Boosaaso(RBC Radio) Waxaa maanta soo gaaray magaaladda Boosaaso ee xarunta gobolka Bari Musharax Proff Axmed Cabaas Axmed(Gacma-gaab) oo kamid ah Musharaxiinta u taagan Jagada Madaxtinimada Puntland.
Garoonka diyaaradaha ee magaaladda Boosaaso Airport ayaa,waxaa kaga hortagay oo kusoo dhaweeyey dadweyne farabadan oo watay Sawirka Musharaxa iyo caleema qoyana isla markaana ay ku dhawaaqayeen hal ku dhigyo ay kusoo dhaweynayeen ,
Waxaana sidoo kale soo dhaweyntiisa ka qeybqaatay Siyaasiyiin magac ku leh Puntland,Issimo,aqoonyahan ,ganacsato iyo xubno kale oo si weyn u daneynayey imaatinka Musharaxa.
Profeysarka oo dadweynihii kusoo dhaweeyey Boosaaso iyo Saxaafaddaba kula hadlay garoonka diyaaradaha ee Boosaaso ayaa u rajeeyey dadkii soo dhaweeye doorasho ku dhacda si xor ah.
Sidoo kale,wuxuu sheegay Musharax Proff Axmed Cabaas Axmed in doorashada Puntland ka qabsoomeysa laga feejignaado in xubnaha codeyna noqdaan kuwa aan ku haboonayn isagoona xusay in doorasho cadaalad ku dhacda keeneyso maamul wanaagsan in shacabku helo.
Musharax Proff Axmed Cabaas Axmed ayaa ka dib loo soo galbiyey hoygii uu ka degi lahaa magaaladda Boosaaso,waxaana qorshuhu yahay in mudada uu joogo kulamo la qaato qeybaha bulshada ee ku dhaqan magaaladda.
Si kastaba Musharax Proff Axmed Cabaas Axmed ayaa noqonaya musharaxii labaad oo maalmo gudahood ku yimaada Boosaaso,waxaana lagu wadaa in Puntland ka qabsoonto doorasho ay si weyn u sugayaan shacabku oo ku dhacda si nabadgelyo ah.
_________________
RBC Radio
Xafiiska Bosaso
Use Facebook to Comment on this Post
