Quantcast
Channel: Raxanreeb Online
Viewing all articles
Browse latest Browse all 20124

Ra’iisul Wasaaraha Xukuumada oo Isbitaalka ku booqday dhaawacyada Weerarkii saldhigga Beledweyne(Sawirro)

$
0
0

Ra'iisul_Wasaaraha_oo_dhaawacyo_booqday_2Muqdisho(RBC Radio) Muqdisho, November 20, 2013—–Ra’iisul Wasaaraha Xukuumada Federaalka ee Soomaaliya Mudane Cabdi Faarax Shirdoon “Saacid” ayaa maanta booqday dhaawacyada dadkii ku waxyeeloobay weerarkii shalay kooxaha nabadiidka ay ku qaadeen saldhiga degmada Beledweyne kuwaasoo isla shalay dawladdu u dirtay diyaarado lagu soo daabulo si ay u helaan daweyn deg deg ah.

Dhaawacyadan oo ay tiradoodu gaareyso 13 una badan dad rayid ah ayuu Ra’iisul wasaaruhu ku booqday qolalkooda, wuxuuna alle uga baryay inuu caafimaad deg deg ah siiyo.

Ra'iisul_Wasaaraha_oo_dhaawacyo_booqday_6 “Runtii dadkan waxaa dhibaateeyey gacan ka xaq daran, mana jirto wax dembi ah oo ay galeen, dawladduna waxay ku howlan tahay sidii dalka looga sifeyn lahaa argagixisada” ayuu yiri Ra’iisul Wasaare Saacid oo xusay in kooxahan nabad diidku ay marayaan marxaladdihii ugu dambeeyey ee dhamaadkooda.

Dhanka kale, Ra’iisul Wasaaraha Xukuumada Mudane Cabdi Faarax Shirdoon ayaa booqday xarunta Wasaaradda Gaashaandhigga, halkaasoo uu kula kulmay saraakiisha sar sare ee ciidanka xooga dalka, waxaana ku wehlinayay xubno ka tirsan golihiisa wasiirada.

Ra'iisul_Wasaaraha_oo_dhaawacyo_booqday_4Sidoo kale, Ra’iisul Wasaaraha ayaa kormeeray qeybaha kala duwan ee xafiisyada wasaaradda oo ay xilligaasi ka soconayeen howlo baaxad leh oo ku aadan maamulka ciidanka. “Mudnaanta dawladda waa amniga iyo xasilinta dalka, dawladda Soomaaliyana waxaa ka go’an xoojinta tababarada ciidamada, kor u qaadidad adeega caafimaadka ee ciidanka, qalabeynta iyo mushaaraadkooda” ayuu yiri Ra’iisul Wasaaraha oo la hadlayay saraakiisha ciidanka.

Ra'iisul_Wasaaraha_oo_dhaawacyo_booqday_3 Ra'iisul_Wasaaraha_oo_dhaawacyo_booqday_5 Ra'iisul_Wasaaraha_oo_dhaawacyo_booqday_7 Ra'iisul_Wasaaraha_oo_dhaawacyo_booqday_9 Ra'iisul_Wasaaraha_oo_dhaawacyo_booqday_10 Ra'iisul_Wasaaraha_oo_dhaawacyo_booqday_11

______________

RBC Radio

Use Facebook to Comment on this Post

FacebookTwitterGoogle+Share


Viewing all articles
Browse latest Browse all 20124

Trending Articles