Shalanbood(RBC Radio) Wararka naga soo gaaraya inta u dhexeysa magaalooyinka Afgooye iyo Shalaanbood ayaa sheegaya in maanta halkaas lagu dhacay Baabuur rakaab ah oo ka ambabaxday magaalada Muqdisho ee caasimadda Soomaaliya.
Mid ka mid ah Darawaladii kaxaynaysay baabuurtaas ayaa warbaahinta u sheegay in markii ay marayeen inta u dhaxaysa magaalooyinka Afgooye iyo Shalaanbood ay wada u galeen kooxo hubaysan oo labisnaa darayska ciidamada xoogga dalka Soomaaliya.
Wuxuu sheegay in kooxaha hubaysan ay wadayaashii baabuurtaas oo uu isagu ka mid ahaa ku amreen inay wada ka leexiyaan, darawalkaas ayaa tilmaamay in kooxaha ku labisnaa darayska ciidamada qalabka sida ee dowladda federaalka Soomaaliya ay wax walka oo ay wateen rakaabkii saarnaa gawaaridaas ay ka qaateen, wuxuuna intaa ku daray inay fursi u gaysteen Haween saarnaa gawaaridaas.
Darawalka oo sii wata hadalkiisa ayaa sheegay in sadex ka mid ah Haweenkii saarnaa baabuurtaas ay kufsi u gaysteen kooxaha wada u galay gawaaridaas ee xirnaa darayska ciidamada qalabka sida ee dowladda federaalka Sooomaaliya.
Masuuliyiinta maamulka gobolka Shabeelaha hoose wali kama aysan hadlin dhaca iyo kufsiga galabta loo gaystay rakaabkii saarnaa gawaaridaas.
RBC Radio
Xafiiska Muqdisho
Use Facebook to Comment on this Post
