Musharax Cali Xaaji Warsame oo diyaaradii kasoo dagey maanta
Boosaaso(RBC Radio) Musharax xilka Madaxweynenimo ee Puntland Mudane Cali Xaaji Warsame ayaa maanta si weyn loogu soo dhaweeyey magaaladda Boosaaso ee xarunta gobolka Bari.
Musharax Cali Xaaji ayaa soo dhaweyntiisa,waxaa ka qeybqaatay dadweyne aad u farabadan sida aqoonyaha,mas’uuliyiin,haween,dhalinyaro,culuma’udiin,ganacsato iyo qaar kamid ah bulshadda Boosaaso.
Diyaaradii khaaska ahayd ee wadey oo soo caga-dhigatay Garoonka diyaaradaha ee Boosaaso ka dib ayaa,waxaa si khaas ah uga hortay Guddoomiyihii hore ee gobolka Bari Cabdixaafid Cali Yuusuf Iyo Zakariye Maxamed Isticmaar.
Musharax Cali Xaaji Warsame ayaa sheegay in marka hore uu mahadcelin ballaaran usoo Jeedinayo boqolaalkii dadweyne ee kusoo dhaweeyey magaaladda Boosaaso ee xarunta gobolka Bari.
….”” Waxaan mahad gaar ah u celinayaa shacbiga magaaladda Boosaaso iyo dhammaan gobolka Bari sida aad iyo aad u wanaagsaneyd ee ay igu soo dhaweeyeen Airpor-ka Boosaaso ,waxaad aad iyo aad ugu mahadinayaa wakhtigan oo wakhti kulul ah….””ayuu yiri Musharax Cali Xaaji.
Sidoo kale Musharax Dr Cali Xaaji Warsame ayaa sheegay in Puntland maanta ay mareyso duruuf adag oo ka timid dabeyshii duufaanada watey ee ku dhuftay deegaano kamid ah Puntland ayna dhinteen dad farabadan.
….””Waxaan ka codsanayaa aduunweynaha oo ugu horeyso in alle inta daneyneysa iney Puntland nabad iyo nolol ku waarto dadka ay ugu horeeyaan dadka reer Boosaaso oo runtii door weyn ku lahaa horumarka dalkaan iyo dadkaan iney kala qeybqaataan duruufta adage e maanta haysata Puntland….”””ayuu yiri.
Musharax Dr Cali Xaaji Warsame ayaa dalka dibadiisa ku maqnaa muddo laba todobaad ah ,intii uu dibada ku maqnaa wuxuu la kulmay diblumaasiyiin badan oo jooga magaaladda Nairobi sida Maraykanka,Ingiriiska iyo Itoobiya,waxayna u ballanqaadeen iney la shaqeyn doonaan.
_______________
Cismaan Turaabi
RBC Radio
turrabi30@gmail.com
Use Facebook to Comment on this Post
