Madaxweynaha Malaawi Joyce Banda
Malaawi[RBC Radio]Dowladda Malaawi ayaa si kulul uga hadashey qul-qulka Soomaalida sida sharrci darada ah kusoo galaya dalkaasi,waxana hadal ka soo yeeshrey madaxweynaha dalkaasi khatar lugu sheegay soo galitaanka dalkaasi ee Soomaalida.
Madaxweynaha dalkaasi Malaawe,haweenayda lugu magacaabo Joyce Banda,ayaa si kulal u weerartay soo gali taanka dalkeda ee ay soo galayaan Soomaalida sida sharcidara ah kusoo galaya dalkeeda,waxana hadalkaan ay sheegtay kadib wareysi ay siinaysey wargayka The Telegraph ee britian.
Waxaa ay soo hadal qaaday in dadka qaxootiga ah gaar ahaan Soomaalida ay dhibaato ba’an ku hayaan dalkeeda, waxay walaac ka muujisay khatarta ka iman karta qulqulka qaxootiga.
“Waxbadan ayaan saaxiibadeen kala hadalnay in aan xal u helno arrinta qaxootiga dalkeenna soo gelaya, kadibna u sii gudbaya dalalka kale.” Ayey tiri Madaxweyne Banda “bilo markay joogaan waxay qaataan soomaalidu baasaboorka dalkeenna, deedna waxay u dhoofaan UK iyo USA.”
Madaxweynaha ayaa si caro leh u tiri “xuduuda ayaan dhigi doonaa ciidamo fara badan, iyagoo lugaynaya ayey ka soo degaan buuraha, kadibna waxay soo galaan dalka iyagoo ku socda si sharci daro ah.”
Soomaalida ugu badan ee jooga koonfurta Afrika, Mozambique ilaa Zambia ayaa inta badan waxay maraan dalka Malaawi, sidoo kale isla dalkaas ayaa ka mid ah meelaha ugu badan ee ay Soomaalidu ku nool yihiin dhanka koonfurta qaarada Afrika.
____
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
