New York(RBC Radio) Golaha ammaanka ee Qaramada Mdoobe ayaa muddo kordhin u sameeyey ciidamada caalamiga ah ee ka howlgala xeebaha Soomaaliya kuwaas oo la dagaalama kooxaha burcad badeeda ah ee Maraakiibta ka afduubata xeebaha Soomaaliya.
Warbixin kasoo baxday Golaha ammaanka ee Qaramada Midoobe ayaa muddo kordhin loogu sameeyey Dowladaha iyo Hay’adaha caalamiga ah ee ka howlgala xeebaha Soomaaliya si ay uga safeeyaan kooxaha Burcad badeedda ah ee dhibaataka ka wada Xeebaha Soomaaliya iyo kuwa ganaka.
Golaha ammaanka ee Qaramada Midoobe ayaa tilmaamay in muddo kordhinta loo sameeyey dowladaha ka howlgala xeebaha Soomaaliya ay suurto gelinayso in xeebaha Soomaaliya loo daabulo Maraakiibta, Hub iyo Diyaarado si ay ciidamada caalamiga ah ee xeebaha Soomaaliya ku sugan ay ula dagaalamaan Burcad badeedda Soomaalida.
Dhanka kale warbixinta kasoo baxday Golaha ammaanka ee Qaramad Midoobe ayaa lagu sheegay in goluhu u isku raacay in cunaqabatayntii Soomaaliya laga qaatay aysan suurto gal ka dhigin inay Hub iyo qalab kale helaan kooxaha Burcad badedda Soomaalida.
RBC Radio
Xafiiska Muqdisho
Use Facebook to Comment on this Post
