Boosaaso[RBC Radio] Musharax Xilka madaxwaynaha Puntland Cali Cabdi Awaare ayaa maanta booqashooyin ku kala bixiyay kaabayasha dhaqalaha ee magaaladda Boosaaso isagoo si gaar ah u kormeeray Dekedda wayn ee Boosaaso iyo sidoo kale garoonka diyaaradaha ee Banderqaasim International Airport.
Ugu horayn wafdigan uu hogaaminyay Musharax Cali Cabdi Awaare ee gaaray dekedda Boosaaso waxa uuna indha-indheeyay qayabaha kala duwan ee dekadda xiligaas oo ay mashquul ku ahayd dejinta iyo dhoofinta badeecadaha iyo Xoolaha nool.
Cali Cabdi Awaare ayaa xili uu warbaahinta kula hadlay gudaha dekadda Boosaaso ayaa sheegay in hadii uu ku guulaysto kurisga Madaxwaynaha uu hormarin doono dekadda islamarkaana kuwo kale laga hirgalin doono deegaanadda kale ee xeebaha leh kuna habooon dekedd inay yeshan.
Dhinaca kale Musharax Cabdi Awaare ayaa booqday Garoonka diyaaradaha ee Boosaaso Bander qaasim Airport oo kamid ah kaabayasha dhaqaala dalka.
Musharx Madaxwayne Cali Cabdi Awaare ayaa noqonaya musharixii ugu horeeyay ee u taagan xilka Madaxwaynaha ee booqday muhiimadna siiyay ilaha dhaqaalaha Puntland gaar ahaan magaaladda ganacsiga ee Boosaaso .
Si kastbaha ha ahaatee Musharax Awaare ayaa soo gaaray magaaladda Boosaaso asbuucan gudihiisa si wayna loogu soo dhaweyay xili ay inagu soo wajahnatahay doorashadda madaxnimo ee puntland oo horaanta bisha soosocota ka dhici doonta magaaladda Garawe.
______________
RBC Radio
Use Facebook to Comment on this Post
