Freetown(RBC Radio) Dowlada wadanka Sierra-Leon ayaa sheegtay iney ciidamo hor leh usoo direyso dalka Soomaaliya xaflad balaaran oo tababar loogu soo xirayey ilaa kun askari oo u dhashay dalka Sierra-Leon kuwaas oo loo diyaarinayey sidii ay usoo gaari lahaayeen gudaha Soomaaliya si ay uga mid noqdaan hawlgalka Amisom ayaa lagu qabtay wadankaas.
Munaasabada xiritaanka Tababarka Ciidankaas ayaa waxaa hadal ka jeediyey madaxweynaha wadanka Sierra-Leon Ernest Koroma wuxuuna sheegay in ciidankan loogu tala galay iney qayb ka noqdaan hawlgalka midowga Afrika ay ka wadaan dalka Soomaaliya ee Amisom,wuxuuna sheegay in dalkiisu uu kaalin muuqata ka ciyaari doono nabad kusoo dabaaliada wadanka Soomaaliya.
Madaxweyne Ernest Koroma ayaa u mahad celiyey wadamada Mareykanka iyo Ingiriiska oo uu sheegay iney gacan weyn ka geysteen tababarka iyo qalabeynta ciidanka reer Sierra-Leon ee loosoo dirayo wadanka Soomaaliya.
Dowlada Sierra-Leon ayaa waxaa hore uga joogay dalka Soomaaliyo Saraakiil boolis ah oo gacan ka geysta sugida amniga dalka Soomaaliya gaar ahaan magaalada Muqdisho ee caasimada Soomaaliya oo ah fariisinka madaxda dalka.
RBC Radio
Xafiiska Wararka Muqdisho
Use Facebook to Comment on this Post
