Qaramada midoobe ayaa ku baaqday in la kordhiyo ciidamada AMISOM ee hawlgalka ka wada dalka Soomaaliya ergeyga gaarka ah ee xoghayaha guud ee Jimciyada quruumaha ka dhaxaysa u qaabilsan arimaha Soomaaliya Dr Augustina Mahiga oo wariyaasha ku hadlayey magaalada Daara-Salaam ee dalka Tanzania ayaa ka dhawaajiyey in loo baahan yahay kordhinta tirada ciidanka AMISOM si ay u hantaan gacan ku haynta gobolada ay wali ku sugan yihiin alshabaab.
Augustina Mahiga ayaa sheegay in awood alshabaab ay wali tahay mid aan la dhayalsan karin,wuxuuna ku baaqay in ciidanka AMISOM ee hada kusugan Soomaaliya oo tira ahaan gaaraya 17 kun ay haboon yahay in la gaarsiiyo ilaa 37 kun oo askari.
Ergayga gaarka ah ee qaramada midoobe u qaabilsan Soomaaliya Augustina Mahiga ayaa ku amaanay ciidamada AMISOM gaar ahaa kuwa ka socda dalalka Burundi iyo Uganda dadaalka dheer ee ay u galeen nabad kusoo dabaalida dalka Soomaaliya.
“si ay markale Soomaaliya cagaheeda iskugu taagto waa in laga taageeraa dhinacyada dib u dhiska ciidanka qaranka Soomaaliya si ay u hantaan sugida nabadgalyada dalkooda waxaa kaloo muhiim ah in,dhaqaalaha iyo siyaasada gacan laga siiyo Soomaaliya” waxaa sidaas warbaahinta u sheegay ergeyga qaramada midoobe u qaabilsan Soomaaliya Augustina Mahiga.
RBC Radio
Xafiiska Wararka Muqdisho
Use Facebook to Comment on this Post
