Kismaayo(RBC Radio) Wafti uu hogaaminayo wasiirka arimaha gudaha iyo amniga qaranka xukuumada Soomaaliya Xuseen Guuleed ayaa gaaray magaalada Kismaayo ee xarunta gobolka Jubada Hoose waftiga wasiirka ayaa waxaa oo uu ka mid ahaa wasiirka gaashaandhiga xukuumada Soomaaliya C/xakiin Xaaji Max’uud Fiqi ayaa waxaa si diiran ugu soo dhaweeyey garoonka diyaaradaha magaalada Kismaayo masuuliyiinta maamulka kumeelgaarka ah ee magaalada Kismaayo.
Waftiga ayaa markii ay gaareen Kismaayo waxa ay kulan albaabadu u xiran yihiin kula yeesheen garoonka madaxda kumeelgaarka ah ee maamulka magaalada Kismaayo oo uu ugu horeeyey gudoomiyaha kumeelgaarka ah ee Kismaayo Axmed Madoobe.
Ilaa hada lama oga waxyaabaha ay sida rasmiga ah uga wada hadleen waftiga ka socda dowlada Soomaaaliya iyo madaxda maamulka magaalada Kismaayo,mana jirto cid ka mid dhinacyada kulanka qaatay oo la hadlay warbaahinta waxaana lagu wadaa in saacadaha soo aaddan ay ka warbixiyaan kulanka ay wada yeesheen labada dhinac.
Wixii kusoo Kordha Booqashada Kismaayo ee waftiga ka socda dowlada uu ku gaaray magaalada Kismaayo kala Soco Raxanreeb
RBC Radio
Use Facebook to Comment on this Post
