Muqdisho(RBC Radio) Shilgaari oo khasaaro nololeed geystay ayaa maanta duhurnimadii ka dhacay deegaanka Dagaari ee gobolka Mudug ee bartamaha dalka Soomaaliya,gaariga shilka galay ayaa ka ambabaxay deegaanka Galinsoor wuxuuna kusii jeeday degmada Gaalkacyo ee xarunta gobolka Mudug.
Shilka ayaa lasoo sheegayaa inuu yimid kadib markii gaariga ay rasaas la dheceen dabley hubaysan oo jidgooyo u tiil deegaanka Dagaari,baabuurka ayaa markii la rasaaseeyey waxaa la sheegay inuu wadada ka baxay taasoo keentay inuu rogmado.
Shilka ayaa waxaa ku naf waayey 2 ruux oo ka mid ahaa rakaabkii gaariga,tira kale ayaa sidoo kale shilkaasi ku dhaawacmay waxaana loo qaaday cisbitaalada magaalada gaalkacyso oo xiligan lagula tacaalayo dhaawacyada kasoo gaaray shilka gaari.
Kooxdii dhibaatada u geystay gaari ayaa la tilmaamayaa iney goobta ka baxsadeen,dadka deegaanka ayaa ku waramaya in dableydani ay dhibaato ba’an u geystaan dadka ku safra wadada xiriirisa Gaalkacyo iyo Galinsoor,dadka deegaanka ayaa intaa ku daray in maamulka Galmudug marar badan looga cawday wax ka qabashada maleyshiyaadkan hubaysan ee bulshada dhibaateeya balse aysan ilaa hadda wax tallaabo ah ka qaadin.
RBC Radio
Use Facebook to Comment on this Post
