Afgooye(RBC Radio) Wararka naga soo gaaraya degmada Afgooye ee gobolka Shabeelaha hoose ayaa ku waramaya in halkaas uu gordhow ka dhacay qarax miino qaraxa ayaa la sheegayaa in lala eegtay ciidamo ka tirsan kuwa dowlada Soomaaliya ee ku sugan magaalada Afgooye.
Qaraxa oo ahaa miinada dhulka lagua aaso ayaa la soo sheegayaa in lagu weeraray ciidamo ka tirsan dowlada oo ku sugnaa bartamaha suuqa weyn ee degmada Afgooye xili ay ku hawlanaayeen qaadista Canshuurta ay dowladu ka qaado ganacsatada suuqa deg,mada Afgooye.
Wararka horudhaca ah ee kasoo baxaya khasaaraha weerarkaas ayaa sheegaya in Hooyo iyo labo carruur ah oo ay dhashay ay ku dhaawacmeen qaraxaas,ilaa hada lama sheegin khasaaro soo gaaray ciidamadii weerarka lala eegtay.
Ciidamada dowlada ee qaraxa lala beegsaday ayaa qaraxa markii uu dhacay waxaa la asheegay iney rasaas badan fureen,waxayna intaa kadib ka bilaabeen hawlgalo nawaaxiga goobta uu qaraxu ka dhacay si ay u baadi doonaan dadkii ka danbeeyey qaraxaas.
Wixii kusoo Kordha qaraxaas kula soco wararkeena soo aaddan Insha Allah.
RBC Radio
Xafiiska Wararka Muqdisho
Use Facebook to Comment on this Post
