Dhadhaab[RBC Radio]Dabley hubeysan oo an wali heybtooda lagaran ayaa maanta weerar ku qaaday gaadid ay lahaayeen shaqaalaha hey’adda Qaramada Midoobay u qaablsan dhanka qaxootiga ee UNHCR, kuwaasi oo ku wajahnaa xerada qaxootiga ee Dhadhaab.

Weerarkan lugu qaaday shaqaalaha Qaramada Midoobay ka tirsana waxaa la sheegay inuu khasaare dhaliyey,rasaasta ay gaariga ku fureen kooxdi weerartay,waxaa la sheegay inuu ku dhaawacmay darawalka waday gaariga.

Xilliga la weerarayey gaariga,waxaa la sheegay inuu ku sii jeeday xerada qaxootiga ee Dhadhaab oo ku taalla gobolka waqooyi-bari Kenya,kooxda weerarka ku qaaday gaari waxay isku dayeen sida la sheegay inay dhanka Soomaaliya ula soo talaabaan, hayeeshee ciidamada ammaanka ee Kenya ay ka hortageen.

Weerarka oo dhacay abaaro 8:30 A.M ee xiliga geeska Afrika ayaa lagu soo waramayaa in qofka dhaawac ah loo qaaday isbitaal kuyaala magaalada Nairobi ee xarunta Kenya, isagoo qofka dhaawaca ah laga dayrinayo xaaladiisa caafimaad.

Warku waxa uu intaa ku darayaa in haweeney ka mid ahayd shaqaalaha hay’adda UNHCR ay ka badbaaday weerarkaasi la doonayay in lagu qafaasho gaariga.

Docda kale,guddoomiyaha deegaanka Faafi oo ku dhow Dhadhaab , Geoffrey Taragon ayaa u sheegay warkaaladda wararka Shiinaha ee Shinwaa in saddex xubnood oo ka tirsan ururka Al-shabaab ay gaariga oo noociisu ahaa Nissan Patrol kaddib inay rasaas ku fureen darawalkii gaariga, kaasoo uu dhaawac gaaray.

Weerarkan waxaa uu ku soo aadaya xilli Kenya ay adkeynaysay amniga,waxaana jirta howlgalladi ugu ballaarana inay wadaan ciidamada ammaanka dalkaasi.

____
RBC Radio

Use Facebook to Comment on this Post

Muqdisho[RBC Radio]Xildhibaannada baarlamaanka dowladda faderaalka Soomaaliya ayaa kulan maanta ay ku yeesheen magaalada Muqdisho warbixin uga dhagaystay guddiga maaliyadda iyo la-xisaabtanka hay’daha dowladda ee baarlamaanka.

Kulanka waxaa shir-guddoominayay guddoomiyaha baarlmaanka Prof. Maxamed Sheekh Cismaan (Jawaari).

Fadhiga ay maanta isagu yimaaden xildhibaannada waxaa uu ahaa kalfadhiga afaraad kulankiisa 14-aad, waxaana goob-joog u ahaa guddoomiye ku-xigeenka koowaad ee Baarlamaanka Mudane Jeylaani Nuur Iikar, waxaana ajandaha kulanka uu ahaa dhageysiga ay xildhibaanada gudiga maaliyadda ka dhageysanayeen miisaaniyadda dalka iyo la xisaabtanka hay’adaha dowladda.

Xog-hayaha gudiga maaliyadda ee baarlamaanka Xildhibaan Cismaan Xaaji Cali o u sharxay Xildhibaannada warbixinta gudiga ay soo diyaareen ayaa tilmamay in qeybaha gudiga qiimo dhimista ku sameeyeen loogu talalgay, talo ahaan ay ku soo jeedinayaan in lagu kabo wax u qabashada adeegyada guud ee bulshada.

Sidoo kale Xildhibaan Samaan Maxamed Sheekh ayaa sheegay in isna dhankiisa sheegay in gudiga Maaliyadda uu ka shaqeynayay muddo saddex isbuuc ah, iyagoo u kala qaaday siyaasadda iyo habraaca sharuucda lagu dhisay miisaniyadda, in ay dhameystirantahay ilaha uu dakhliga ka soo geli karo iyo iswaafaqsanaanta iyo nidaamka Miisaaniyadda.

Guddoomiyaha ayaa tilmaamay in ay haystaan muddo shan maalin ah oo ay baarlamaanka hor keenaan 30-ka bishaan, sida ku cad xeer hoosaadka baarlamanka.

“Mudanayaal waan dhageysanay aan Wasaaradda iyo gudiga aan siino shan maalin oo shaqo ah oo ku eg Talaadada oo 29-ka ku beegan, si maalinta xigta aan u bilowno ansixinta sida uu qabo xeer hoosaadka baarlamaanka, waxaana ka rabnaa inaad isku soo waafaqaan” ayuu yiri Jawaari.

Intaasi kaddib Mudanayaasha ayaa guda galay ka hadalka kulankii shalay ay xildhibaanada kaga hadlayeen xagga amniga, iyadoo saxaafaddu ay markale kulankaasi ka noqotay dibad joog ka noqotay. maadaama looga hadlayo sida lagu xoojin karo arrimaha amniga.

____
RBC Radio

Use Facebook to Comment on this Post

Maamulkii hore ee degmada Gaalkacyo oo maamulka cusub ku wareejiyey xilka

Gaalkacyo[RBC Radio]Xaflad ay xilka kula kala wareegayeen duqii hore ee degmada Gaalkacyo Axmed Cali Salaad iyo guddoomiyaha cusub ee degmada Gaalkacyo Cabdicasiis Maxamed Guuleed (Nugaal) ayaa maanta ka dhacday guriga madaxtooyada ee magaalada Gaalkacyo.

Sidoo kale,waxaa iyaguna xilka kula kala wareegay munaasabada ku-xigeenkii hore ee duqa degmada Gaalkacyo Cabdi Cismaan Faarax(Ciirro) iyo guddoomiye ku-xigeenka cusub ee degmada Gaalkacyo,Yacquub Maxamed Cabdalla.

Waxaa ka soo qeyb-galay xalfada,wasiirro ka tirsan xukuumadda oo u ka mid ahaa wasiirka arrimaha gudaha,Axmad Cilmi Cismaan (Axmad karaash),maamulka gobolka Mudug,xildhibaanno ka tirsan golaha deegaanka degmada Gaalkacyo iyo marti sharaf kale.

Ugu horreeynti maamulkii hore ee degmada Gaalkacyo,waxaa ay ka warbixiyeen shaqooyinka ay soo qabteen,waxa u dhiman iyo howlaha degmada horyaalla.

Duqii hore ee degmada Gaalkacyo,Axmed Cali Salaad oo isagu xilka wareejiyey,waxaa uu sheegay inay wax soo qabteen waxbadana dhiman-yihiin,balse waxaa uu soo bandhigay caqabado badan oo hor imaanaya maamulka cusub ee degmada.

Axmed Cali Salaad,waxuu sheegay maamulka cusub inay horyaallan,wax ka qabashada howlo badan oo xilligaan qabyo ah,halka sidoo kale ay jiraan deymo badan oo lugu leeyahay maamulka degmada,waxuuna si cad u sheegay inuu garab istaagi doonno maamulka cusub ee degmada Gaalkacyo uuna ku biirinayo,waxii waayo aragnimo ah oo ay uleeyihiin shaqooyinka ay soo qabteen.

