Garbahaarey(RBC Radio) Raysal Wasaare Cabdi Faarax Shiirdoon Saacid iyo wafti ballaaran oo uu hogaaminayo ayaa saaka ku fool leh magaalada Garbahaarey ee xarunta gobolka Gedo isbedel weyn oo dhanka sugida amniga ah ayaa saaka laga dareemayaa magaalada Garbahaarey halkaas oo ay si weyn uga socoto qaban-qaabada soo dhaweynta R/wasaaraha dalka Soomaaliya iyo waftigiisa.
Gudaha magaalada Garbahaarey ayaa waxaa lagu arkayaa askar fara badan oo ka tirsan ciidamada dowlada kuwaas oo lagu arkayo iyagoo gaaf wareegaya wadooyinka magaalada si ay u xaqiijiyaan amniga magaalada maadaama ay magaalada soo wajahan yihiin wafti sare oo uu hogaaminayo wasiirka koowaad ee dalka Cabdi Faarax Shiirdoon Saacid.
Socdaalka R/wasaaraha ayaa waxaa ku wehlinaya wasiiro ka tirsan xukuumadiisa iyo mudanayaal ka tirsan baarlamaanka waxaana lagu wadaa in saacadaha soo aaddan ay ka dagaan gagida diyaaradaha magaalada Garbahaarey ee xarunta gobolka Gedo.
R/wasaaraha ayaa maalmihii danbe safaro is daba joog ah ku tagayey gobolada dalka wuxuuna ugu magacdaray socdaalkiisa gobolada Safarkjii Dhegeysiga kaasoo uu sheegay inuu ugu kuurgalayo xaaladaha bulshada gobolada iyo rabitaankood si ay dowladu uga shidaal qaadato shacabkane ugu hogaamiso rabitaankooda.
RBC Radio
Xafiiska Warraka Muqdisho
Use Facebook to Comment on this Post
