Garoowe RBC RADIO) Musharaxiin ay ka mid yihiin Maxamed C/Nuur Xirsi Cali Xaaji C/Dulle Dhagoole iyo Msuaharx C/Daahir Maxamed Yuusuf oo shir Saxaafadeed ku qabtay Magaalada Garoowe waxay sheegeen in ay raacsan yihiin Go’aankii ay soo saareen Musharaxiinta ku sugan Magaalada Boosaaso oo ay ku magacaabeen Gudiga khilaafaadka waxay kaloo ku baaqeen Musharaxiintu in wada hadal ay wada galaan iyaga iyo Madaxweynaha Puntland si xal loo gaaro kaasi oo Sabtida ka dhici doona Xarunta Cilmi Baarista ee magaalada Garoowe si loo badbaadiyo.
Musharax Maxamed C/Nuur Xirsi ayaa sheegay in uu hadalkiisa ku adkeynayo Madaxweynaha Puntland in uu Aqbalo Codsiga Musharaxiinta ee ah in Shir la wada galo xalna laga gaaro Khilaafaadka, wuxuu kaloo Isimada Puntland ka Codsaday in ay qayb ka qaataan arintan taagan ee khilaafaadka wuxuuna ka codaday in ay Qayb ka noqdaan shirka Puntlandna Nabada ka jirta ayuu sheegay in ay sii jiri doonto Doorashaduna ay Nabad ku dhici doonto.
Hoos ka dhagayso Codka Musharax Maxamed C/Nuur Xirsi.
Hadalka Musharaxiintan ayaa imaaneysa iyadoo dad badan ay hadal hayeen halka uu ku dambayn doono Khilaafka u dhexeeya Musharaxiinta iyo Madaxda Dowlada Puntland kaasi oo la xiriirta Arimaha Doorashooyinka iyo Gudiga la magacaabay inkastoo hada Hadalka kasoo yeeray Musharaxiinta aan kor ku soo xusnay ay dad badan u fahmi karaan mid isu soo dhaweynaya 2da dhinac meeshana ka saaraya in uu sii baaho khilaafka la hadal hayo.
Ibrahim Wadani
RBC RADIO
Xafiiska Wararka Garoowe.
Use Facebook to Comment on this Post
