaa maanta shaaca ka qaaday in dib loo dhisayo jidka dheer ee isku xira gudaha magaalada Garoowe iyo garoonka diyaaradaha.

Dowladda Japan ayaa la sheegay inay mashruucan ugu tala-gashay in lugu hormariyo magaalada caasumada ah ee Garoowe,waxaana hay’adda waddooyinka u qaabilsan Puntland ay sheegtay inay xilligaan ku howlanyihiin hormarinta jidadka Garoowe.

Agaasimaha guud ee hay’adda PHA,Maxamuud Cabdinuur ayaa maanta saxaafadda u sheegay inay heleen mashruuc dhisme oo ay uga faa’iidaysanayso dayactirka jidka isku xira garoonka diyaaradaha iyo Garoowe, waxaana maal-gelinaysa dowladda Japan.

Waxaa uu sheegay agaasimu inay maanta la shireen 16 shirkadood oo kuwa dhismaha ah, kuwaas oo loo sheegay dhismaha xiliga uu bilaabmayo iyo shuruucda dhismaha.

Shirka waxaa ka soo qayb-galay mas’uuliyiinta shirkadaha dhismaha ee waddooyinka Puntland, kuwaas oo loo sharaxayey shuruudaha dhismaha, habka dhismaha iyo xiliga la qabanayo dhismaha jidkaas.

Shirkadahaas ayaana ku tartamaya dhismaha iyo dayactirka waddada isku xirta magaalada iyo garoonka, Agaasime Maxamuud Cabdinuur ayaa sheegay in buundooyinka jidkaas la gelin doono shub.

…””‘Waxaan uu noqon doonna mashruucu mid buundooyinka ku yaalla laamiga inta u dhexaysa garoonka diyaaradaha iyo magaalada Garoowe la gelin doono shub halka ay horay uga ahaayeen birro,waxaana dhismaha laamigaas lacagta ku baxayso ku deeqday dowladda Japan,…””ayuu yiri Agaasimaha guud ee hay’adda PHA,Maxamuud Cabdinuur.

Halkan hoose ka dhageyso hadalka agaasimaha/RBC Radio

Arrintan waxaa ay qeyb ka tahay dadaal ay hay’adda waddooyinka Puntland ugu jirto sidii dayactir wanaagsan lagu sameeyo jidadka Puntland sanadaha soo socda.

______
RBC Radio

Use Facebook to Comment on this Post

Khartoum[RBC Radio]Wasiirka gaashaandhigga dowladda faderaalka Soomaaliya,Jeneraal Maxamed Sheekh Xasan Xaamud ayaa ku sugan dalka Sudan,waxuuna booqdey xarunta warshad lagu sameeyo diyaaradaha dagaalka Sudan,halkaaso siweyn loogu soo dhaweeyey.

Jenaraal Xaamud ayaa maalmahan booqasho rasmi ah ku joogay dalka Sudan,waxuuna shirar iyo kulamo uu la qaatay madaxda dalkaaso oo u arrimo badan kala hadlay.

Xubnaha uu wasiirku la kulmay waxaa ka mid ah mas’uuliyinta wasaaradda Difaaca ee dowladda Sudan,waxaana la sheegay inuu kala hadlay arrimaha xoojinta iyo iskaashiga xagga amniga ee labada dal.

Wuxuu booqasho sidoo kale,uu maanta ku tagay wasiir Xaamud kuliyadda dagaalka ciidamada, halkaa oo Wasiirku lagu soo siiyey warbixino ku saabsan qaabka loo tababarro saraakiisha iyo guud ahaan ciidamada Sudan.

Wasiirka ayaa markii uu goobta gaaray waxa uu salaan sharaf ka qaatay cutubyo ka tirsan ciidamada ammaanka ee dalka Sudan.

Sidoo kale isla-maanta waxa uu Wasiirka booqasho labaad ku tegay Warshadda SAAFAAT oo lagu sameeyo diyaaradaha dagaalka, isagona la kulmay dhigiisa Sudan Jeneraal Cabdirixiin, Saraakiisha iyo Taliyayaasha Wasaarada gaashaandhigga Sudan, kuwaasi oo usoo bandhigay qaar ka mid ah diyaaradaha yaalay Warshadda iyo horumarka ay ka gaarsiisan yihiin dhanka diyaaradaha dagaalka.

Booqashada wasiirka dibaafaca dalka uu ku joogo Sudan,waxaa lugu sheegay inay qeyb ka tahay dadaallo ay xukuumaddu ku doonayso xoojinta iskaashiga wasaaradda gaashaandhigga ee caalamka.

____
RBC Radio

Use Facebook to Comment on this Post

Muqdisho[RBC Radio]Madaxweynaha dowladda faderaalka Soomaaliya,Xassan Sheekh Maxamuud ayaa maanta booqasho an horay loo shaacin ku tagay dalka Jabuuti,halkaaso oo u kula soo shiray madaxweynaha dalka Jabuuti.

Socdalka madaxweynaha waxaa ku waheliyey wasiir dowlaha wasaaradda arrimaha dibedda Soomaaliya Burci Maxamed Xamsa,waxaana garoonka diyaaraddaha ee magaalada Jabuuti ku soo dhaweeyey waftiga madaxweynaha,dhiggiisa wadankaasi Ismaaciil Cumar Geelle.