Halkan hoose ka dhageyso hadalka duqii hore/RBC Radio

Duqa cusub ee degmada Gaalkacyo,Cabdicasiis Maxamed Guuleed (Nugaal) ayaa isna dhankiisa sheegay in isaga iyo ku-xigeenkiisuba ay maanta si rasmi ah ula wareegen shaqada maamulka.

Waxaa uu sheegay guddoomiyaa cusub ee degmada Gaalkacyo,inay rajeynayan inay la yimaadan isbadal,walow uu walaac ka muujiyey deymo badan oo lugu lahaa maamulkii hore oo xilligaan maamulkiisa lugu wareejiyey.

Halkan hoose ka dhageyso hadalka duqa cusub/RBC Radio

Guddoomiyaha gobolka Mudug,Maxamed Yuusuf Jaamac(Tigey) oo isna munaasabada ka hadlay,waxuu soo dhaweeyey maamulka cusub ee degmada Gaalkacyo,waxuuna sheegay Gaalkacyo inay horay uga hartay degmooyinka kale ee Puntland,taaso sabab uu iga dhigay inaysan jiri jirin gole deegaan balse maamulka cusub ay soo dorten gole deegaan,taaso sahlaysa in la hormariyo degmada.

Halkan hoose ka dhageyso guddoomiyaha gobolka/RBC Radio

Wasiirka arrimaha gudaha dowladda Puntland,Axmad Cilmi Cismaan (Axmad karaash) oo isna munaasabada soo xiray waxaa uu wax lugu farxa uu ku sheegay inuu goob-joog u ahaado xil wareejinta maamulkii hore iyo maamulka cusub ee degmada Gaalkacyo.

Waxaa uu u mahad-celiyey wasiirku maamulka cusub ee degmada oo aqbalay xilkaan iyadoo ay jirta caqabada badan oo xilligaan muuqanaya inay ka hor imaanaya,waxuuna inta ku daray inay si dhow ula shaqeyn doonan maamulka cusub.

Halkan hoose ka dhageyso wasiirka/RBC Radio

Gaba-gabadi waxaa waraaqaha iyo xogaha maamulkii hore lugu wareejiyey maamulka cusub,kuwaaso kala saxiixday xilwareejinta.

Guddoomiyaha cusub ee degmada Gaalkacyo iyo ku-xigeenkiisa,waxaa dhawaan si cod ah u doortay golaha deegaanka degmada Gaalkacyo,labada mas’uul ee degmada waxaa ay ku cusub yihiin saaxada siyaasada.

Sawirrada,waxaa ay gaar u yihiin Raxanreeb Online,lama adegsan karo.
_____
RBC Radio

Use Facebook to Comment on this Post

Gaalkacyo[RBC Radio]Wasiirka arrimaha gudaha iyo dowladdaha hoose ee dowladda Puntland Axmed Cilmi Cismaan (Garaash) ayaa maanta kormeer ku kala bixiyey xarumo ku yaalla magaalada Gaalkacyo ee xarunta gobolka Mudug.

Goobaha uu maanta tagay wasiirka waxaa ka mid ah:xarunta dowladda hoose ee magaalada Gaalkacyo,qeybo ka mid ah suuqa weyn ee dayax iyo goobo kale,waxaana booqashada wasiirka ku waheliyey,mas’uuliyinta cusub ee degmada Gaalkacyo,maamulka gobolka Mudug iyo xildhibaanno ka tirsan golaha deegaanka Gaalkacyo.

Wasiirka waxaa uu ugu horeyn tagay xarunta dowladda hoose oo ku taalla bartamaha magaalada Gaalkacyo,waxuuna indha indheeyey dhammaanba qeybaha ay ka kooban tahay xaruntu iyo shaqooyinka lugu hayo.

Sidoo kale wasiirka ayaa ku dhex-lugeeyey gudaha magaalada,waxuuna lug ku tagay suqa weyn ee Dayax kaaso ku yaalla xaafadda Garsoor ee magaalada Gaalacyo,waxuuna tagay qeybo cusub oo suqa laga hirgalinayo iyo xarun cusub oo dowladda hoose ee Gaalkacyo loo dhisayo taaso ku dhex taalla suqa Dayax.

Duqi hore ee degmada Gaalkacyo,Axmed Cali Salaad oo maanta xilka wareejiyey ayaa geeyey wasiirka qeybo ka mid ah suuqa iyo xarumaha dowladda hoose ee Gaalkacyo,waxaan mas’uuliyinta uu ugu tagay xafisyada dowladda hoose  warbixin kasiiyen shaqooyinka ay xilligaan hayaan.

Wasiirka arrimaha gudaha iyo dowladdaha hoose ee dowladda Puntland Axmed Cilmi Cismaan (Garaash) ayaa sheegay inta uu ku guda jiray booqashadiisa in wasaaraddisu dar-dargalin doonto shaqooyinka dowladdaha hoose ee degmada Gaalkacyo iyo gud ahaanba deegaannada Puntland.

…””Wasaaraddu waxaa ay u xilsaaran tahay ka warheynta shaqooyinka dowladdaha hoose ee gobollada,waxaana dar-dargalin doonna shaqooyinka xilligaan ay ahaayen dowladdaha hoose ee Puntland,annagoo ka shaqeyn doonna sidii an u hormarin lahayn,..””‘ayuu yiri wasiir Axmed Garaash.

Wasiirku waxaa uu qeyb ka yahay wafti ballaaran oo u hoggaaminayo madaxweynaha dowladda Puntland Cabdiweli Maxamed Cali Gaas,kuwaaso toddobadyadi ugu danbeeyey Gaalkacyo ku sugna,walow ay xilligaan soo gaba-gabeeyey booqashadi gobolka ay ku joogen.

Sawirrada waxaa ay gaar u yihiin Raxanreeb Online,lama adegsan karo

____
RBC Radio

Use Facebook to Comment on this Post

Muqdisho[RBC Radio] Ra’iisul Wasaaraha Xukuumadda Federaalka ah ee Soomaaliya Mudane Cabdiwali Sheekh Axmed Maxamed, oo ay weheliyaan Wasiirka Gaadiidka Cirka iyo Dhulka, Wasiirka Maaliyadda, Wasiir Ku-xigeenka Gaadiidka, Safiirka Dowladda Turkiga u fadhiya Soomaaliya, Wakiilka Hay’adda Tika iyo Maareeyaha Guud ee Garoonka Aaden Cadde, ayaa maanta dhagax dhigay Dugsiga Tababarka Duulimaadka oo laga dhisayo gudaha Garoonka Caalamiga ah ee Aaden Cadde.

Ra’iisul Wasaaraha ayaa sidoo kale booqasho ku soo maray goobta laga dhisayo terminalka cusub ee uu yeelanayo Garoonka Diyaaradaha ee Aaden Cadde, kaas oo ah mashruuc ay maal galinayso shirkadda FAVORI oo gacanta ku haysa garoonka.

Wasiirka Gaadiidka Cirka iyo Dhulka Mudane Saciid Jaamac Maxamed Qorsheel ayaa ugu horrayntii ka war bixiyey ahmiyadda uu dhismaha terminalka cusub, oo noqonaya mid casri ah, u leeyahay shacabka Soomaaliyeed.

