Muqdisho(RBC Radio) Wasaarada caafimaadka dowlada Soomaaliya ayaa ka warbixisay xaaladaha caafimaad ee deegaanada gobolka Galgaduud ee bartamaha Soomaaliya waxayna sheegtay in dhawaan guud aah deegaanada iyo degmooyinka gobolkaas ay ka hirgalineyso mashruuca daryeelka caaafimaadka deegaanada dalka oo ay hore wasaaradu ugu dhawaaqday.
Agaasimaha waaxda caafimaadka wasaarada horu marinta adeega bulshada Dr C/risaaq Axmed ayaa sheegay in wasaaradu ay qorsheynayso iney adeegyo caafimaad eee ded deg ah gaarsiiso gobolka oo uu sheegay iney ka jiraan xaalado caafimaad oo liita kuwaas oo sida uu sheegay u baahan in si dhaqso ah looga jawaabo.
Wuxuuna tilmaamay in baaxada gobolka Galgaduud iyo tirada goobaha caafimaad ee ku yaalla gobolkaas aysan ahayn kuwo isku dhigma sidaas darteedne ay dowladu qorsheysay iney sida ugu deg degga badan u gaarsiiso gobolkaas adeegyo caafimaad iyio dawooyin si loogu daboolo baahida caafimaad ee ka jirta xiligan.
Agaasimaha waaxda caafimaadka wasaarada adeega ayaa sheegay in qorshaha dowlada ee daryeelka adeega caafimaadka Aas-aasiga ah uu yahay sidii dadka ku dhaqan gobolka Galgaduud ay u heli lahaayeen adeegyo caafimaad oo dhamaystiran.
RBC Radio
Xafiiska Wararka Muqdisho
Use Facebook to Comment on this Post