Madaxweynaha ayaa loo galbiyay aqalka madaxtooyada Jabuuti isagoo kulan saacado dheer qaatay islamarkaana lagu falanqeeyay xiriirka ka dhaxeeya labada dowladood ee walaalaha ah iyo arimaha kajira gobolka la qaatay madaxweynaha dowlada aan walaalaha nahay ee Jabuuti.

Labada Madaxweyne ayaa ka wada hadlay xoojinta xiriirka labada dal, arrimaha ammaanka, siyaasada iyo la dagaalanka Al-Shabaab, iyadoo Ciidamo ka socda Jabuuti ay qeyb ka yihiin howl galka AMISOM.

Markuu kulanku soo idlaaday ayaa madaxweyne Xassan Sheekh Maxamuud waxa uu warbaahinta afka dowladda ku hadasha uu u sheegay in kulankan uu ahaa la tashi laga sameynayay wada shaqeynta dowladaha Soomaaliya iyo Jabuuti iyo guud ahaan gobolka.

…”‘”Maanta ayaan si kooban ku tagnay dalka Jabuuti, oo aan wada tashi aan arrimo badan uga hadalnay la yeelanay madaxweynaha Jabuuti Ismaaciil Cumar Geelle oo ka mid ah odayaasha gobolka, runtii wax badana ka wada hadalnay,..””ayuu yiri Madaxweyne Xasan Sheekh.

Sidoo kale madaxweynaha jamhuuriyadda Soomaaliya ayaa kahadlay arimaha ka taagan dalka Kenya gaar ahaan raafka ay dowlada Kenya kuheyso dadka Soomaaliyeed ee kunool magaalada Nairobi iyo xarigii dhawaan loo geystay qunsulka guud ee Soomaaliya u jooga dalka Kenya Siyaad Maxamuud Shire,

…””Waxaan idin cadeynaya inan aad uga xunahay waxa dhacay laakin waxaan u yeernay safiirkeenii fadhiyay Kenya iyo qunsulkaba marka weli warbixin uruurin ayaan kujirnaa wixii nooga soo baxo ayaan arkeynaa waana la hadli doonaa dowladda Kenya,..””‘ayuu ku soo qaaday hadalkiisa madaxweyne Xassan Sheekh.

Madaxweynaha ayaa isla galabta dib ugu soo laabtay dalka iyadoo uu garoonka diyaaradaha magaalada Muqdisho kusoo dhaweeyay gudoomiyaha barlamaanka Soomaaliya Maxamed Sheekh Cusmaan Jawaari.

Dalka Jabuuti ayaa qeyb ka ah howl-galka AMISOM, iyadoo ciidamo fara badan ka joogaan Gobolka Hiiraan.

____
RBC Radio

Use Facebook to Comment on this Post

Hargeysa[RBC Radio]Maamulka Soomaaliland ayaa markii ugu horreeysay sheegay inay la shireen madaxweynaha dowladda Puntland,Cabdiweli Maxamed Cali Gaas shirkaaso ka dhacay dalka Itoobiya.

Hadalkan waxaa maanta saxaafadda u sheegay wasiirka arrimaha dibadda ee Somaliland,Maxamed Biixi Yoonis waxuuna sheegay inay is horfadhisteen madaxweyne Gaas oo ay arrimo badan kawada-hadleen.

…”””Waxaan la kulanay madaxweynaha Puntland,waxaana la qaadanay shir fiican oo an arrimo badan ka wada-hadalney,Soomaaliland waa wadan xor ah inkasto an wali la ictiraafin,balse madaxweynaha Puntland waan u sheegnay xaduudka Soomaaliland,waxaana anaga iyo Puntland naga dhexeeya wax badan sida in aan iska kaashano nabad-gelyada,..”””ayuu yiri Maxamed Biixi Yoonis wasiirka arrimaha dibadda Soomaaliland.

Waxuu sheegay inay Puntland xadduud la’leeyihiin oo ay muhiim tahay inay nabadda ka shaqeeyan,waxuuna carabka ku dhuftay inaysan jirin wax cadaawad ah oo ay u qaban shacabka iyo dowladda Puntland.

Dowladda Puntland wali kama aysan hadlin hadalka Soomaaliland ka soo baxay ee ay ku sheegayan inay la shireen madaxweyne Gaas,balse horay waxaa ay dowladdu been abuur ku tilmaamtay inay wax wada-hadal ah Itoobiya ku qaadan doonan madaxweynaha iyo mas’uuliyin ka tirsan Soomaaliland.

Puntland iyo Soomaaliland ayaa ku muransan xadduudka ay wadaagan,waxaana dhawaanahan soo badaneysay in mas’uuliyinta Soomaaliland ay yimaadan deegaannada ku dhow xadduudka arrintaaso dowladda Puntland ay uga digtay.

_____
RBC Radio

Use Facebook to Comment on this Post

Muqdisho[RBC Radio]Madaxweynaha dowladda faderaalka Soomaaliya,Xassan Sheekh Maxamuud ayaa maanta kormeeray dhismihii hore ee Xarunta Agoonta Ciidanka Xoogga Dalka, halkaas oo uu ka socdo dhisme.

Kormeerka madaxweynaha ayaa waxaa ku wehelinayay danjiraha dowladda Imaaraadka Carabta u fadhiya Muqdisho, taliyaha ciidanka xoogga dalka, taliyaha ciidanka nabad-sugidda qaranka iyo saraakiil ka tirsan ciidanka xoogga dalka.

Madaxweyne Xasan ayaa markii uu xerada tegay waxa uu kormeer ku sameeyay qeybaha ay ka koobantahay xerada dhismaha uu ka socda oo xilligaasi ay ka soconayeen howlo lagu dhisayo xerada qeybaheeda kala duwan.

