Garoowe (RBC RADIO) Wakiilka QM u Qaabilsan Arimaha Soomaliya Mr Nocholas Key iyo Wafdi uu hogaaminayo ayaa Garoowe kusoo wajahan sida ay nagu war geliyeen Masuuliyiinta Madaxtooyada Puntland waxaana jira Diyaar garow ku aadan soo dhaweyntiisa oo Garoonka diyaaradaha waxaa ugu tagi doona Wasiiro ka tirsan Puntland.
sida aan warar hoose ku heleyno Imaanshaha Mr Key ayaa la xiriirta Ismaan Dhaaf soo kala dhex galay Hay’adaha UNICEF iyo UNOCHA oo arimaha Samafalka ka shaqeeya iyo Wasaarada Qorshaynta Puntland qilaafkaasi oo wali taagan xalna aan loo helin inkastoo aan wali la xaqiijin wax yaabaha ay 2dhinac isku maan dhaafeen hadana wararku waxay sheegayaan in sababtu ay qayb ka tahay sida hay’ada UNOCHA ayasan uga qayb qaadan Musiibooyinkii ka dhacay Puntland, Wakiil Key ayaase u muuqata in uu wada xaajood arintan ka geli doono si isu soo dhawaansho loo helo.
Nicholas Key Safarkiisa ayaa sidoo kale la saadaaliyay in ay la xiriirto ka hadalida iyo u tacsiyeynta dadkii ku dhibaatoobay Duufaanadii haleelay Puntland Maalmihii lasoo dhaafay iyadoo ay macquul tahay in fariin arintaasi la xiriirta uu Puntland uga wado Qaramada Midoobay.
RBC RADIO
Xafiiska Wararka Garoowe.
Use Facebook to Comment on this Post