“Terminaalkan cusub wuxuu meesha ka saarayaa isku dhex yaaca ka jira garoonka qaybihiisa kala duwan, wuxuuna dadajinayaa habsami u socodka howlaha garoonka. Sida ay noo sheegtay shirkadda dhisaysa terminaalka, dhismuhu waxaa uu qaadanayaa muddo lix bilood ah,” ayuu yiri Wasiir Qorsheel, oo dhanka kale xusay in mustaqbalka dhow ay qorshaha ugu jirto in la sameeyo garoomo laga hirgalinayo daafaha magaalada si culayska looga qaado garoonka Aaden Cadde, oo noqon doona mid ay ku soo degaan diyaaradaha waaweyn.

Sidoo kale Ra’iisul Wasaaraha ayaa sheegay inuu uga mahadcelinayo dowladda Turkiga dadaalka aan kala go’a lahayn ee ay ku bixinayso dib-u-dhiska dalka, iyadoo mashruucaan cusub uu qayb ka yahay tayeeynta hay’adaha dowladda.

“Dugsiga Tababarka Duulimaadka waa machad sare u qaadaya xirfadda shaqaalaha ka howl-gala garoomada Soomaaliya, waxaana looga maarmayaa in tababarro lagu soo qaato dalka dibaddiisa. Waxaan mahad balaaran u soo jeedinayaa dowladda Turkiga oo taageero hagar la’aan ah la garab taagan shacabka Soomaaliyeed, qayb weynna ka qaadanaysa dib-u-dhiska kaabayaasha dhaqaalaha,” ayuu yiri Ra’iisul Wasaare Cabdiweli.

Dowladda Turkiga ayaa muddooyinkan dambe ka wadday caasimadda Soomaaliya ee Muqdisho dib-u-dhis balaaran oo lagu hagaajinayo kaabayaasha dhaqaalaha iyo soo celinta bilicda magaalada, waxayna dayactir balaaran ku sameeyeen waddooyinka halbowlaha u ah isu-socodka gadiidka ee magaalada Muqdisho.

____
RBC Radio

Use Facebook to Comment on this Post

Soomaalida: siyaasad ku saleysan saar iyo sas.
Abdihakim Abdikarim Diriye
facebook/Abdihakim Diriye
Email: diiriye303@hotmail.com
Abriil 27 2014

Qofka soomaaliga ah heerkasta oo uu joogo, aqoonyahan, siyaasi, wadaad, dhalinyaro iwm. Inta badan fahankiisa siyaasadeed ama dhaqankiisa arrimaha siyaasadu wuxuu ku dhisan yahay labadan erey ee kor ku xusan. (Saar, Sas)
Hadaba aan aragno ujeedada ereyadaan:

SAAR: Waa xanuun inta badan ka yimaada jinni qofka wareema, kaaso marka qofkii dhibanaa wax lugu akhriyo sida Qur’aan ama ducooyin kale uu qofkii hadlo iyado cidda hadleysa ay tahay jinnka ku jira oo mikrofoon ahaan u adeegsanaya afka xanuunsanaha.

SAS: Waa erey tusinaya marka qofku uu hurdada ka boodo si kedis ah oo naxdin iyo argagax wadata isagoo aan garan karin wax ku dhacay iyo cidda ka nixisey midna.

Labadan erey waxay ka siman yihiin in qofku uusan aqoon waxa haya, meesha laga hayo iyo cidda dhibka u geysatey, inuusan naftiisa xakameyn karin aysanna u cadeyn tillaabada xigta ee uu qaadan karo, mar marka qaarna uusanba garan karin isagu qofka uu yahay, waxa uu sameynayo iyo danta uu ka leeyahay, kaliya hurdo qarow iyo hadal tarsaas, sababtoo ah ama waa qof saar hayo oo cidkale ka dhex hadleyso ama waa qof sas qaba oo waxwalba ka didsan.

Soomaalidu waa dad noocooda oo kale aduunka ku yar yahay, waxay wadaagaan waxkasta oo bulsho mideyn kara, sida diin, af, dhaqan, taariikh, muuqaal, dhul iwm. Sido kale waa dad isjecel, sheeko wadaag ah, wax wada cuna, isdhexgala, isasoo jiita oo aduunka wadankey tagaan ba hal meel wada dega waxwalbana wadaaga marka laga reebo siyaasada oo iyadu ku noqotay cudur dilaa ah oo si xun ugu faafay isla markaasna aafeeyey dhaqankooda.

Soomaalida waxaa lugu tilmaamaa bulsho sal-fudud oo ma-daganayaal ah maadaama ay ahaayeen reer guuraa socoto ah, taasi waxay keentey iney siyaasadii u badelaan hayaan joogto ah oo xagga maskaxda ah, waxaa ugu darsamay burburka ay muddada dheer la noolaayeen kaasoo dabcan raad gurrucan ku reebey maanka ruuxkasta dhaawacayna duntiisa qof ahaaneed. Burburku wuxuu isdaba mariyey hab-socodkii nolosha bulshada iyo mudnaantii hawluhu kala lahaayeen.
Waxaa isku milmay dantii guud iyo tii gaarka ahayd, dalki iyo reerkii, dowladnimadii iyo siyaasiyiintii. Waxaa lumay halbeegii saxda ahaa ee lugu kala garan lahaa arrimaha mudnaanta koowaad leh iyo kuwa ka hooseeya.

Dhaqankaas wuxuu siyaasadii ka dhigey tusbax furtay oo aan meel laga qabto lahayn iyo in aragtiyada sida dharka la isaga badelo ayna dhacdo in qofku maalinta labadeeda gelin midba garab la jiro, sido kale in bulshada qeybaheeda kala duwan ay wada siyaasiyiin noqdaan. Wuxuu kaloo maskax hayaanku keeney iney taageeradu noqoto indha la’aan aan laga fiirsan siyaasada lala safanyahay dhibkeeda iyo dheefteeda, kaliya waxaa hagaya bar-garasho iyo la dhacsanaan qof ama koox isaga midab gaar ah ugu sumadan. Qofka soomaaliga ah inta badan taageeradiisa makala reebo kumana daro fikirkiisa shakhsi ahaaneed. Taageerayaashu waxay ku wardiyaan ereyada ay ku celceliyaan hogaamiyayaasha markaas garwadeenka ka ah gaariga socda. Qofkaan saar ku hayo waxaa ka dhex hadlaya hogaamiyaha uu durbaanka u tumayo kaasoo meerinaya halqabsigii lugu hadaaqi lahaa isagoo taageerayaasha ka dhiganaya mikrafoonadii dadka codka gaarsiin lahaa, kuwa kasoo horjeedana ku tilmaama cadow ama qaswade waa labada erey ee ugu horeyn loogu yeero cidda wax ka biyo diidsan.