Taliyaha Ciidanka xoogga dalka Soomaaliya Sareeyo Guuto Daahir Aadan Cilmi ayaa Warbaahinta ugu warbixiyay xerada Agoonta dhismaha ay dowladda Isutagga Imaaraadka Carabta ka waddo oo uu ku sheegay in ay tahay xero loogu talagalay in lagu tababaro ciidanka qalabka sida, waxaana uu intaa ku daray in la diyaariyay macalimiintii tababarka bixin lahayd.

Taliyaha ayaa xusay in tababarada ciidamada la siinayo ay noqon doonaan kuwa joogta ah, maadaama dowladdu ay go’aan ku gaartay in ciidamada lagu tababaro gudaha dalka xaruntana ay qeyb ka noqon doonto xarumaha lagu tababarayo ciidamada qalabka sida.

Halkan ka dhageyso hadalka taliyaha/RBC Radio

Madaxweynaha Jamhuuriyadda Fedeeraalka ah ee Soomaaliya Mudane Xasan Sheekh Maxamuud oo la hadlayay boqolaal shaqaale ah oo xarunta dhismo ka waday ayaa ku dhiiri geliyay inay si hagaagsan u gutaan shaqada dhismaha ay hayaan, maadaama goobta la dhisayo ay tahay xarun shacabka loogu adeegayo, waxaana uu muruq maalkii dhismaha ku guda jiray ku booriyay in ka faa;iideystaan mashaariicda kala duwan ee dalka dib u dhis loogu sameynayo.

…””Waxaan idin leeyahay dhalinyarada ha lagu baraarujiyo inay ka qeyb qaataan dib u dhiska dalka, waayo sharafta dadka waxa ay ku jirtaa in qofka uu shaqeysto, idinkana arrintan waan idinku dhiirigelinayaa…””‘ ayuu yiri Madaxweynaha.

Halkan hoose ka dhageyso hadalka madaxweynaha/RBC Radio

Dhanka kale Madaxweynaha ayaa socdaal ku tegay isbitaal ay dowladda Isutagga Imaaraadka Carabta ka hirgelineyso magaalada Muqdisho, waxaana uu Madaxweynuhu Imaaraadka uga mahadceliyay mashaariicda kala duwan ee ay ka wadaan dalka.

Dowladda Imaaraadka Carabta ayaa xilli ku howlan dibu dhiska iyo hirgalinta xarumo u adeegaya dowladda iyo shacabka,waxaana arrinta ugu mahad-celiyey madaxweynaha Soomaaliya Xassan Sheekh Maxamuud.

____
RBC Radio

Use Facebook to Comment on this Post

Kismaayo[RBC Radio]Magaalada Kismaayo ee xarunta gobolka Jubbada hoose,waxaa maanta gaaray wafti uu hoggaaminayey safiirka dowladda Britain u qaabilsan Soomaaliya Neil Wigan,halkaaso si ballaaran loogu soo dhaweeyey.

Madaxda sare ee dowlad-gobolleedka Jubba ayaa waftigaan ku soo dhaweysay garoonka diyaaraddaha ee magaalada Kismaayo.

Mas’uuliyinta ka socotay dowladda Britain,waxaa ay markiiba shirar la qaaten madaxda maamulka Jubba iyo qaar ka tirsan odyaasha dhaqanka ee magaalada Kismaayo, waxayna kala hadleen dardargelinta mashaariic horumarineed oo ay dowladda Britain ka waddo Kismaayo.

Madaxweynaha maamulka KMG ah ee Jubba Axmed Maxamed Islaam (Axmed Madoobe) ayaa dowladda Ingiriiska uga mahadceliyay taageerada ay siiso maamulkiisa sida; dayactirka garoonka kubbadda cagta Kismaayo.

Sidoo kale,madaxweyne Axmed Madoobe waxaa uu ka codsaday dowladda Britain in ay gacan ka siiso maamulkiisa tayaynta iyo tababarka ciidanka iyo dib-u-dhiska waddooyinka iyo xarumaha dowladda ee magaalada Kismaayo.

Ugu danbeyntiina waxaa si faah-faahsan warbaahinta ula hadlay Simon Fraser oo ah ma’suul ka tirsan wasaaradda arrimaha dibadda Britai,waxuuna sheegay inay dowladdiisa sii wadayso taageerada ay siiso maamulka KMG ah ee Jubba, isagoo xusay in maamulka ay kala shaqeyn doonaan horumarinta adeegyada bulshada.

Maamulka Jubba ayaa dhowr mar dalalka caalamka ugu baaqay inay gacan ka siiyan adeegyada hormarinta,waxaana maamulka xilligaan uu dadaal ugu jira hirgalinta adegyada dowliga ah iyo kuwa shacabka.

_____
RBC Radio

Use Facebook to Comment on this Post

Nicholas Kay

Muqdisho[RBC Radio]Sida uu sheegay Ergayga Qaramada Midoobay u qaabilsan arrimaha Soomaaliya danjire Nicholas Kay waxaa ay xilligaan QM rajo ka qabta in Soomaaliya ay ka dhacdo doorasho shacabku codkoodu wax ku doortan marka lagaaro 2016.

Waxuu sheegay u qaabilsanaha Qaramada Midoobay Soomaaliya inay dadaal ku bixinayan sidii doorashada ay u dhici lahayd,walow dalku usan wali cagahiisa ku istaagin oo gobollada koonfurta iyo bartamaha ay ka jiraan qalalaase dhinaca ammaanka ah.

