Garoowe (RBC RADIO) Madaxweynaha Dowlada Puntland Dr C/Raxmaan Faroole iyo Wafdi uu hogaaminayo ayaa u amba baxay Magaalada Jigjiga ee Xarunta Dowlad Deegaanka Soomalida Itoobiya wuxuuna Saxaafada u sheegay in uu Halkaasi u tagay Casumaad mar hore lagu soo war geliyay oo Iminka oo Wadanka Xaalad adag ay ka taagan tahay kusoo beegmay sida uu Madaxweynuhu yiri, wuxuuna sheegay in uu dhawaan soo laaban doono kadib markii uu ka qayb galo Bandhiga wayn ee Qoomiyadaha Itoobiya oo Sanadkan lagu qabanayo Magaalada Jig-Jiga.
Madaxweyne faroole ayaa sidoo kale soo hadal qaaday dhacdadii ka dhacday Boosaso ee Qaraxa loogu gaystay Ciidankii Bada iyo Shacab meesha marayay wuxuu sheegay in la helay Magaca ninkii qaraxa gaystay oo lagu magacaabo axmed ibraahim Axmed Aadan waana Reer Shabeelle ayuu yiri Madaxweynuhu wuxuuna cadeeyey in uu socdo Dabagal iyo xog muhiim ah oo ay helayaan dhawaanna ay soo bandhigi doonaan, Madaxweynuhu wuxuu sheegay in shacab iyo Ciidan lagu laayay Magaalada kuwaasi oo aan waxba galabsan Alshabaabna ay guul ku sheeganayaan wuxuuse hadalkiisa sii daba dhigay in arintaasi raadraaceeda ay Dowlada Puntland u taal kana mira dhalin doonto.
Si kastaba Safarka Madaxweynaha ayaa kusoo beegmaysa iyadoo Musharaxiinta u tartameysa Xilka Madaxtinimo ee Puntland ay kusoo qulqulayaan Magaalada Garoowe iyagoo isku diyaarinaya ka qayb galka Doorashooyinka waxaana ugu dambeeyey Musharax C/daahir Maxamed Yuusuf Yeey oo Garoowe lagu soo dhaweeyey.
Hoos ka dhagayso Codka Madaxweynaha.
Ibrahim Wadani
RBC RADIO
Xafiiska Wararka Garoowe.
Use Facebook to Comment on this Post
