Beledweyne{RBC Radio} Ciidama dowlada Federaalka Soomaaliya ayaa maanta howlgallo ka samaynaya magaalada Beledweyne ee xarunta gobolka Hiiraan waxayna ku baadi doonayaan dadkii ka danbeeyey dil xalay loo gaysta Nabadoon caan ka ahaa Gobolkaas.
Howlgalka ay sameynayaan ciidamada dowlada Soomaaliya ayaa waxay saakay waabarigii ka bilaabeen xaafada Howlwadaag ee magaalada Beledweyne waxayna ku soo qabqabteen ku dhowaad 16 ruux oo looga shakki sanyahay in ay ku lug lahaayeen dilka oday dhaqameedka..
Taliyaha qaybta Booliska ee gobolka Hiiraan Col. Isaaq Cali Cabdulle oo hadal kooban siiyay warbaahinta ayaa tilmaamay in uu wali socdo howlgalka ay ku baadi doonayaan cidda ka danbaysay dilka xalay loo gaystay marxuun Xuseen Macallin Maxamuud.
Ma jirto cid sheegatay dilka xalay loo gaysta marxuunka, balse Taliyaha Ciidama Booliska gobolka Hiiraan ayaa ku eedeeyay in ay ka danbeeyeen ururka Al-shabaaab, wuxuuna tilmaamay in dilalka qorshaysan ee ka dhaca G/Hiiraan ay ka danbeeyaan ururka Alshabaab.
Marxuunk ayaa lagu magacaabi jiray Xeseen Macallin Maxamuud ayaa, wuxuuna ahaa qof si wayn looga yaqaano G/Hiiraan iyadoo maanta lagu wadaa in lagu Aasu qabuuraha Siigaalow ee duleedka magaalada Beledweyne ee xarunta G/ Hiiraan.
RBC Radio
Xafiiska Muqdisho
Use Facebook to Comment on this Post
