Gaalkacyo[RBC Radio] Magaaladda Gaalkacyo ee xarunta gobolka Mudug waxaa maantay ku geeryoodey allaha unaxariste wariye Cali Maxamed Cali oo ku magac dheera Cali Suldaan,waxana lugu aasay isla maantay qa-buuraha barri ee Gaalkacyo.
Wariyaha ayaa maalmihii ugu danbeeyey ku xanuusanahay Cisbitaalka guud ee Gaalkacyo,halkaaso uu ku geryoodey.
Aaska loo sameeyey AUN wariye Cali Suldaan,waxaa ka qeyb galay mas’uuliyin kala gadisan oo ay qeyb ka ahaayeen maamulka gobolka Mudug,wasiiro ka tirsan Puntlan,wariyaasha ka howlgalla Gaalkacyo iyo xubno ka socday qeybaha bulshada gobolka Mudug.
Dhamaan dadkii ka soo qayb galay Aaska wariyaha ayaa haddalo ay jeediyen waxay rabi ugu baryeen in illahay u naxaristo Cali Suldaan.
…”"”Illahay waxan ugu baryeena wariye Cali Suldaan inuu u naxaristo,waxaa uu ahaa ruux si weyn looga yaqaano gobolka iyo guud ahaanba dalka,waxana ku sheegi karna ruux wanagsan inuu ahaa…”"”ayaa lugu yiri hadalo laga jeediyey Aaska wariyaha.
Wariye Cali Suldaan waxaa uu ka mid ahaa wariyaasha muddada dheer ka soo shaqeeynayey mihnada saxaafadda,waxana uu ka mid yahay wariyaasha ugu faca weyn ee Puntland,waxaana uu ka soo shaqeeyey warbaahino dhowr ah oo ay ka mid ahaayeen Radio Codka Nabadda,Radio Daljir,ETN TV iyo HCTV,waxana uu xilliyadi ugu danbeysay la shaqeynayey talifishanka Puntland oo uu gobolka Muudg u qaabilsana.
Sidoo kale wariya Cali Suldaan,waxaa uu ahaa Aabe ifka uga tagay 6-carruur ah saddex wiil iyo saddex gabdhood iyo hal xaas oo carruta hooyadod ahayd.
Maamulka iyo Shaqaalaha shabakada wararka ee Raxanreeb.com ayaa iyaguna ka tacsiyeenaya geeradi wariye Cali Suldaan,waxana leenahay Rabi ha u raxmado.
Wariye C/naasir Maxamed Cali oo la walaal ah wariyaha geryoodey
_________
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
