Qardho(RBC Radio) Musharax Cali Xaaji Warsme oo ka mid ah musharixiinta u taagan xilka madaxtinimada Puntland ayaa maanta si weyn loogu soo dhaweeyey magaalada Qardho waxaana ka qeybgalay soo dhaweyntiisa qeybaha Bulshda Qardho,iyadoo looga hortagay meel u jirta 20km dhanka Bari magaalada Qardho,waxaana ka qeybgalay gawaari aad u badan fardooleyda,Nabadoonada,Haweenka,Dhalinyarada,iyo dadweyne aad u badan.Soo dhaweyn Musharax Cali Xaaji Warsame ayaa si weyn loogu dareemay magaalada Qardho,waxaana maalmahaan magaalada ka socday hadal heynta Musharaxa in uu soo gaarayo magaalada Qardho.
Soo dhaweynta maanta loo sameeyey Musharax Cali Xaaji warsame ayaa dadkii ka qeybgalay waxa ay wateen sawirda musharaxa iyo halku dhigyo lagu soo dhaweenayo,waxaana dhamaman garaarida lagu dhajieyey Sawirada Musharaxa iyado ay jirtay warqado ka hadlaya waxqabadka Cali Xaaji Warsame.Musharaxa Markii uu soo gaaray magaalada ayaa waxaa uu ku dagay Hotel Embeye isaga oo la hadalay dadweynihii soo dhaweeyey waxa uuna u mahadceliyey dhamman dadka ku nool Qardho sida ay maant au soo dhaweeyeyn.
Cali Xaaji Warsame ayaa sii joogi doono magaalada Qardho maalmaha soo socda waxa uuna sheegay in uu kulamo gaar gaar ah la yeelandoono qeybaha Bulshda Qardho una soo bandhigi doono ajandihiisa siyaasadeed,waxa uuna rajeeyey in ay ku qanci doonaan dadka ku nool magaalada Qardho.
Soo dhaweynta Musharaxa ayaa maanta waxa ka qeybqaatay fardooleyda oo dhinac socday gaariga uu saarnaa Musharaxa waxa uuna ugu danbeyntii si gaar ah ugu mahadceliyey Nabadoonada,Haweenka,Dhalinyarada iyo Dhammaan dadkii ka soo qeybgalay soo dhaweyntiisa.
______________
RBC Radio
Xafiiska Qardho
Use Facebook to Comment on this Post
