Garoowe (RBC RADIO) Generaal C/laahi Siciid Samatar oo kasoo ambabaxay Magaalada Qardho ee Caasimada Gobolka Karkaar ayaa soo gaaray Magaalada Garoowe isaga iyo Wafdi uu hogaaminayo waxaana loo galbiyay Hoyga uu Magaalada looga diyaariyay ma jiraan wax warbixin ah oo uu sameeyey Generaalku mana jiraan cid qaban qaabineysay Soo dhaweyntiisa sida Musharaxiinta kale looga bartayna ma jirin dad badan oo Magaalada hareereheeda kusoo dhaweeyey, iyadoo aan la ogayn sababta ay arintaasi u dhacday.
Generaalku waxaa wehliyay 2tikniko ah oo uu watay iyo Ciidan mana jirin wax is hortaag ah oo lagu sameeyey wuxuuna ka qayb galay markiiba kulan ay iminka ku leeyihiin Hotel Rayaan oo aan la ogayn waxa ay ka hadlayaan musharaxiinta kale ee Garoowe uga soo horaysay..
Generaal C/laahi Siciid samatar oo Musharaxiinta Puntland ka mid ah ayaa kal hore sheegay hadii xilka loo dhiibo in uu isbedel muuqda la iman doono Amaankana sugi doono kana hortagi doono wax walba oo dhib ku ah Amaanka Dalka inkastoo Generaalku uu ahaa Musharaxii ugu Tiknikada badnaa ee Garoowe soo gaara.
RBC RADIO
Xafiiska Wararka Garoowe.
Use Facebook to Comment on this Post
