Madaxweynaha oo RW la sheegay inuu ku dhawaqayo
Muqdisho[RBC Radio]Madaxweynaha Soomaaliya Xassan Sheekh Maxamuud ayaa goor dhow laga filayaa inuu soo magacaabo R/wasaaraha cusub ee Soomaaliya kaaso booska ka badali doonna Ra’iisal wasaarihii horre Cabdi Faarax Shirdoon (Saacid).
Magacaabista R/wasaarahan cusub ayaa imaanaysa xilli baarlamaanka Soomaaliya 02-dii bishan si aqlabiyad ah kasloonida ugala laabtay xukuumaddii R/wasaare Saacid oo halkii sanno ee lasoo dhaafay xilka hayey.
Saxaafadda ayaa looga yeeray xarunta madaxtooyada si ay goob-joog uga ahaadaan magacaabidda R/wasaaraha cusub, iyadoo madaxweynuhu uu ku jiray maalmihii lasoo dhaafay wadatashiyo ku aaddan magacaabidda ruuxa uu xilka u magacaabo,iyadoona tiri siyaasiyin iyo ganacsato isgu jirtana ay isku soo taagen qabashada xilka.
Dhinaca kale warar ay helayso Raxanreeb.com,kuwaaso ku dhow-dhow madaxtooyada Soomaaliya,waxaa ay sheegayan in xilkaan loo magacaboyo nin lugu sheegay C/Wali SH Axmed Baardheere.
Madaxweynaha Soomaaliya oo warbaahinta la hadlay xilligii R/wasaarihii horre baarlamaanka ay diraan,ayaa sheegay inuu soo magacaabi doonno ruux la yimaada isbadal dhab ah iyo waxqabad,iyadoona dhinacyada bulshada Soomaaliya iyo caalamkuba ay ku baaqayen in la soo magacaabo ruux wax ka badali kara xaalka Soomaaliya.
______
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