Dhanka kale xawaaraha taageerada waxaa dhinac socda talaxtag mucaarad ah, diidmada soomaalidu waxay u badan tahay mid aan kala harin, oo aan qofka laga soo horjeedo waxba loo reebin loona tixgelin dhankiisa wanaagsan. Maadaama qof sas qaba uusan garan karin cidda wax u dhintay kaliya kalsooni darro ayuu ka qabaa waxa socda, markaad tahay soomaali mucaarad ah waxaad ka-aaminbaxsan tahay waxkasta oo ka yimaada cidda aad mucaaradeyso xataa hadii ay yihiin wax maangal ah oo mudan in la garab istaago, waxaad sido kale dhibsaneysaa qofkasta oo wanaagiisa sheega ama taageera siyaasadda aad ka boodsan tahay.

Arrintan waxaad ogaan kartaa xilliyada xamaasad jirto, sida doorasho, khilaaf siyaasadeed, xiisad isbadel ama sameyn maamul cusub, markaad aragtid qof maamul uu shalay taageersanaa maanta caayaya kaliya isbadel ku dhacay wasiir xaafadu fileysey ama inuu madaxweyne kale xafiiska fariistay, waana marka ay soo baxdo dhaqan siyaasadeedka dhabta ah ee soomaalida. Waa dhaqan saldhigiisu yahay hebel ha noolaado hebel kalena ha dhoco iyadoo aan la is weydiin muxuu ku muteystey guusha iyo kan kale muxuu galabsaday! Waxaa kadaran amaanta ruuxa dhintay ama dhuuntay, qofku markuu xilka hayo waa la caayaa maalintu ka deganaa wuxuu yeeshaa amaan iyo sumcad aan horey loo ogeyn.

Hadaan nahay Soomaali waxaa ina xukuma maalinba xiisada taagan iyo dabeysha socota, waxaan waqtiga ku luminnaa in qof xil haya la caayo ama la amaano iyadoo lugu saleynayo qoyskiisa ama deegaankiisa, dhaqankaas waa mid wada maasheeyey soomaali oo idil. Hadba sawaxankii yeeraa lugu yaacaa ama maradii la taagaa la daba kacaa. Waxyaabaha kaa qoslinaya waxaa ka mid ah arrimaha maamul goboleedyada iyo calamadooda, markaad aragtid maamullo hal gobol ama hal magaalo ku magacaaban iyo kuwa hawada uun ka jira ee aan dhulkaba joogin. Waxaa kaaga sii daran markey iyagii sii kala sarrifmaan oo ilaa heer tuulo calamo loo taagto ama maamulkii calanka lahaa magiciisii hawada ka boxo intaan la gaarin sanadguuradiisii kowaad ama uu magac kale u guuro, taas waxaa ka naxdin badan markaad aragtid dhallinyaro iyo aqoonyahanno u qiireysan calankan yar iyo saaxiibo isku nacaya ama kukala tagaya waxaan sagaaro biyo ka cabin ama qofkii su’aal ka keena calanka loo arko cadow jiritaankooda diidan!

Nin saaxiibkey ah oo u fara dhuudhuuban xafladaha ayaa ii sheegey in nin Sudani ah oo kireeya goob xafladaha lugu qabto uu u sheegey in bishii ugu yaraan sadex xafladood oo soomaali leedahay ay ka dhacdo hall-kiisa taasoo si xad dhaaf ah uga badan umadaha kale! Sudan waxaa jooga ardey jeebkoodu yaryahay, marka wadamada ay ku noolyihiin soomaalida hantida haysata iyagu ka hadal ma leh, iyagoo hadda xafladahu noqdey xiniftan siyaasadeed iyo yaan laga badin. Waxyaabaha soo kordhey waxaa ka mid ah in cidkasta oo meel loo magacaabo xaflad loo qabto, sida wasiir ku xigeen, agaasime, duq magaalo, taliye ciidan iwm.!

Saan filayo xumaan kama aha ee waa seef-la-boodnimo iyo marqaan siyaasadeed oo dadka madax maray kaasoo noqdey dhaqan dhiiga iyo lafaha dhex raacay, oo dhalinta dhalan rogey waayeelkana maskaxda dhaqay. Wadaniyada soomaalidu waxay noqotay mid caadifadeysan oo hadana isla badesha dhacdooyinka maalin laha ah. Soomaalida oo dhan waa wada wadaniyiin inta xafladaha dabaal dega la joogo marka banaanka loosoo baxana waa kala maan! Sido kale waa wadani waana dowlad jecel yahay qofka ehelkiisu nacfi ku qabo maamulka markaas jira inta kalena waa qaswadayaal, kii kalena haduu dhadhamadii waayo safka kaluu galayaa!

Markey is qabtaan madaxda Soomaalidu waxay isku dacweeyaan shisheeyaha iyaguna salaantey isla dhaafaan, sido kale markii masuul soomaali ah si heer sare ah loogu soo dhaweeyo wadan shisheeye waxaa aad u farxa taageerayaashiisa iyagoo ku faana sida loo jecel yahay saaxiibkood, hadiise la miyir qabo waxay ahayd in laga shakiyo siyaasiga ajnebigu koolkoolinayo, dhibku ma aha siyaasiyiinta kaliya ee dhammaanteen bulsho ahaaan waxaa ina haleeley jaahwareer qaangaarey, waxaan nahay umad aan ilaalin sooyaalka taariikheed ama aan wax ku qaadan isbadelka waayaha, umad aan dib u fiirin raadkii shalay iyo wixii soo maray, aqoonyahan, siyaasi iyo shiikh dhammaantood hadii dib loo dhageysto cajaladahoodii hore waxay wada noqonayaan shalay iyo maanta, malaha afkeeniyo dhagaheennu isma maqlaan!.

Tusaaleyaal:

1: 2012 Markey socotey doorashadii Xassan Shiikh kusoo baxay, dad badan oo aan ku daawaneyney waan iska weyney qof si fiican u yaqaan ninkan qofka ugu badan ayaa magiciisa maqlay saas oo ay tahay markey doorashadii dhamaatay waxaa is qabsaday sawaxan iyo sacab iyadoo dadka ay ka muuqatay farxad xad dhaaf ah, ayna isugu hambalyeynayeen Ilaahey waa na badbaadiyey iyo Soomaaliya waa cusub baa u baryey. Soomaali oo dhan daafaha dunida waxaa ka bilaamay dabaal degyo, iyadoo ay yareyd aqoonta loo lahaa masuulkan la doortay. Hase yeeshee muddo yar kadib isla dadkii dhanka kaley isu rogeen waxay bilaabeen xaflado lugu cambaareynayo madaxweyne Xassan, iyadoo labada tillaabo midna aan laga fiirsan ee ay kala ahaayeen saar iyo sas iyo socod-barad siyaasadeed. Tani waxay tusaale u tahay siyaasadeena ku saleysan xamaasad iyo laab-la-kac aan meel fog jirin.