Al-shabaab ayaan wali dalka laga saarin oo qeybo ka mid ah gobollada koonfurta iyo bartamaha ayey wali ku suganyihiin,taaso ka dhigaysa caqabadaha ugu weyn ee doorashada hor is taagi karta.

Wali Soomaaliya kama aysan dhicin doorasho ay shacabku codkooda ku doortan madaxweynaha dalka,balse marka lagaaro 2016 Qaramada Midoobay ayaa qorsheynayasa inay dhacdo doorasho qof iyo cod ah.

Nicholas Kay,ayaa dhinaciisa sheegay in dowladda Soomaaliya iyo bulshada caalamka ay hor taallo howl muhiim ah si loogu diyaar-garoobo doorashada.

Wuxuu xaqiijiyay in xafiiska siyaasadda Soomaaliya ee Qaramada Midoobay uu dowladda ka caawinayo howlo badan sida,dhismaha maamul-goboleedyada, dhameystirka dastuurka iyo afti u qaadistiisa iyo inay doorashooyinku qabsoomaan xilliga loo qorsheeyay.

Dhinaca kale, wuxuu danjiraha aad u amaanay guulaha la taaban karo ee toddobaadyadii la soo dhaafay ay ciidamada qalabka-sida ee Soomaaliya iyo kuwa AMISOM ka gaareen howlgallada ka dhanka ah Al-Shabaab.

Wuxuu xusay in lixdii toddobaad ee la soo dhaafay Al-Shabaab lagala wareegay ilaa 11 degmooyin iyo deegaanno ah oo hadda gacanta ugu jira dowladda Soomaaliya, isagoo rajo ka muujiyay inay howlgalladaas sii socon doonaan.

Siyaasiyinta Soomaalida iyo dadka wax ka og xaaladda Soomaaliya,waxaa ay sheegan inaysan suragal ahayn dalka inay 2016 ka dhacdo doorasho ay shacabku wax doortan,iyagoona sheegaya inuusan dalku u diyarsaneen doorashadaas.

_____
RBC Radio

Use Facebook to Comment on this Post

Garbahaareey [RBC Radio]Ciidamada dowladda oo kaashanaya kuwa AMISOM gaar ahaana ciidamada ka socda dowladda Kenya ee howlgalka qeybta ka ah ayaa maanta la-dagaallamay ciidamo ka tirsan kooxda Al-shabaab,waxaana la sheegay dagaalka inuu khasaare dhaliyey.

Dagaalka labada dhinac dhex maray,waxaa uu ka dhacay degaanka Ceel-cadde oo 90-km u jirta magaalada Garbahaareey ee gobolka Gedo,dadka deegaanka ayaana sheegay inay maqlayeen diryanka hubka ay adegsanayan.

Wariyaha Raxanreeb ee gobolka oo soo xiganaya sargaal ciidanka ka tirsan waxaa uu sheegay in dagaalka uu ka bilowdey kaddib markii dagaal-yahanno ka tirsan Al-shabaabku soo weerarren saldhig ay ciidamada dowladda iyo kuwa Kenya ee AMISOM ku lahaayeen deegaanka Ceel-cadde ee gobolka Gedo.

Wararka sidoo kale dagaalka laga helayo ayaa sheegay inay ku dhinteen saraakil iyo askar ka kala tirsan labada dhinac,waxaana la sheegay dadka dhintay inuu ku jiray taliyihii ciidamada dowladda ee deegaanka Ceel-cadde oo lagu magacaabi jiray Mahad Qojof.

Dagaalka oo socday muddo saacado ah,waxaa la sheegay xubno ka mid ah Al-shabaabku inay ku dhintan balse lama carababin inta uu la egyahay khasaaraha soo gaaray.

Ilaa hadda ma jirto cid si madax-banaan dagaalka uga hadashay balse xaaladda deegaanka lugu dagaallay ayaa la sheegay inay dagan-tahay.

Ciidanka AMISOM ee dagaalka ka qeyb-galay iyo saraakisha ciidanka dowladda wali si faah-faahsan ugama aysan hadlin dagaalkan maanta oo Talaado ah ka dhacay gobolka Gedo.

____
RBC Radio

Use Facebook to Comment on this Post

Boocame[RBC Radio]Isimadda gobolka Sool ayaa xilligaan dadaal ugu jira qorshayaal lugu doonayo in magaalada xarunta u ah gobolkaas ee Laascaanood looga saaro Soomaaliland oo siyaasad ahaan u haysata,waxaana sida xaqiijiyey Ugaas Cabdullaahi Ciise oo ka mid ah Isimada gobolka Sool .

Ugaaska oo hadal siinayey warbaahinta gudaha ayaa si cad u sheegay inay dhinacyo badan iskaashi la sameyn doonan si ay Soomaaliland uga saaran magaalada Laascaanood oo ay muddo dheer ka talinayeen.

Waxuu sheegay Ugaas Cabdullaahi Ciise in beelaha gobollada Sool, sanaag iyo Cayn ay haatan qorshaynayaan in ay dib u qabsadaan magaalada Laascaanood oo siyaasad ahaan ay haysato Soomaaliland.

…””Waxaan idin sheegaya qabashada laascaanood waa muqadas haddii aan shir la qaban iyo haddii kaleba,waxaan ugu baaqa dadka Sool inay u midooban sidii ay n cadowga ugasaari lahaayeen Laascaanood,…””ayu yiri Ugaas Cabdullaahi Ciise oo ka mid ah Ismimadda gobollada.

