Nambar 50-ton [RBC Radio]Warar goor dhawed ina soo gaaraya waxa ay xaqiijinayan in dagaal uu markale ka dhacay deegaanka Nambar 50-ton oo ka tirsan gobolka Shabeellaha hoose.
Dagaalka markale ka qarxay Nambar 50-ton,ayaa lugu sheegay inuu xooggana waxaana uu u dhaxeeyey sida ay inoo sheegen dadka deegaanka maleeshiyada labo beelood oo maalmihii tagay ku dagaalamayey gobolka Shabeellaha hoose, waxana wararka anuu deegaanka ka helayno ay inta ku darayaan in saakay lagala wareegay deegaanka N0 50- maamulkii horay halkaasi ugu sugnaa, ayna la wareegeen mid ka mid ah beelaha dagaallamaya ciidamadooda.
Waxaa la xaqiijiyey in xubnihii horrey uga talinjiray deegaannka in laga saaray oo ay gabi ahaanba isaga baxeen No-50,waxana la sheegay in xilligi maleeshiyadka ay ka baxeen deegaanka inay la wareegen ciidamada maleeshiyada ah,kuwaaso la sheegay in ay wataan gaadiidka Tiknikada ee ciidamada milatariga Soomaaliya ay leeyihiin,balse ay u abaabulan yihiin qaab beeleed halkaasna sidaas kula wareegay.
Arrinta xilligaan ka soo cusboonatay deegaanka Nambar 50-ton ee gobolka Shabeellaha hoose waxaa ay ka dhigaysa,inay xaaladda ay sii xumato xasiloonida gobolkana ay faraha ka baxdo maadamaa dagaallo ay la daggeen muddadii danbe,waxana xilligana muuqat in gobolku uu galay marxalad cusub iyadoona labada dhinac ee dagaallamaya hubka ay isku adeegsanayaan ay u badan yihiin ku dowlada Soomaaliya, mana jirto wax war ah oo ka soo baxay dowladda Soomaaliya oo ku saabsan dagaallkan u dhaxeeya labada beeleed.
Illaa haddana lama xaqiijin inta uu la egyahay iska hor imaadka dhacay khasaarihiisa,maadamaa la sheegayo in wali xiisad ay ka taagan tahay deegaannka.
Wixii kusoo kordha warkana kala soco Raxanreeb.com
_______
RBC Radio
Use Facebook to Comment on this Post
