Gedo(RBC Radio) Wararka ka imaanaya deegaanka Birta-dheer oo duleedka ka ah degmada Garbahaarey ee xarunta gobolka Gedo ayaa lagu soo waramayaa inuu xiligan ka soconayo dagaal qaraar oo u dhexeeya ciidamada dowlada Soomaaliya iyo kuwa ahlu-sunna oo isku dhinac ah iyo ciidanka alshabaab wararka laga helayo deegaanka uu dagaalku ka socdo ayaa xaqiijinaya in ciidamada dowlada ay duulaan ku qaadeen deegaankaas oo ay fariisin muhiim ah ku lahaayeen alshabaab.
Saraakiisha dowlada ee gobolka Gedo ayaa siyaabo kala gadisan uga hadlay dagaalka ka soonaya deegaanka Birta dheer ee gobolka Gedo gudoomiyaha degmada Garbahaarey ayaa sheegay in ciidanka dowlada ay weerar ku qaadeen fariisin ay alshabaab ku lahaayeen deegaan isla markaane ay cagta mariyeen lana wareegeen deegaankii uu dagaalku ka dhacay,wuxuuna intaa ku daray in dagaalku uu hada istaagay matkii sida uu sheegay in alshabaab ka saareen goobihii ay ku sugnaayeen.
Afhayeenka ahlu sunna ee gobolka Gedo Max’ed Xuseen Al-qaadi oo isne ka hadlay dagaalka ayaa sheegay in dagaalku uu wali ka socdo deegaanka wuxuuna sheegay in ciidamada dowlada iyo kuwa ahlu sunna oo iskaashanaya ay qaadeen weerarka wuxuuna tilmaamay iney alshabaab kala wareegeen gacan ku haynta deegaankaas oo uu sheegay iney ku lahaayeen dhufeysyo waaweyn oo ay kasoo qaadi jireen weerarada ay kusoo qaadaan magaalada Garbahaarey ee xarunta gobolka Gedo.
Wuxuuns shaaca ka qaaday in dagaalku uu si xoogan uga soconayo deegaano sida uu sheegay ku yaala Kalabayrka u dhexeeye degmooyinka Buurdhuubo,Garbahaarey iyo Baardheere wuxuuna sheegtay in dagaalka ay dhinacoodu ku gacan sareyaan alshabaabne ay gaarsiiyeen khasaare lixaad leh, ayna la wareegeen badi goobaha lagu dagaalamay wuxuuna intaa ku daray in marka uu soo dhamaado dagaalka ay warbaahinta uga warbixin doonaan,alshabaab ayaan ilaa hada ka hadlin dagaalka.
RBC Radio
Xafiiska Wararka Muqdisho
Use Facebook to Comment on this Post