Docda kale,waxaa uu hadalkiisa ku soo qaaday ugaaska inuu jiro khilaaf aan badnayn oo u dhexeeya Puntland iyo dadka Sool kaasna uu yahay mid la xalin karo,waxuuna inta ku daray inay muhiim tahay Puntland inay ka qeyb-qaadato sidii Laascaanood looga saari laha Soomaaliland.

Dadka gobolka Sool ayuu ku sheegay Ugaasku inay wax ka dhisteen Puntland,taasina ay keenaysa haddii aysan Puntland ka qeyb-galin qorshaha socda in sharciga ay ku dhisantahay usan saxmeyn.

Halkan hoose ka dhageyso Ugaaska oo Radio Daljir u warramaya

Hadalka Ugaaska,waxaa uu ku soo aadaya xilli maamulka Soomaaliland uu dhaqdhaaq ka bilowday deegaanada gobolka Sool.

Madaxweynaha dowladda Puntland ayaa isagu horay usheegay in laqaban doonnno shir looga tashanayo ayaaha gobollada oo qeybo ka mid ah ay Soomaaliland ka taliso,waxaana arrinta soo dhaweeyey salaadinta gobollada.

Dhinaca kale,waxaa dhawaan jirtay in in madaxweynaha Khaatumo Maxamed Yuusuf Indha-sheel uu ku dhawaaqo dagaal ka dhan ah ciidamada Soomaaliland ee laascaanood haysta.

____
RBC Radio

Use Facebook to Comment on this Post

Garoowe (RBC RADIO) Kulankan oo ay ka soo qayb galeen wasiirka wasaaradda haweenka,Agaasimaha guud ee wasaaradda amniga,saaraakiil ka socdey hay’dda Garsoorka dalka,warfaafinta iyo saraakiil ka socdey hay’adda IOM ayaa ahaa mid lagu wacyi galinayey bulshadda xaafadda Jilab in ay ka fogaadaan khatarta ay leedahay daabulka iyo ka ganacsiga dadka.

Cawad xuseen cali agaasimaha guud ee Wasaarda Amniga kana tirsan gudiga heerka qaran ah ee loo asteeyey in ay la dagaalamaan Daabulka iyo ka ganacsiga dadka ee Puntland ayaa barakacayaasha la wadaagay dhibaatada ay leedahay tahriibta iyo ka Ganacsiga Dadka.

cumar maxamed oo ah sargaal ka socdey hay’adda IOM barnaamijkanna kala shaqaysa Wasaarada qaar ee Puntland ayaa ka faaloodey noocyadda aalaaba dadka lagu daabulo wuxuuna tilmaamay in dadka loo sheego hanti iyo guryo kadibna jirkooda cad cad loo iibsado.

Wasiirka Haweenka iyo Arimaha Qoyska Dowladda Puntland Anisa C/qaadir Xaaji Muumin oo shirka soo xirtay waxay Dadka kaamka Jilab ee Garoowe ku nool ku boorisay in wixii baahi ah oo ay qabaan usoo gudbiyaan Dowladda si deg deg ahna looga jawaabi doono codsigooda iyadoo taa bedelkeed uga digtay in naftooda ay ku biimeeyaan Dalal Shisheeye.

Ugu danbayntii kulankan ayaa waxa goob joog ka ahaa inta baddan hooyooyinka xaafadda Jilab ee magaaladda Garowe oo iyagu ah dadka ku awlaad beelay arimaha Tahriibta,waxaana bulshadda xaafaadaas oo u badan dad danyar ah ay la qaateen masuuliyiinta kulanka ka soo qayb galey in ay la shaqayn doonaan cid kasta oo ka hortagaysa Tahriibta.

waxaana wasiiradda Haweenka Puntland oo kulankaas ka qayb gashey ugu danbayntii ay mid mid ugu gacan qaadey caruurta xaafadda Jilib oo wasiiradda si aad ah u soo dhaweeyey.

                                 RBC RADIO

Xafiiska Garoowe.

Use Facebook to Comment on this Post

Use Facebook to Comment on this Post

Mogadishu (RBC) President Hassan Sheikh Mohamud today visited the sites of two development projects in Mogadishu, funded by the United Arab Emirates for the training of Somalia Army.

President Mohamud visited the sites with the UAE’s Ambassador to Somalia, Mohamed Al Osmani along with senior members of the Somali National Army (SNA) and the construction project management.

The Project Manager for both builds, Emirati Abdul Hamid Suleiman, explained to the President that the sites, an SNA training facility in Hodan district and a hospital in Cabdulcasis district, have been built at a cost of $9 million and will both be completely operational within 4 months.

The military training facility is capable of training up to 1200 troops at a time and has accommodation, classrooms, a canteen, a medical facility and a mosque as well as a sports field and a shooting range. The Head of the SNA, General Dahir Adan Ilmi, expressed his pleasure at the design of the centre, particularly the dedicated facilities for the training of female soldiers. He commented, “I look forward to the day when all Somali security personnel are trained in Somalia.”

The hospital is located by the Old Sea Port and is a state of the art general hospital that will be capable of treating up to 500 citizens per day.

