Gaalkacyo[RBC Radio]Magaaladda Gaalkacyo waxaa maanta ka dhacday munasabad xilka ay kula kala waregeyn taliyaha cusub ee qaybta bilayska gobolka Mudug iyo taliyihii hore, ka dib markii dhawan taliska ciidanka booliska puntland ay xilkii ka qaaden taliyihii hore.
Munsabadda xil kala warejinta oo ka dhacday xarunta madaxtooyada ayaa waxaa ka qayb galay ku simaha gudomiyaha saraakisha ugu sarsaraysa cidanka bilayska iyo taliyaha cusub ee maanta xilka la wareegay C/laahi Shire Dool.
Ugu horayn waxaa xil ka qaadista taliyihii hore ku dhawaaqay taliyaha guud ee ciidanka bilayska Puntland Gen. Maxamed Siciid Jaqanaf, isla markaana sharaxaad ka bixiyay sababta keentay isbadalka taliska bilayka gobolka,waxana uu sheegay in xiligaan taliska ciidanka bilayska gobolka Mudug loo magacabay C/laahi Shire Dool.
Gen. Maxamed Siciid Jaqanaf waxaa uu ku amray laamaha amniga gobolka inay si wanagsan ula shaqeeyan taliyaha cusub si looga guul gaaro amniga guud ee gobolka Mudug gaar ahana magaaladda Gaalkacyo.
…”"”‘Munaasabada waxay quseysa qilka qaadis anu ku sameenay Jaamac Maxamed Axmed oo ahaa taliyaha qaybta bilayska gobolka Mudug,waxana xilka umagacawnay C/laahi Shire Dool,waxana u rajeynayna inuu si wanagsan xilkiisa u guto,sidoo kale waxan ku amreena dhamanba laamaha amniga gobolka inay siwanagsan ula shaqeeyan taliyaha cusub…”"”ayuu yiri Gen. Maxamed Siciid Jaqanaf guud ee ciidanka bilayska Puntland .
Taliyaha cusub ee qaybta bilayska gobolka Mudug C/laahi Shire Dool ayaa soo dhaweynta xilka loo magacaabay ka sakow waxaa uu shacabka gobolka ka codsaday inay ula shaqeeyaan si habsami leh, si wada shaqaynta shacabka iyo bilayska ay u sahasho horumar laga gaaro dhanka amniga oo ka mida baahiyaha uu gobolka qabo.
Taliyaha cusub ee qaybta bilayska gobolka Mudug C/laahi Shire Dool
…”"”"Waxan soo dhawenaya xilka la iimagacabay wana ku faraxsanahay,waxana shacabka ka codsanayna inay nala shaqeeyn si wada shaqaynta shacabka iyo bilayska ay u sahasho horumar laga gaaro dhanka amniga oo ka mida baahiyaha uu gobolka qabo…”"”‘ayuu yiri taliyaha cusub ee qaybta bilayska gobolka Mudug C/laahi Shire Dool.
Guddoomiye ku-xigeenka gobolka Mudug ahna Ku simaha guddoomiyaha Farxaan Cali Xirsi ayaa isaguna dhankiisa soo dhaweeyay ka maamul ahaan, isla markaana odorasay waxa uu soo kordhin doona isbadalka lagu sameeyay taliska qaybta bilayska, xilkunna uu yahay meerto.
Gudoomiyaha ayaa shacabka ka dalbaday inay gacmo furan ku soo dhaweyan, isla markaana ay ula shaqeeyaan si hagar la’aan.
…”"”Ka maamul ahan wan soo dhaweynayna isbadalka lugu sameeyey taliska ciidanka bilska gobolka Mudug,waxana qof walba ogsan yahay in xilkunna uu yahay meerto,waxan ugu baaqeyna bulshada gobolka Mudug inay gacmo furan ku soo dhaweyan, isla markaana ay ula shaqeeyaan si hagar la’aan,taliyaha cusub…”"”ayuu yiri Farxaan Cali Xirsi.
Si kastaba isbadalka lagu sameeyay taliska qaybta bilayska ayaa ku soo aadaya xili gobolka Mudug ay ka socdaa dhaqdhaqaaqyo iyo hawlgallo isdaba jooga oo lagu xoojinayo xasiloonida, sidoo kalana ,magaalada ay ku sugan yihiin saraakiisha gudiga amniga qaranka Puntland.
___________
Iimaan Maxamed Jaamac
Deegaan1994@gmail.com
RBC Radio xafiiska Gaalkacyo
Use Facebook to Comment on this Post