2: Markii Kismaayo lugu doortay Axmed Madoobe ayna soo bexeen rag kale oo sheegtey madaxweynayaal, sidii caadadu ahayd waxaa bilowdey xafladihii dabaal dega siyaasiyiinta, tani waxay lahayd xiiso gooniya, maadaama ay jireen dad badan oo sheeganaya madaxnimo. Waxyaabaha yaab ka leh waxaa ka mid ahaa in hal hall lugu qabtay shan xafladood oo loo qabtay madaxweynayaal Jubooyinka ah! Waxaa xusid mudan in madaxweynayaasha loo hambalyeynayey qaar sawiradooda la waayey xataa Google laga baaray! Xafladahaas ma dhigin qabqablayaal ee waxaa qabtay ardey jaamacado dhigta! Nin doctor ah hadal uu hadda ka hor igu yiri baan soo xasuustay in Soomaalida ay ugu qabyaalad yaryihiin kuwa ugu jaahilsan ayna ugu qabyaalad badan yihiin kuwa ugu aqoon badan, wuxuu yiri ninka Soomaaliga ah ee PHD haysta sido kale wuxuu haysta PHD xagga qabyaalada ah! Hadalkan waxaad rumeysan markaad aragtid aqoonyahanno iyo ardey u sacabinaya hogaamiye kooxeed ay ahayd in la la takooro.

3: Shiikh Shariif markuu hogaaminayey maxkamadihii wadaadadii la safnaa waxay ku tilmaami jireen amiirul mu’miniin Ilaahey umadda usoo direy, qofkii kasoo horjeedana uu diinta neceb yahay, markuu dhanka kale maray oo dowladda madax ka noqdeyna waxay ku tilmaameen gaal weynaadey ciddii taageertana ay gaalnimo ku dhacday! iyadoo Shariif labada jeer ba uu ahaa siyaasi xukun rabey oo marba shaarkii le ekaada gashanayey kursigana hadba suu ku helo ku qaadanayey, laakiin wadaadadu aysan labada xilli midna indho furan ku fiirin.

4: Dadka hadda Alshabaab diidan waxaa ugu daran macallimiintoodii soo barbaariyey aragtida dhashay Shabaab, riwaayado horena soo jilay, kadib markii lakala leexdey ayaa biyo hoostood la iska arkey, weyna isa sannifeen iyagoo aan noo sheegin ma duruuftaa kala geysey mise kala duwanaansho diimeed baa soo kala dhexgalay, waxay kala qaadeen sas aysan soomaalida kale u qabin, diidmadani waxay u muuqataa mid ku saleysan shuufid iyo shareysi, saas darteed bey qolowalba jeceshahay in tan kale aduunka laga waayo si ay sharkeeda uga nasato.

5: 2006 Markii ciidamada Itoobiya ay galeen Soomaaliya waxaa lagala hor yimid kacdoon hubeysan koonfurta Soomaaliya gaar ahaan reer Muqdisho oo iyagu xilligaas u arkayeen Itoobiyaanka cadow gumaadaya ayna waajib tahay in lala diriro. 2014 markale ayey isla ciidamadii soo galeen isla gobolladii dadkuse malaha dadkii ma aha! Shakhsiyaadka afka isku dariwaayey xilligaas waxaa ka mid ahaa, shiikh shariif, axmed diiriye, xaad, tarzan, indhacadde iyo kuwa kale hadase weli shanqartood ma maqlin waa soomaali iyo dhaqankeede bal adba garo waxa isbadeley! Sidoo kale culimadii soomaaliyeed ee dhawaaqooda aduunku dhagaha qabsaday maanta maxaa aamusiyey ma wadaadadaan kuwii hore ahayn, ma wadankaan kii ahayn mise xilliyadaa kala fadli badan, bal adba sheeg meesha salaadu iska qaban la’dahay! Dabcan jawaabta waxaan u deynayaa akhristayaasha iga xog ogaalsan igana xeeldheer.

W/Q: Abdihakim Abdikarim Diriye
facebook/Abdihakim Diriye
Email: diiriye303@hotmail.com

Raxanreeb.com Waxa ay Tixgelin Gaara Siinaysaa Maqaaladaha Sida Gaarka ah Loogu soo Diro ee aan Lagu Daabicin Mareego kale.

QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH MAQAAL AMA FIKRAD U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM

Use Facebook to Comment on this Post

Beledxaawo (RBC) Nabadoon si weyn loo yaqaano degmada Beledxaawo ee gobolka Gedo ayaa xalay lagu dilay degmadaasi iyadoo illaa hadda aan la garaeyn sababta dilka nabadoonkaasi.

Nabadoon Aadan Cabdulle oo ku magacdheeraa “Aadan Dheere” ayaa sida dadka deegaanka sheegeen, waxaa lagu toogtay bartamaha magaalada xalay fiidkii xilli uu ku sii socday hoygiisa.

Dadka dilka geystay ayaan la qaban iyadoo isla markaana aanay jirin wax hadal ah oo maamulka degmada Beledxaawo iyo midka gobolka Gedo kasoo baxay oo la xiriira dilka nabadoonka loo geystay.

Xaalada degmada Beledxaawo ayaa waayadan deganayd, mana jirin wax dhibaato ah oo la sheegay inay halkaa ka jirtay oo saameyn ku leh xagga amniga.

Dilalka ka dhanka ah nabadoonada iyo dadka bulshada ka dhex muuqda ayaan ku cusbeyn guud ahaan Soomaaliya.

RBC Radio

Use Facebook to Comment on this Post

Muqdisho (RBC) Guddiga Olombikada Soomaaliyeed ayaa tartan Ciyaaraha Fudud oo ay ka qeybgaleen ilaa shan dugsi waxay u qabteen ciyaartoy ka socotey dugsiyada waxbarashada ee magaalada Muqdisho kuwaasi oo da’doodu u dhexeysay 13 illaa 15 sano jiro.

Ciyaartoyda tirada badneyd ee ka qeybgashey tartanka ayaa isugu jirey wiilal iyo gabdho,waxaana lagu tartamayey noocyada kala duwan ee ciyaaraha Fudud sida Orodka,Waran tuurka,Boodada hoose oo ay ardeyda dugsiyadu ka wada qeybgalayeen.

Tartanka oo ka dhacay xarunta Olympafrica ee Soomaaliya gaar ahaan dugsiga Jabuuti ayaa waxaa uu socdey mudo sadex maalmood,iyadoo dhamaan ciyaartoyda dugsiyada ee ka qeybgalay wejiyadoodu ka muuqatey farxad iyo sida ay u jecel yihiin tartamada Spors ee Olympafrica iyo GOS ay qabtaan.

Mudadii sadexda cisho ee uu socdey tartankaasi ayaa waxaa u daawsho tagayey Madaxda GOS,Madaxa Olymafrica ee Soomaliya iyo Masuuliyiin kale oo ka tirsan Xiriirada Sport ee dalka.

Xoghayaha GOS Duraan Faarax oo gebo gebadii halkaasi ka hadlay ayaa muujiyey sida ay ugu faraxsan yihiin Barnaamijkan IAAF ee ay ku tartameen ciyaartoyda ardeyda shanta dugsi oo uu u mahadceliyey dhamaantood.

“Barnaamijkan waxaa uu qeyb ka yahay howlaha Horumarinta ee GOS oo u mareysa Olymafrica ku dooneyso inay lagu dhiso laguna soo saaro Ciyaartoy mustaqbal ku leh noocyada ciyaaraha,gaar ahaan ciyaaraha fudud oo aynu la socono in meesha laga helayo ay ugu horeeyso dugsiyada”ayuu raaciyey.

Ugu dambeyntii waxaa halkaasi lagu bixiyey Hadiyado la kala gudoonsiiyey ciyaaryahanadii da’da yaraa ee kaalimaha fiican ka galay tartankaasi.