The President paused on his tour of the sites to speak to the projects’ workforce, all of whom were recruited from the local community. “I thank our Emirati brothers for their generous donation to the people of Somalia, one that will help us to deliver both security and medical treatment”

“I commend the United Arab Emirates for the approach they have taken in employing the Somali people as the workforce for these projects, bringing much needed jobs to the local people. We need many more projects like this to offer the young men of Somalia a way to earn an honest living instead of working for the enemies of security and stability such as al-Shabaab.” President concluded.

RBC Radio

Use Facebook to Comment on this Post

Bosasso (RBC) Puntland police in Bosasso town have detained 12 suspects of Al Shabab members and sympathizers during a tough security operation on Monday night, RBC Radio reports.

According to the regional police commissioner Abdirahman Ali Hussein, the police launched search operation following a bomb blast in the town on Monday evening.  The operation which lasted until Tuesday morning led to the arrest of 12 people- three women and nine young men caught from one place.

The police officers described that the bomb blast heard on Monday evening was a foiled attempt to carry on terrorist attack against the security forces.

Among the 12 suspects is a young man who was arrested with minor wounds on his hand which the police identified as the bomb-maker and a member of Al Shabab militant group.

“We have arrested 12 suspects, nine men and three women. We are going to identify the role of each person as we believe that they are all members of Al Shabab.” Abdirahman Ali Hussein said.

He said the police continued investigations to scan the 12 suspects under the police custody.

Regional Police Commissioner Abdirahman Ali Hussein briefs the reporters in Bosasso.

RBC Radio

Use Facebook to Comment on this Post

Kismaayo[RBC Radio]Magaalada Kismaayo oo saldhig u ah maamulka KMG ah ee Jubba,waxaa maantay gaaray qunsulka dowladda Kenya ay u magacaabatay inuu u fadhiyo deegaannada maamulka Jubba.

Madaxda sare ee maamulka Jubba ayaa qunsulka ku soo dhaweysay garoonka diyaaraddaha ee Kismaayo,waxaana mas’uuliyintii soo dhaweynta ka qeyb-galay ka mid ahaa madaxweyne Axmed Madoobe.

Waxaa la rumaysanyahay in dowladda Kenta ay taageerto maamulka KMG ah ee Jubba,waxaana xilligaan ay ka dhigaysa inay markii ugu horreeysay qusul usoo magacaabato deegaannada maamulka Jubba iyo maamul-gobolledyada kale.

Qorsha dowladda Kenya ayaa lugu sheegay inuu yahay mid ay ku doonayso inay ku xoojiso xiriirka ay la leedahay maamulka KMG ah ee Jubba.

Hillary kyengo, ayaa noqonaaya Qunsulka Kenya ee deegaannada maamulka Jubba, waxaana uu maanta booqasho ku tagey Magaalada Kismaayo ee Xarunta Gobolka Jubbada Hoose.

Qunsulka oo Saxaafada kula hadlay garoonka, ayaa waxaa uu sheegay in uu si diiran u soo dhoweynaayo tallaabada ay Dowladiisa, ugu soo magacawday in uu kaga hawlgalo Jubbooyinka.

…”””Waxaan u nimid Kismaayo inaan la kulanno hoggaanka Kismaayo iyo hoggaanka maamulka KMG ah ee Jubba. Waxaan ku guuleysannay inaan la kulanno madaxweynaha iyo xubno ka tirsan wasiirradiisa. Waxaan halkan u nimid annagoo ah wafdi Kiinyaan ah si aan xiriir dhow ula yeelanno maamulka KMG ah ee Jubba. Waxaan rabnaa inaan dhowaan xafiis ka furanno Kismaayo, si aan u horumarinno arrimaha la xiriira horumarka, ammaanka iyo xataa wanaajinta ganacsiga u dhaxeeya Kenya iyo Kismaayo…”‘ayuu yiri qunsulka cusub.

Madaxweynaha maamulka Jubba,Axmed Madoobe ayaa isna dhakiisa soo dhoweeyay magacaabista qunsulka cusub ee Kenya u qaabilsan Kismaayo, wuxuuna ku ammaanay dowladda Kenya kaalinta ay ciidankeeda ka qaateen la dagaallanka Xarakada Al-Shabaab iyo soo celinta nabadda iyo kala dambeynta qeybo ka tirsan gobollada Jubbooyinka.

Halkan hoose ka dhageyso hadal qunsulka cusub/RBC Radio

Magacaabista qunsulka ee Kenya u fadhiisanaya kIsmaayo,waxaa ay ku soo aadeysa xilli uu mad madow soo kala dhex galay Madaxda Dowladda Federalka ee Soomaaliya iyo Madaxweynaha Kenya Uhuru Kenyatta.

____
RBC Radio

Use Facebook to Comment on this Post

Interior and Federal Affairs Minister, Abdullahi Godah Barre briefed the parliament on Tuesday.

Mogadishu (RBC) Aid food directed to most needy people in Baay and Bakool regions of Southern Somalia was diverted by government officials, according to the Interior and Federal Affairs Minister Abdullahi Godah Barre.

Mr Barre who was briefing parliamentarians on Tuesday admitted that the food aid donated by a foreign country was intended to be distributed to the people in the newly liberated districts of Baay and Bakool regions but unfortunately was diverted by government officials responsible for its distribution.

“It is true and as some of your distinguished parliamentarians aware, the food aid was allocated to the people in Baay and Bakool regions, especially the newly captured areas, but it was stolen by irresponsible people.” the minister said.

“But fortunately we have retaken the food and caught those responsible stealing.” he added.

There are no any of those claimed to be responsible of stealing food aid appeared before a court yet, despite the minister confirmed for their arrest.

