Guddoomiyaha gobolka Bari Cabdisamad Maxamed Gallan oo RBC Radio ugu waramay Xafiiskiisa
Boosaaso[RBC Radio] Madaxda gobolka Bari ayaa maanta soo dhaweeyey Shirka ka soconaya magaaladda Kismaayo ee maamulka loogu sameynaanyo gobolada Jubbooyinka iyo Gedo,iyagoona ku tilmaamay tallaabo horumar leh.
Guddoomiyaha gobolka Bari Cabdisamad Maxamed Gallan oo RBC Radio ugu waramay Xafiiskiisa Boosaaso ayaa sheegay in Shacabka Jubbooyinka iyo Gedo ku dhaqan Xaq u leeyihiin in Maamul goboleed dhistaan taasina uu u Ogolaanayo Dastuurka Federaalka ee Soomaaliya.
Mudane Gallan ayaa sheegay in Shirka ka soconaya magaaladda Kismaayo yahay mid dan ay ugu jirto Shacabka deegaanka isla markaana tallaabada ay qaadeen tahay mid ku dayasho mudan,
…”"” Walaalaheena Jubbaland waan ugu hambalyeyneynaa guulaha ay gaareen iyo meesha ay wax marinayaan,waxaan Oran karnaa xaq bey u leeyihiin,waxaana ay kamid yihiin kuwii uu tilmaamay Dastuurka maadaama laba gobol iyo ka badan yihiin ayna gaarayaan Saddex gobol in ka badan….“”ayuu yiri Cabdisamada Gallan,
Halkan ka Dhageyso Codka Guddoomiyaha gobolka Bari Cabdisamad Maxamed Gallan Guji Halkan
Shirka Socda Waa Guul!!!!
Guddoomiye Cabdisamada Maxamed Gallan ayaa sheegay in shirka socda uu yahay mid lagu tilmaami karo guul,wuxuuna mahadcelin ballaaran usoo jeediyey cid kasta oo ka qeybqaataday dhismaha Jubbaland.
Shirka Kismaayo
…”"” Waxaan oran karaa arrintan waa mid guul ah oo lagu farxo,waana uga mahadcelinaynaa Waxgaradkii,Siyaasiyiintii,Cuqaashii,Ganacsatadii iyo Aqoonyahanadii isu xilsaaray arrintaas iyada ah ilaa hadeerna bartamaha kaga jira….”"“ayuu yiri.
Waxa uu tilmaamay in Shirka ka soconaya magaaladda Kismaayo uu u rajeynaayo isaga oo ku hadlaaya magaca Shacabka gobolka Bari guul,wanaag iyo sharaf isla markaana uu noqdo mid Ummada Soomaaliyeed oo dhan raaligelin kara gaar ahaana dadka deegaanka,
Dawladda Federaalku Ha Taageerto
Shirka!!
Dawladda Federaalka ee Soomaaliya ayuu Guddoomiyuhu ka codsaday in ay taageerto Shirka Kismaayo ka socda laguna doonayo in lagu dhiso maamul goboleed dadka deegaanku kuwada qanasanyihiin kaaso oo lagu magacaabo Jubbaland,
Guddoomiyaha gobolka Bari Cabdisamad Maxamed Gallan ayaa sheegay in hawsha hadda socota ay u taalay dawladda Federaalka ee Soomaaliya ayna ahayd in qudheeda in maamul ay ku mideysan yihiin dadka deegaanka sameyso balse nasiib wanaag tallabadaas iyagu isu xilqaameen taasina looga baahanyahay in dawladu ku taageerto.
…”"” Maamulka dawladda Soomaaliya ee federaalka ah waxaan oran karnaa hawl badan iyo culeys badan oo u taalay in wadanka goboladiisa oo dhan nidaamka Federaalismka marka culeys badan oo sugaayey baad moodaa in laga fududeeyey oo dadku iyagu Is xilqaameen oo iyagu is abaabuleen kaliya waxaa u dhiman in maamulku doorkii u ku lahaa in uu ka qaato….”"“ayuu yiri Gallan.
Si kasta Shirka ka soconaya magaaladda Kismaayo ee lagu doonayo in lagu dhiso maamul goboleedka Jubbaland ayaa waxaa si weyn u taageersan Shacabka ku dhaqan Puntland gaar ahaana gobolka Bari,
_____________________________
Cismaan Turaabi
RBC Radio
Xafiiska Boosaaso
Use Facebook to Comment on this Post