RBC Radio

Xafiiska Wararka Muqdisho

Use Facebook to Comment on this Post

Muqdisho (RBC) Wasiirka Amniga Qaranka ee Xukuumada Federaalka Soomaaliya C/kariin Xuseen Guuleed ayaa lagu wadaa inuu maanta hortago kulan y yeelanayaan mudanayaasha baarlamaanka, kaasoo su’aalo lagu weydiinayo wasiirka.

Kulanka su’aalo weydiinta wasiirka waxaa shalay ku dhawaaqay Afhayeenka Baarlamaanka Federaalka Maxamed Sheekh Cismaan Jawaari oo sheegay in maanta oo Axad ah uu baarlamaanka horimaanayo wasiirka amniga.

Illaa labo jeer oo hore ayuu dib u dhacay kulanka wasirka amniga su’aalaha ay ku weydiin lahaayeen mudanayaasha baarlamaanka kadib markii la waayey tiro ku filan in kulanka baarlamaanka uu ku qabsoomo iyadoo marna uu wasiirka ka mashquulay hortagida baarlamaanka.

Mid ka mid ah mudanayaasha baarlamaanka oo saaka la hadlay Raxanreeb ayaa sheegay in kulankan diirada lagu saari doono amniga qaranka iyo waxyaabaha ay ka qabatay xukuumadda dhanka amnigam iyadoola og yahay in labo xildhibaan usbuucii hore lagu dilay magaalada Muqdisho.

Wasiirka amniga qaranka ayaa la filayaa inuu jawaabo ka bixiyo su’aalaha ay xildhibaanada keeni doonaan ee la xiriira dhinaca amniga.

RBC Radio

Use Facebook to Comment on this Post

Muqdisho (RBC) Dawlada Federaalka Soomaaliya ayaa dib ugu yeeratay danjiraheeda ka jooga dalka Kenya iyo ku xigeenkiisa kadib markii dawldu ay ka carootay xarig habeen hore loo geystay danjire ku xigeenka Soomaaliya u jooga Kenya.

Shalay galabayaa war saxaafadeed ka soo baxay golaha wasiirada Soomaaliya waxay ku sheegeen in wasaarada arrimaha dibadda ay jawaab ka bixineyso dhacdada xariga lagula kacay qunsulka guud ee safaaradda Soomaaliya ku leedahay Kenya Siyaad Maxamuud Shire kaasoo habeen hore ay xireen ciidamada Kenyam ayna hayeen mudo saddex saacadood ah.

Wasiirka warfaafinta Mustaf Dhuxulow ayaa saaka shaaciyey in dawladu ay u yeertay danjiraha Soomaaliya u jooga Kenya Maxamed Cali Nuur Ameeriko iyo ku xigeenkiisa Siyaad Maxamuud Shire, si wada tashi loola yeesho.

“Aada ayaan u cambaareynaynaa tallaabada ay Kenya kula kacday qunsulka guud ee dawlada Soomaaliya u jooga Kenya, waxaana dib ugu yeernay safirkeena iyo ku xigeenkiisa si wadatashi loogula yeesho halka Muqdisho.” ayuu yiri wasiirka warfaafinta Mustaf Dhuxulow.

Dhinaca kale, danjiraha Soomaaliya u jooga Kenya Maxamed Cali Ameeriko ayaa isaguna xaqiijiyey in maanta isaga iyo ku xigeenkiisa ay ka baxayaan dalka Kenya, ayna ku laabanayaan magaalada Muqdisho si ay wadatashi ula soo yeeshaan madaxda dawlada Soomaaliya.

Dawlada Kenya ayaan weli rasmi ahaan uga hadlin arrintan iyadoo qunsulka guud ee Soomaaliya oo habeen hore la xiray ay arrinta ka bilaabatay.

RBC Radio

Use Facebook to Comment on this Post

Muqdisho (RBC) Safiirka Soomaaliya u jooga wadanka Kenya Maxamed Cali Ameeriko iyo ku xigeenkiisa Siyaad Maxamed Shire ayaa goordhow dib ugu soo laabtay magaalada Muqdisho ee caasimada dalka kadib markii dawlada Soomaaliya ay u yeertay.

Maxamed Cali Ameeriko oo uu wehlinayo ku xigeenkiisa ayaa waxaa garoonka diyaaradaha Aadan Cabdulle ee magaalada Muqdisho kusoo dhaweeyay xubno ka socday wasaaradda arrimaha dibadda, xildhibaano iyo saraakiil ka tirsan xafiisyada raysal wasaaraha iyo madaxtooyada.

Danjire Maxamed Cali Ameeriko ayaa saxafiyiin halkaasi ku sugneyd  kula hadlay, wuxuuna sheegay in isaga iyo ku xigeenkiisa ay ka soo bexeen dalka Kenya kadib markii dawlada Soomaaliya ay wadatashi ugu yeertay ku saabsan xariga loo geystay ku xigeenka danjiraha oo ah qunsulka guud Siyaad Maxamed Shire.

Wuxuu sheegay in dawlada Kenya ay ku xadgudubtay sharciga caalamiga ee diplomaasiyada kadib markii ay xirtay nin diplomaasi ah oo aan wax dembi ah gelin, dalkeedana ku joogay sifo sharci ah.

“Waxaan ka rabnaa in dawlada Kenya ay jawaab cad ka bixiso arrintan ayna noo fasirto sababaha keenay in la xiro qunsulka Soomaaliya.” ayuu yiri danjire Cali Ameeriko.

Go’aankan ayaa ka dambeeyay kadib markii golaha wasiirada Soomaaliya ay xalay soo saareen amar ay ugu yeerayaan danjiraha Soomaaliya ee dalkaasi Kenya, isla markaana wasaarada arrimaha dibadda ay warqad u qortay Kenya si loo weydiiyo xariga diblomaasiga Soomaaliyeed.

Kenya ayaa ka mid ah wadamada ka qeybqaadanaya hawlgalka AMISOM ee ay ciidamadiisa ku sugan yihiin dalka Soomaaliya.

RBC Radio

Use Facebook to Comment on this Post

Mogadishu (RBC) Somalia government has recalled its ambassador to Kenya after Kenya arrested a Somali diplomat on Friday during security swoop in Nairobi, RBC Radio reports.

Both the ambassador Mohamed Ali Nur and his deputy consular Siyad Mohamed Shire returned back to Mogadishu on Sunday.

Somalia’s Information Minister Mustaf Dhuhulow said on Saturday after cabinet meeting that Mogadishu recalls its ambassador to Kenya to protest the arrest of the general consular of Somalia’s Embassy in Nairobi.

the general consular of Somalia’s Embassy in Nairobi Siyad Shire was arrested by Kenyan security forces on Friday as he was heading to his home in Nairobi shortly after he left the embassy premises.

The arrest was widely condemned by Somalia Parliament and the cabinet of the ministers on Saturday calling Kenya to give full explanation on the arrest.

Kenya security forces recently engaged in a security swoop in Nairobi’s Eastleight suburb targeting the Somali immigrants.

RBC Radio

Use Facebook to Comment on this Post

Boosaaso(RBC Radio) Magaaladda Boosaaso ee xarunta gobolka Bari ayaa maanta kulan soo dhaweyn ah loogu sameeyey Wasiir dowlaha Madaxtooyada iyo Xiriirka gobolada Puntland Bashiir Cabdirixmaan Xaaji Gurxan.

