Qardho(RBC Radio) Waxaa maanta magaalada Qardho siweyn loogu soo dhaweeyey Musharax C/llaahi Siciid Samatar oo ahaa Musharixii ugu horeeyey ee ku dhawaaqo in uu yahay Musharax u taagan Xilka Madaxtinimada Puntland waxaana soo dhaweyntiisa ka qeybgalay qeybaha kala duwan ee Bulshada ku nool magaalada Qardho,waxaana si weyn maanta wacdaro u dhigay Fardooleyda oo qeyb ka ahaa soo dhaweynta Musharax C/laahi Siciid Samatar.
Taageerayaasha Musharax Generaal C/laahi Siciid Samatar ayaa maanta u kala harin soo dhaweyntiisa,waxa ayna siteen Boorar ay ku qoranyihiin soo dhaweynta Musharaxa,iyadoo markii uu soo gaaray halkii lagu soo dhaweenayey ay toos u soo galeen magaalada Qardho,waxa ayna ku soo dhexwareegeen magaalada Qardho,Hareeraha waddada laamiga ayaa waxaa safnaa dadweyne aad u badan oo la dhacsan musharax C/llaahi Siciid Samar,waxa ayna ku dhawaaqayeen Guusha Yaaleh C/llaahi.
Musharax C/llaahi Siciid Samatar ayaa la hadalay daweynihii soo dhaweeyey waxa uuna ugu mahadceliyey soo dhaweynta diiran ee maanta loogu sameeyey magaalada Qardho,Musharax ayaa soo dhaweeyey hadalka Madaxweyne Faroole oo ahaa in uu la kulmo Musharixiinta,waxa uuna baaq u diray Isimada in ay ka soo baxaan kaalintooda Maadaama Puntland ay u baahantahay in xaaladeeda siyaasadeed wax laga qabto.
Musharax C/llaahi Sicid Samatar ayaa sheegay in uu maanta dareenkiisa wax uu ku cabiro garan Karin maadaama shacabweynaha Qardho ay tuseen taageero kicisay dareenkiisa.
Musharax C/llaahi Siciid Samatar ayaa la filayaa in uu kulamo la yeesho qeybaha Bulshda Qardho kadibna u gudbo magaalada Garoowe.
C/raxman Maxamed Cali (Black)
Qardho-Karkaar-Puntland-Somalia.
Use Facebook to Comment on this Post
