Westgate dhismaha wali kooxda hubeysan ay haysato
Nairobi[RBC Radio]Waxaa la soo sheegaya in wali xaaladda aysan dhinac u dhicin,war ka soo baxay dowladda Kenya waxaa lugu sheegey in konton iyo sagaal ruux ay ku dhinteen xarunta tukaamada Westgate ee Nairobi.
Waxaa wali ku jira dhismaha Westgate kooxihi weerarka soo qaday iyagona dhismaha ku haysta dad ay afduubeen,sidoo kale wasiirka arrimaha gudaha ee Kenya Joseph ole Lenku ayaa isna dhiniciisa sheegay inay wadan howlgallka,waxana uu inta u daray in howsha si dagan ay ciidama uwadaan iyagoo khatarka ka ilaalinaya dadka shacabka ah inkasto uu sheegay inay wadadaan dadaalo ku aadan sidii loo soo dayn lahaa dadka lagu haysto xarunta ganacsiga Westgate oo shalay ay weerareen ragg hubeysan oo ka tirsan Al-Shabaab.
Wasiirka arrimaha gudaha waxaa uu sidoo kale caddeyey in ciidanka ay la wareegeen dabakha afaraad ee dhismaha, iyadoo dableyda lagu hareereeyay qeybaha hoose ee dhismaha.
Wali lama xaqiijin dadka shacabka ah ee wali ku harsan dhismaha inkasta oo ay jiran dad wali ku xanniban dhismaha, sida ay sheegeen saraakiisha ammaanka ee dowladda Kenya.
Khasaaraha ayaa ah waqtigan 59 qof oo dhimasho ah,waxana jirta in laga soo samatabixiyey dhismaha dad gaaraya 1,000 qof.
Sida uu muujinayo muuqalka an hoos idin kugu soo gudbinay ee uu soo qaday Tv-ga laga leyahay dalka Rashka ee RT, waxaa uu mujinaya tiro dad ah oo ay boolisku bananka uga sarayan dhismaha.
Hoos ka Daawo muqaal laga soo qaday xarunta ay kooxaha hubeysa haystan ee Westgate.
_______
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