Kulanka oo lagu qabtay Hotel Jubba ayaa,waxaa ka qeybgalay Wasiiro ka tirsan Xukuumada,Issimo,aqoonyahan,dhalinyaro,haween,ganacsato,Saxaafadda madaxa bannaan iyo marti sharaf kale.

Nabadoon Ibraahim Aadan Ibraahim furitaanka kulanka hadal kasoo Jeediyey ayaa sheegay in Ujeedada ay kulanka u qabteen uu yahay in ay Isbartaan bulshada ku dhaqan gobolka Bari iyo Wasiir dowlaha.

Xubnihii kala duwanaa ee kulanka kasoo qeybgalay oo kulanka soo dhaweynta hadalo ka jeediyey ayaa sheegay iney soo dhaweynayaan Wasiir dowlaha Madaxtooyada iyo Xiriirka gobolada Puntland,waxayna EEBE uga baryeen in hawsha u fududeeyo.

Wasiir dowlaha Madaxtooyada iyo Xiriirka gobolada Puntland Bashiir Cabdirixmaan Xaaji Gurxan oo gabagabadii kulanka ka hadlay ayaa sheegay in u ku faraxsanyahay soo dhaweynta loo sameeyey.

Bashiir Cabdirixmaan Xaaji Gurxan

Wuxuuna Wasiir dowluhu tilmaamay in hawsha loo xilsaaray sida ugu wanaagsan u gudan doono isla markaana ay ka go’antahay wax u qabashada Shacabka Puntland.

Kulanka soo dhaweynta ah ayaa kusoo dhammaaday Jawi farxadeed,waxaana dhammaan dadkii iyo Wasiir dowluhuba lagu ballamay waxqabad dhab ah.

_________________

RBC Radio

Use Facebook to Comment on this Post

Hambalyo Aroos iyo Meher wada jira

Aabe maxamed Sicid Jidible
Ader Axmed siicii jidible
Ader Osman siciid jidible
Ader Aadan Siciid jidible
Awoowe Axmed Guray
Awoowe Maxamud JAMAC Rush
Abti Daakir maxamud jamac
ABti maxamud Maxamed Cabdala (Dayr)
Abti Abdiqani Maxamud Jamac
Abti MukhtaR Sonaani
Abti mubarak,Muxiyadin,Ali,abdishakur,mahad,iyo dhaman ilma sonani oo dhan
Hooyo Faisa Maxamed Cabdle
Habaryar Layla maxamed Cabale
Ayeeyo Hodon Ismail
Ayeeyo ruun ISmail
Ayeeyo AAmina ismail
Habo Kawsar maxamud jama
Habo farax maxamud jama
SAFA C/lahi Ismail iyo dhaman ila cabdilahi ismail
Eedo Sahra SIciid
Eedo Hodon Sicid
Eedo Foosiya Sicid
Saynab Buraale
Muna maxamed siciid
Nimca maxamed siciid
Adna ,Asma ,Ayaan,Xalima
Cabaase maxamed siciid
Cabdisalaan maxamed sicid
Cabdisamed maxamed siciid
Abduqadir axmed sheikh iyo xaaskisa

⦁ Abtiyo Muuse Jaamac
⦁ Edo Maryan Xaaji Cismaan
⦁ Inaabtiyo Deeqo Muxumed
⦁ Adeerkeed Hanaan Aaden
⦁ Awoowe Aadan Dirir
⦁ Ayeeyo Ardo Xirsi Abokoe
⦁ Edo Maryan Xaji Osman iyo caruurteeda
⦁ Axmed Ibraahim
⦁ Edo Qadijo Hirsi
⦁ Deeqa Muxumud
⦁ Siciid Muxumu
⦁ Indertay Faaduma Xasan
⦁ Ayaan Maxamed Xirsi
⦁ Maslax maxamed Xirsi
⦁ Deeqa Ciise Xirsi
⦁ C/Qaadir Ciise Xirsi
⦁ Siciid Ciise Xirsi iyo Xaaskiisa caruurtisa
⦁ Nuura Ciise Xirsi
⦁ Ifraax Ciise Xirsi
⦁ Maxamuud Ibraahim Faarax
⦁ Abti Mahamed Jamac
⦁ Abdiraxmaan Maxamed Jamac iyo Xaaskiisa
⦁ Rahma Maxamed

Arooska: C/risaaq Maxamed Siciid
&
Aroosada: Qadan Ciise Xirsi

Date: 25/4/2014
Place: hadhwanaag Hotel – Hargeisa Somaliland

Hambalyo wiil iyo caano gabadh iyo caano

Use Facebook to Comment on this Post

Waxaa goor dhawayd soo xirmay Shirkii Madaxda Dalalka Afrikaee ka socday magaalada Bahir dar ee Dalkaasi Ethiopia , shirkaasi oo looga hadlayey dhawr qodod oo la xiriira amuuraha Amniga Qaradda Afrika,

Madaxweyne Gaas oo ku hadlay afka Ummada Soomaaliyeed

Madaxweynaha dawlada Puntland Mudane Dr. Cabdiweli M. Ali Gaas oo ka qayb galay shirkaasi ayaa ku hadlay afka Bariga & Geeska Afrika, khaasatan Dalka Soomaaliya isagoo khudbad Taariikhi ah ka jeediyey Shirka.

Use Facebook to Comment on this Post

Mogadishu (RBC) The Special Representative of the Chairperson of the African Union Commission for Somalia (SRCC), Ambassador Mahamat Saleh Annadif wishes the Republic of Sierra Leone a happy 53rd Independence Day.

“On this auspicious day, I extend my heartfelt congratulations to the Republic of Sierra Leone for being a rising African Nation, after a civil war that lasted from 1991 to 2002, Sierra Leone has worked tremendously hard at transforming its army into a professional force that is now capable of contributing to international peacekeeping missions” he said.

The message comes at a time when Sierra Leone is commemorating ”the courage and spirit of all Sierra Leoneans as well as the ties of friendship that bind our African spirit together”

Sierra Leone currently provides 850 troops to AMISOM and are currently based in the port city of Kismayo in southern Somalia serving alongside Kenyan and Burundian Forces. The West African country forms AMISOM’s fifth national contingent, after Burundi, Djibouti, Kenya and Uganda. The country is also a police contributing country which deploys 47 police personal..

“On this special day, I extend best wishes to all Sierra Leoneans as they chart a path toward greater peace, security and, prosperity.”

Use Facebook to Comment on this Post

Muqdisho (RBC) Sida uu sheegay wasiirka amniga qaranka Dawlada Federaalka Soomaaliya, waxay dawladu ruqsada u diiday dhamaan shirkadaha amniga ee gaarka loo leeyahay ee ka hawlgala magaalada Muqdisho marka laga reebo hal shirkad oo ilaalisa hay’adaha UN-ka.

Wasiirka amniga C/kariin Xusen Guuleed oo maanta iyo shalay hortagay baarlamaanka kana jawaabayey su’aalo ay xildhibaanadu weydiiyeen, ayaa wuxuu cadeeyay in guddiga amniga qaranka iyo wasaaradda amniga ay go’aan ku gaareen in dhamaan shirkadaha amniga ee gaarka loo leeyahay oo ay dawladii ku-meelgaarka siisay ruqsadaha inaan dib loo siin ruqsado.

