Boosaaso[RBC Radio] Musharax Cabdullaahi Shiikh Axmed oo u taagan Jagada Madaxtinimada dowladda Puntland ayaa kulan la qaatay qeybaha kala duwan ee bulshada Boosaaso.
Kulanka oo ahaa qado ayaa,waxaa ka qeybgalay Madaxweynihii hore ee Puntland Jen Cadde Muuse,Issimo,aqoonyahan,ganacsato,culuma’udiin iyo xubno kala duwan.
Musharax Cabdullaahi Shiikh Axmed oo kulanka kasoo soo Jeediyey qorshihiisa Siyaasadeed ayaa sheegay in uu noqon doono mid ka badelan ballanqaadyada ay sameeyaan Musharaxiinta kale.
…….”” Barnaamij waa weli,waxaasaan qabanayaa iyo waxbaan jeexayaa iyo waxbaan ka fiicnaanayaa ‘Cabdirixmaan Faroolaba wax buu akhriyey waa la qoran karaa weynu ka hadli doonaa wan Jeclahay inaan ka hadlo marxaladeeda……””ayuu yiri.
Madaxweynaha Puntland iyo Xukuumadiisa ayuu ku dhaliilay ineysan la imaan waxqabad muuqda mudadii ay xafiiska joogtay,wuxuuna intaas ku daray in dhibaato weyn loo geystay dadka dega gobolka Sool tallaabadaasina uu mas’uul ka yahay maamulka Puntland.
Mar uu ka hadlayey dhanka qaraxii lsmiidaaminta ahaa ee Boosaaso lagu laayey Ciidamo ka tirsan Puntland iyo dad shacab ah ayuu sheegay in uu tacsi u dirayo dadkii ku dhintay kuwa dhaawaca ahna EEBE uga baryey Caafimaad taam ah.
Guddoomiyaha Guddiga Wadatashiga Bari Iyo Sanaag Yuusuf Xaaji Siciid ayaa xusay in Musharax Cabdullaahi Shiilh Axmed uu muujiyey in uu isbadel diyaar u yahay uu gaarsiinayo Puntland.,wuxuuna sheegay in uu aqoon fiican u leeyahay Musharax.
Caaqil Maxamuud Siciid Aw-muuse oo kamid ah Cuqaasha Puntland ayaa insa soo dhaweeyey Isbadelka uu ku dhawaaqay Musharax Cabdullaahi Shiikh Axmed balse Isbadelkaasi uusan noqon mid dadka aysan ku kala fogaan.
Dr Cabdiqaadir Cali Kiwir oo isna hadal kasoo Jeediyey kulanka ayaa sheegay in loo baahanyahay in Ummada uu hoggaamiyo kan wax u qaban kara balse la iska daayo in qabiil wax lagu raadiyo.
__________________
Cismaan Turaabi
RBC Radio
turrabi30@gmail.com
Use Facebook to Comment on this Post
