Muqdisho(RBC Radio) Kooxda waayaha cusub ayaaa xalay magaalada Muqdisgo ku qabtay bandhig faneed ballaaran oo ay kusoo gabagabeynayeen booqashooyin isdaba joog ah oo ay ku imaanayeen caasimada Muqdisho bandhiga faneedka ayaa waxaa qayb ka ahaa fanaaniin Ajaanib ah oo kasoo kala jeeda wadamada Mareykanka,Kenya,Afgaanistaan,Ethiopian iyo Tanzania kuwaas oo muujinayey isbedelka nabadgalyo ee ka dhacay magaalada Muqdisho.
Xaflada ayaa waxaa lagu qabtay Hoteelka City Plaza waxaana kasoo qayb galay dad fara badan oo ku dhaqan magaalada Muqdisho Bilowgii xaflada bandhi faneedka ayaa waxaa halkaas heeso kala duwan kusoo bandhigay kooxda fanaaniinta ee Afra Simaba oo si weyn caan uga ah gudaha dalka Kenya.
Bandhig faneedka ayaa ujeedka loo qabtay waxa uu ahaa mid lagu muujinayey amniga ka hirgalay magaalada Muqdisho ee caasimada Soomaaliya,waxaana warbaahinta la hadlay gudoomiyaha waayaha cusub oo sheegay iney bandhig faneedkan uga gol lahaayeeen sidii ay u muujin lahaayeen in caasimada Muqdisho uu ka jiro amaan buuxa,wuxuuna tilmaamay in bandhig faneedkani uusan noqon doonin kii ugu danbeeyey balse uu yahay kii ugu horeeyey ee bandhig faneedyo xiriir ah oo ay ku qaban doonaan magaalada Muqdisho.
Bandhig faneedka ayaa waxaa soo abaabulay kooxda fanaaniinta da’da yar ee Waayaha cusub ee ka dhisan magaalada Nairobi waxaana kala qayb galay in ka badan dhowr iyo toban Fanaan oo shisheeye kuwaas oo qayb ka ahaa bandhig faneedka lagu muujinayey amniga caasimada Muqdisho.
Shiine Akhyaar oo saxaafada la hadlayey ayaa shaaca ka qaaday in magaalada Muqdisho ay ka gudubtay waayihii colaadaha iyo dagaalada ee ay soo martay isla markaane ay xiligan ku talaabsatay horu mar iyo nabad buuxda,wuxuuna ugu yeeray qurba joogta Soomaaliyeed iney dalka dib ugu soo noqdaan dalkooda hooyo gaar ahaan magaalada caasimada ee Muqdisho.
RBC Radio
Xafiiska Wararka Muqdisho
Use Facebook to Comment on this Post