“Markaan ka tashanay waxaan go’aan ku gaarnay in shirkadahaasi inta weli heysaa ruqsad ay kuu shaqeeyaan loo sugo illaa inta ruqsadooda ka dhamaaneyso, markay dhamaanatana dib dambe aan loogu cusbooneysiin.” ayuu yiri wasiirka.

CIIDAN GAAR AH OO LA ABUURAYO

Wasiirka amnigaayaa xildhibaanada baarlamaanka u sheegay in xukuumadda ay abuureyso ciidan gaar ah oo lagu magacaabo “Diplomatic Police” kuwaasoo ilaaliya xafiisyada iyo shaqaalaha caalamiga ah oo ay ku jiraan safaaradaha ku sugan Muqdisho, hay’adaha caalamiga iyo kuwa Qaramada Midoobay.

Wasiirka ayaa sheegay inay socoto diyaarinta, tababarida iyo qalabeynta ciidankaasi, ujeedada dawladuna ay tahay inay bedelaan meeshana ka saaraan ciidamada gaarka ah ee ay sameystaan shakhsiyaad ganacsato iyo hoteelo iska leh oo iyagu adeeg amni bixiya.

AMAANKA QARAMADA MIDOOBAY

Wasiirka amniga qaranka ayaa sheegay in hal shirkad oo ilaalisa hay’adaha Qaramada Midoobay xarunta weyn ee ay ku leeyihiin Muqdisho weli ay shaqeyso, taasoo ruqsadeeda ay ku ekeyd bishii Jannaayo ee la soo dhaafay balse kadib codsi ka yimid hay’adaha Qaramada Midoobay iyo mulkiilayaasha shirkadaasi ay dawladu dib ugu cusbooneysiisay shirkadaasi ruqsad ku eg saddex bilood kaliya.

Shirkadaha hadda ka shaqeeya magaalada Muqdisho ayaa qaarkood waxaa iska leh shakhsiyaad ajnabi ah oo ku hawlan hawlaha amaanka, kuwaasoo horey walaac looga muujiyey inay ku lug yeelan karaan arrimaha amni darrida maadaama aanay jirin xukuumad awood u leh la socodka hubka iyo ciidamada ay heystaan.

RBC Radio

Use Facebook to Comment on this Post

Nairobi (RBC) According to the International anti-piracy forces in Somalia, On Saturday the master of a dhow spoke of his relief after 6 armed pirates, who had taken his vessel and crew hostage 14 days earlier, fled the scene after sightings of an EU Naval Force maritime patrol and reconnaissance (MPRA) aircraft.

The master confirmed his ordeal to members of the Boarding Team from the EU Naval Force flagship, FGS Brandenburg, after the German warship had closed the sea area to investigate the dhow.

The master stated that the pirates had forced him and his crew to sail to the Gulf of Aden, where they had planned to use the dhow as a ‘mother ship’ to attack merchant ships at sea.

Before they left the dhow, the master said that the pirates had stolen electronic equipment and other personal items from the crew.

Speaking about the incident, the EU Force Commander, Rear Admiral Jürgen zur Mühlen, stated “This event confirms that the piracy threat is still very real. The deterrence and swift action by EU Naval Force has once again denied freedom of action to pirates.”

Warships from EU Naval Force continue their counter-piracy patrols in the Indian Ocean and Gulf of Aden.

RBC Radio

Use Facebook to Comment on this Post

Muqdisho (RBC) Mudanayaasha baarlamaanka Soomaaliya oo maanta su’aao weydiiyay wasiirka arrimaha gudaha iyo federaalka C/laahi Goodax Barre ayaa si adag uga hadlay in C/fataax Xasan Afrax loo magacaabo guddoomiyaha gobalka Hiiraan.

Xildhibaanada su’aalaha weydiiyay wasiirka ayaa ku dheeraaday ka hadalka arrimaha maamulada gobollada, iyagoo weydiyay wasiirka qaabvka ay ku timid magacaabista dhowr maamul oo gobolada loo magacaabay.

Xildhibaanada su’aalaha ka keenay arrinta gobalka Hiiraan ayaa ku eedeeyay in guddoomiyaha hadda loo magacaabay Hiiraan C/fataax Xasan Afrax ay horey uga sheegteen dadweynaha ku nool gobalka Hiiraan oo sida lagu eedeeyay uu ka dilay boqolaall ruux kuwaasoo ku maqan gacanta C/fataax Afrax.

Mudanayaasha ayaa sidoo kale cadeeyay in wasiirka C/laahi Goodax Barre laftiisa uusan raali ka ahayn in C/fataax Xasan Afrax loo magacaabo gobalka Hiiraan, balse magacaabistan uu gaar ku ahaa madaxweyne Xasan Sheekh Maxamuud.

“In adiga laftaada wasiir aad diidaneyd, marka ma noo sheegi kartaa sababaha kaligay in madaxweynaha uu ku celiyo C/fataax reer Hiiraan iyadoo sanad ka hor uu xilka ka qaaday kadib markii dadka reer Hiiraan ay codsadeen in la dhaafiyo oo ay yitahdeen madaxweyne diyaarada aad raaceyso yuu ka harin.” sidaasi waxaa yiri mid ka mid ah xildhibaanada maanta su’aalaha weydiiyay wasiirka.

Inkastoo wasiirka uusan su’aashaasi maanta ka jawaabin ayaa waxaa lagu wadaa in marka ay dhamaadaan 25 su’aalood oo berito ugu harsan xildhibaanada inuu ka jawaabo dhamaan su’aalaha adag ee la hor dhigay.

Waxyaabaha uu wasiirka intii uu joogay kulanka baarlamaanka uu ka hadlay waxaa ka mid ahaa baahiyaha keenay in maamulo ku-meel gaar ah loo dhiibo gobollada iyo degmooyinka dalka ee laga saaro kooxda Al Shabaab si buu yiri ayan meesha uga dhicin marnaan xagga maamulka iyo amniga ah oo isku xiran.

RBC Radio

Use Facebook to Comment on this Post

Mogadishu (RBC) Members of Somali Parliament have on the second day continued to question the ministers of Interior and the National Security in Mogadishu while the two ministers replied more critical inquirings, RBC Radio reports.

In the first session of Monday’s sitting, the lawmakers of Somalia presented tough questions to the National Security Minister Abdikarim Hussein Guled who faced the House of the People for the second day.

During the session chaired by the Speaker Mohamed Osman Jawari, Parliamentarians raised great concern on the weakness of the country’s security apparatus and the incompetence showed by the minister and his staff.

“We see that your excellence Mr Minister, that you spared nothing and that you could not bring peace and stability, so I ask will you be ready and pleased to resign in order to safeguard the nation.” MP Adil Shegow critically asked the minister.

Despite long replies on the security development and the recent operations made by the National Security and the Intelligence in Mogadishu, Minister Guled was not willing to answer whether he will resign or not as raised by the MPs.

Legislators also critically questioned the Interior an Federal Affairs Minster Abdullahi Godah Barre who will also appear to the parliament on Tuesday.

RBC Radio

Use Facebook to Comment on this Post