Zurich[RBC Radio]Magaalada Zurich ee xarunta xiriirka kubadda cagta ee yurub ayaa waxaa maanta lagu qabtay munaasabad looga dhawaaqay isku aadka 16-ka kooxood ee u soo baxay wareeggii labaad ee koobka horyaalka kooxaha qaaradda Yurub ee loo yaqaan UEFA Champions League, waxaana la sheegay in sannadkan uu tartankaasi leeyahay xiiso gaar ah kaddib markii ay isku aadeen kooxaha Arsenal Vs Bayern Munich iyo kooxaha Barcelona Vs Manchester City.
Isku aadkan 16-ka kooxood ee u soo gudbay wareegga labaad ee koobkan ayaa waxaa lagu saleeyay hab bakhtiyaa-nasiib ah, iyadoo aad loola yaabay sida ay isugu aadeen kooxahan adag oo ah kuwii baqdinta looga qabay inay koobkan qaadaan.
Kooxda Chelsea ee iyadu uu hoggaamiyo Macalin Morinho ayaa ku beegantay kooxda dalka turkiga ka socota ee Galatasaray oo u u ciyaaro ciyaaryahan Didier Drogba oo horey kooxda ugula guuleeystay koobkan.
Hoos Ka Akhriso Isku aadka oo Dhameystiran
Barcelona Vs Manchester City
Arsenal VS Bayern Munich
Chelsea Vs Galatasaray
Manchester Vs Olympiakos
AC Milan Vs Atletico Madrid
Bayer Leverkusen Vs Paris St-Germain
Schalke Vs Real Madrid
Zenit St Petersburg Vs Borussia Dortmund
Ciyaarta koobaad ee wareega 16ka ayaa waxaa la ciyaari doonaa 18-19 bisha labaad ee sanadka soo socda ee 2014.
Ciyaarta ugu danbeysa ee koobka naadiyada yurub ayaa 24 May ee sanadka 2014 waxaa lagu qaban doonaa Magaalada Lisbon ee caadimada dalka Portugal.
____
RBC Radio
Use Facebook to Comment on this Post