According to the minister’s comments, the food aid was redistributed to the most needy citizens in the Lower Shabelle region, where hundreds of civilians displaced from their homes following massive military assault on Al Shabab controlled districts of the region by the National Army and the African Union Forces.

The statement of the aid food diversion comes as a dozen of people reportedly died for hunger and thirsty in the south and central regions of this country.

RBC Radio

Use Facebook to Comment on this Post

Xarfo[RBC Radio]Waxaa maalmihii ugu danbeeyey uu muran ka tagna habka loo dhisayo golaha deegaanka degmada Xarfo ,waxaana xilligaan xal laga gaaray in la dhammeeyo khilafka ka jiray dhismaha golaha deegaanka ee degmada Xarfo.

Muran ka dhex-tagna beela degga degmada ayaa la dhammeeyey,waxaana laga dhur-sugaya beelaha inay soo gudbiyaan xildhibaannada uga mid noqonaya golaha deegaanka Xarfo.

Xalka muranka dhismaha golaha deegaanka Xarfo ee muddooyinkan soo tagna,waxaa la xaliyey kaddib dadaal dheer oo la sheegay dowladdu inay u gashay degmada Xarfo inay gole deegaan yeelato.

Waxaa Xarfo ku sugan wafti ballaaran oo u hoggaaminayo wasiirka arrimaha gudaha iyo dowladdaha hoose Axmed Cilmi Ismaan Axmed (Karaash) waxaana muddooyinkanba uu ku mashqulsana xalita khilafka ka dhex jiray beelaha wada degga degmada Xarfo.

C/llaahi Cabdinuur Maxamuud oo ah Iskuduwaha wasaaradda arrimaha gudaha iyo dowladaha hoose ayaa warbaahinta gudaha xilli uu la hadlayey waxaa uu xaqiijiyey in la soo afmeeray khilafkii ka tagna dhismaha golaha deegaanka Xarfo.

Halkan hoose ka dhageyso hadalka isuduwaha oo u warramaya Radio Daljir

Dhinaca kale,waxaana wali la dhisin golaha deegaanka ee degmada Galdogob kaddib markii uu madaxweynaha Puntland uu kala diray golahii hore ee deegaanka degmadaasi.

Dhawaan ayaa la sheegay inay tagi doonan Galdogob wafti ka socda dowladda Puntland kuwaaso isku howli doonna dhismaha gole deegaan oo ay yeelato degmada Galdogob oo gobolka Mudug ka tirsan.

Xukuumadda madaxweyne Gaas ayaa isku howshay sidii guud ahaanba deegaannada Puntland looga hirgalin laha gole deegaan,waxaana inta badan gobolka Mudug degmooyinka ku yaalla loo dhisay gole deegaan.

_____
RBC Radio

Use Facebook to Comment on this Post

Garoowe (RBC RADIO) Madaxweyne Ku Xigeenka Dawladda Puntland ahna sii hayaha xilka Madaxweynaha Dawladda Puntland Ing. Cabdi-xakiin Xaaji Cabdillaahi Cumar Camey ayaa xafiiskiisa saaka ku qaabilay madaxa hay’adda ILO ee Somalia PAUL CROOK.

Madaxweyne Camey iyo Mr PAUL ayaa ka wada hadlay mashaariicda kala duwan ee ay hay’adda ILO ka fuliso Puntland , kuwaasi oo ay ka mid yihiin dhisida jidadka, taba barka shaqaalaha, dhisida kawaanada xoolaha lagu qalo, xirfad u samaynta dhalinyarada iyo mashaariic kale.

Madaxweyne Ku Xigeenka Dawladda Puntland Puntland Cabdi-xakiin Xaaji Cabdillaahi Cumar Camey ayaa hay’adda ILO ku amaanay mashaariicda ay Puntland ka fuliso, wuxuuna sidoo kale ku adkeeyey in kor loo qaado mashaariicda kala duwan ee ILO ay gacanta ku hayso.

Madaxa Hay’adda ILO ee Somalia Mr PAUL ayaa Madaxweyne ku xigeenka uga mahad celiyay sida wanaagsan ee uu xafiiskiisa ugu qaabilay, wuxuuna sheegay in hay’adda ILO ay sii wadi doonto mashaariicda ay ka fuliso Puntland.

Use Facebook to Comment on this Post

Socdaalkii Gaas nimba si u arag.
Mataan Cali (Mataan Ciideed)
goobjoog@journalist.com
Abriil 30 2014

Waxaa uu ahaa socdaal siyaasadeed inta badan aadanaha ku dhaqan deegaanada Puntland ay soo dhaweeyeen, hase ahaatee laga qabi karo fikrado kala gedisan, dadka intooda badani waxaa ay usoo dhaweeyeen si isku dhow inta badan deegaanada uu mudane gaas socdaalka ku maray waxaa ay ahaayeen qaar guulo laga muujiyey, hase ahaatee deeganada qaar ayaa wax xoogaa mugdiya laga muujiyey mugdigaas qaar dib ayay u xaliyeen mudane gaas iyo masuuliyiintii ku wehlisey safarkaasi shaqo siyaasadeed.

socdaalku waxaa uu ahaa bar-bilowgiisa nugaal ilaa bari, kaasi oo xooga hadal ahi kasoo yeeray deegaanka carmo ee gobolka bari ka tirsan inkastoo gaas iyo masuuliyiintii wehlisey ay xaalkaasi dib u qaboojiyeen inta kale waxaa uu ahaa safar laga amaan sheegtay.

socdaalka wejigiisa labaad waxaa uu ahaa mid kabilowday nugaal ilaa mudug , waxaana uu madaxweynuhu dadaalo dheeraada ku bixiyey wanaajinta xiriirka gobolka mudug iyo puntland inteeda kale ood mooday in hogaanka isku hayaa uu dabacsanaa, mudane gaas waxaa uu tegey degmooyinka iyo deegaanada gobolka mudug ee hoos yimaada maamulka puntland, hase ahaatee waxaa aragtiyo baahsan laga qabaa booqashadii uu madane gaas ku tegey degmada Galdogob taas oo dad badani aragti ka gedisan aragtiyihii hore ee laga qabey deeganada uu mudanuhu maray.

