Galgaduud(RBC Radio) Wararka ka imaanaya Tuulada Burshiilood ee gobolka Galgaduud ayaa ku waramaya in halkaas uu ka dhacay dagaal beeleed geystay khasaare iskugu jira dhimasho iyo dhaawac dagaalka ayaa dhexmaray 2 maleyshiyo beeleed reer miyo ah kuwaas oo la sheegay inuu dagaalkoodu salka ku hayao lahaanshaha dhulbeereed ku yaala tuulada Burshiilood ee gobolka Galgaduud.
1 Ruux ayaa ku dhintaay halka 8 kalane ay ku dhaawacmeen dadka ay dhibaatadu soo gaartay ayaa dhamaantood la sheegay iney ahaayeen maleyshiyaad beeleedkii dagaalku uu ku dhexmary tuulada,dadkii ku dhaawacmay dagaalkaas ayaa waxaa la gaarsiiyey xarumo caafimaaad oo ku yaalla deegaanka Camaara ee gobolka Galgaduud.
Gudoomiyaha deegaanka Camaar ee maamulka Ximan iyo Xeeb Yuusuf Salaad Max’uud ayaa xaqiijiyey in maleyshiyo beeleed ay ku dagalameen tuulada Burshiilood oo qiyaas ahaan 25km u jirta deegaanka Camaara ee gobolka Galgaduud,wuxuuna sheegay in dagaalku uu ka dhashay kadib markii 2-da maleyshiyo beeleed ay ku murmeen lahaashaha dhul beereed ku yaala deegaanka uu dagaalku ka dhacay.
Gudoomiyaha deegaanka Camaara ayaa baaq u diray waxgaradka 2-da beelood ee dagaalamy wuxuuna ugu baaqay in dagaalkaa si shuruud la’aan ah loo joojiyo iska markaane la bilaabo waan waan iyo wada hadal lagu xalinayo dagaalka ka dhacay tuulada Burshiilood ee gobolka Galgaduud.
RBC Radio
Xafiiska Wararka Muqdisho
Use Facebook to Comment on this Post
