Dhuusamareeb(RBC Radio) Haweenka ku dhaqan magaalada Dhuusamareeb ee xarunta gobolka Galgaduud ayaa ku dhawaaqay Dallad ay ku mideysan yihiin Dalladaas oo loogu magac daray Intifaac ayaa waxaa gudoomiye loogu doortay iney ka noqoto Sowdo Cilmi Xasan.
Sowdo Cilmi gudoomiyaha ururka haweenka Dhuusamareeb ee Intifaac oo madasha hadal ka jeedisay ayaa sheegtay iney ururka haweenka u aas-aaseen sidii ay u caawin lahaayeen dadka danyarta ah ee ku dhaqan magaalada Dhuusamareeb gaar ahaa haweenka oo ay sheegtay iney yihiin dadka ugu nugul bulshada.
Gudoomiyaha ayaa intaa ku dartay in dhisida ururka haweenka Dhuusamareeb ay ka danbeysay kadib markii ay arkeeen baahida loo qabo midnimada haweenka magaalada si bey tiri ay uga qayb qaataan horumarada badan ee ka socda degmada Dhuusamareeb ee xarunta gobolka Galgaduud.
Gudoomiyaha ururka Haweenka Dhuusamareeb Sowdo Cilmi ayaa sheegtay iney hirgalin doonaan sanduuq dhaqaale ay ugu aruuriyaan agoonta iyo haweenka danta yar waxayna ballan qaaday iney ka shaqan doonto mideynta haweenka degmada iyo horumarintooda.
RBC Radio
Xafiiska Wararka Muqdisho
Use Facebook to Comment on this Post