Mudane gaas waxaa si habsami ah ugu kuurgalayey xaalad kasta oo ka jirta deegaanada uu tegey isagoona inta badan goobaha uu tegey ka dhagax dhigay mashaariic horumarineed oo fulintooda looga fadhiyo maamulka puntland taasina waxaa ay ahayd aragtiyaha isku dhow dhow ee dadyowga deegaamadaasi ku dhaqani ay ugu hambalyeeyeen mudanaha iyo madaxda kaloo ku wehelisey safarkiisa shaqo, hase ahaatee dadka reer galdogob ayaa muujinaya dareen kaas ka gedisan madaxweynugu waxaa uu ku guul daraystay inuu deegaankaasi ka hirgeliyo ama si lamida deegaanada kale ee puntland uu farta ugu fiiqo haba yaraatee wax mashruuca oo deegaankaas uu ka fulin doono maamulka puntland.

waxaa kaloo uu mudane gaas ka gaabsaday in uu kor istaago ama wax dhiiri gelina usameeyo mashruuca ugu balaaran ka socda deegaanka puntland kaasi oo ah wado laami ah oo dhererkeedu yahay 60 km oo dadka deegaanku ay isku howleen fulinteeda, waxaa kale oo aragti dhakafaar leh laga muujiyey kala dirirsta golaha deegaanka ee degmada galdogob taasi oo dadka badankoodu ku micneeyeen in mudane gaas uu degmada dhaafinayey barnaamijka horumarinta degmooyinka puntlabd oo sanadkan 2014 loo qorsheeyey in degmadaas ka mid noqoto maadaana uu madaxweynihii ka horeeyey mudane c/raxmaan faroole ku daray degmada liiska degmooyinka ka faaidaysanaya barnaajkan maadaaama degmadu ay sanadkii tegey dabayaaqadiisii yeelatay gole deegaan kala diristan degdegaana ay tahay oo kaliya mid lagu seejinayey kaqayb noqoshada barnaajkan.

dadka reer galdogob waxaa ay inta badan horaba ugu quusteen in maamulka puntland uu degmada iyo deegaamada hoos tagaba ka fuliyo wax mashaariic horumarineeda inkastoo dadku aragti taas ka dhow ay soo gashay markii mudane gaas uu talada qabtay hadana rajadaas ayaa markale u muqata hal bacaad lagu lisay, hase ahaatee waxaan ku baraarujin lahaa dadka deegaankaasi inay isku tashadaan aanay cid ama gacan kale toona aanay waxba kasugin. aayna fulinta mashaariicda iyo horu-marintooda aanay cidna wax qabad uga sugin.

mataan cali (mataan ciideed)

____________________

Raxanreeb.com Waxa ay Tixgelin Gaara Siinaysaa Maqaaladaha Sida Gaarka ah Loogu soo Diro ee aan Lagu Daabicin Mareego kale.

QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH MAQAAL AMA FIKRAD U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM

Use Facebook to Comment on this Post

Luuq[RBC Radio]Ciidamada ka tirsan howlgalka AMISOM ee Itoobiya ayaa xabsiga dhigay sargal ka tirsan ciidanka dowladda Soomaaliya,waxaana sargaalka ay ku xireen degmada Luuq ee gobolkaas.

Waxaa kalo ay ciidanku albaabada ulaaben maxkamadi degmada Luuq oo ay howlo dacwad qaadis ka socotay,waxaana sargalka ay xireen lugu sheegay magaciisa Diyaad Cabdi Kaliil oo ka tirsan saraakiisha ciidamada dowladda ee ku sugan Gobolka Gedo.

Ma jirto sababta xariga cid ka warhaysa,balse waxaa la sheegay in sarkaalkan iyo saraakiisha ciidamada Itoobiya uu soo kala dhex galay khilaaf.

Arrintan ayaa ku soo aadaysa xilli dhawaan ciidamada Itoobiya ay deegaannada xuduuda u dhow ku xireen mas’uuliyiin ka tirsan Ahlusuna, dad qurbo joog ah iyo wariye u kuur galayay xaalada deegaanno ay ka jiraan biyo la’aan, waxaana dadkan loo gudbiyay xabsi ku yaal degmada Jig Jiga.

Maamulka gobolka Gedo ee dowladda Soomaaliya ayaan weli ka hadlin xariga ay ciidamada Itoobiya u geysteen Diyaad Cabdi Kaliil oo ka mid ah saraakiisha ugu sarreysa maamulka gobolka Gedo ee dowladda Soomaaliya.

Ciidanka Itoobiya ayaa sidan oo kale saraakil ka tirsan ciidanka u xir xiray,iyagoonna inta badan ku soo ooga qaladaad ay-galen.

_____
RBC Radio

Use Facebook to Comment on this Post